दुबई पुगेको प्रचण्ड परिवार महँगो होटलमा बास…!

काठमाडौँ, १४ साउन । सत्तारूढ नेपाल कम्युनिस्ट पार्टीका अध्यक्ष पुष्पकमल दाहाल ‘प्रचण्ड’ पत्नी सिता, दुई छोरी र नातिनी सहित दुबई पुगेका छन् । पारिवारिक भ्रमणका लागि दुवई पुगेका प्रचण्ड संसारकै महँगोमध्येमा पर्ने होटेलमा बसेका छन् ।

मंगलवार बिहान साढे ९ बजे परिवारसहित दुबई उडेका प्रचण्ड दुबईको पाम जुमेरास्थित एट्लान्टिस होटेलमा बस्ने भएका हुन् । नेपाली समयअनुसार दिउँसो करीब १ बजे प्रचण्ड सपरिवार दुबई पुगेका हुन् ।

दुवईमा प्रचण्डलाई त्यहाँका नेकपाका कार्यकर्ताहरूले भब्य स्वागत गरेका थिए । नेकपा युएईका प्रस्तावित संयोजक बाबुराम विश्वकर्मा र प्रस्तावित सचिव श्याम पाठक प्रचण्डलाई स्वागत गर्न एयरपोर्ट पुगेका थिए ।

प्रचण्डले दुबईस्थित नेपाली कम्युनिटी र नेपाली बिजनेस काउन्सिलका सदस्यहरूसँग भेट गर्ने कार्यक्रम छ । तर राजनीतिक भेटघाटको भने कुनै योजना र कार्यक्रम तय भएको छैन । नेकपामा विभागको नेतृत्व टुंगो लगाउन सकस परेपछि १५ दिनसम्म सचिवालय बैठक स्थगित गरेर प्रचण्ड सपरिवार दुबई लागेका हुन् ।

सिताको इच्छा अनुसार उनी पारिवारिक सहित दुवई गएका हुन् । सिताले लामो समय देखि दुवई भ्रमणको इच्छा गरेका कारण प्रचण्डले अहिले समय निकालेका हुन् । पारिवारका सदस्यका अनुसार प्रचण्ड नितान्त घुमघामका लागि परिवारसहित दुबई पुगेका हुन् ।

प्रचण्डसँगै पत्नी सीता दाहाल, छोरीहरु रेणु दाहाल र गंगा दाहाल पनि भ्रमणमा रहेका छन् । लामो समयदेखि बिरामी रहेकी पत्नी सीता दाहालको इच्छामा दुबई भ्रमण तय गरिएको हो । सिता अस्वस्थ्य भएका कारण प्रचण्डले उनको मन बहलाउन ठाउँ ठाउँको भ्रमणका लागि लैजाने गरेका छन् ।

यो पनि हेर्नुहोस्ः

बालुवाटार जग्गा प्रकरणमा मुछिएका श्रेष्ठको मृ*त्युबारे सांसदहरुद्वारा गृहमन्त्रीको ध्यानाकर्षण,

आठौँ तल्लाबाट हा*म्फालेको भनीए पनि घटनास्थलमा कुनै रगत नभेटिएकाले घटना रहस्यमय बन्दै….नेपाली काङ्ग्रेसका सांसद्हरुले बालुवाटार जग्गा प्रकरणमा अख्तियार दुरुपयोग अनुसन्धान आयोगले वयान लिइरहेका युक्तप्रसाद श्रेष्ठको मृत्युको घटनाका सम्बन्धमा छानबिन गर्न माग गरेका छन् । प्रतिनिधिसभा राज्य व्यवस्था तथा सुशासन समितिको आजको बैठकमा सांसद देवेन्द्रराज कँडेलले बालाजुस्थित हिमालयन सिटी सेन्टरको आठौँ तल्लाबाट हा*म्फालेर आ*त्मह*त्या गरिएको भनिएका श्रेष्ठका मृत्यु रहस्यमय रहेको जनाउँदै गम्भीर ढङ्गबाट छानबिन गर्न गृहमन्त्री र प्रहरी प्रमुखको ध्यानाकर्षण गराउनुभयो ।

डिल्लीबजार मालपोत कार्यालयमा तत्कालीन नायब सुब्बाको पदबाट राजीनामा दिएर पर्वतमा नेपाली काङ्ग्रेसबाट राजनीति गरिरहेका ५७ वर्षीय श्रेष्ठले गत आइतबार हा*मफालेर आ*त्मह*त्या गरेको प्रहरीले जानकारी गराएको थियो । ‘‘आठौँ तल्लाबाट हा*मफालेर आ*त्मह*त्या गरिएका भनिएका श्रेष्ठको खसेको ठाँउमा कुनै रगत नदेखिएको तथा श*व परीक्षण प्रतिवेदनले पनि शरीरका कुनै पनि भागमा गम्भीर चोट लागेको नदेखाएको हुँदा ह*त्या भएको त होइन भन्ने शङ्का उत्पन्न गरेकाले बास्तविकता के हो जान्नका लागि छानबिन होस्’’, उहाँले भन्नुभयो ।

बैठकमा अर्का सांसद दिलेन्द्रप्रसाद बडूले एक साताअघि कञ्चनपुरमा झु*ण्डिएको अवस्थामा फेला परेका वसन्तबहादुर सिंहको श*वले पनि मुलुकको शान्ति सुरक्षालाई चुनौती दिइएको बताउनुभयो । उहाँले भन्नुभयो, “प्रधानमन्त्री रोजगार कार्यक्रमबाट पैसा भुक्तानी गरेर निस्किएका भनिएका सिंहको नजिकको जङ्गलमा बरामद भएको मोटरसाइकलभन्दा निकै टाढा श*व झु*ण्डिएको अवस्थामा फेला परेको भन्ने सूचना प्राप्त भएको छ, यस घटनालाई गम्भीरतापूर्वक हेरी थप छानबिन होस् ।” सोही दलका सांसद डिला सङ्ग्रौलाले कञ्चनपुरकी निर्मला पन्तको ह*त्या भएको एक वर्ष पुगिसक्दासमेत दोषी पत्ता लगाउन नसक्नु दुःखद् विषय भएको जनाउँदै मुलुकमा शान्ति सुव्यवस्था कायम गर्ने सन्दर्भमा सरकार गम्भीर होस् भन्नुभयो ।

समितिका अर्का सदस्य प्रेम सुवालले वाइडबडी, बालुवाटार जग्गा प्रकरण र अन्य भ्रष्टाचारका घटनामा मुछिएका व्यक्ति सत्तारुढ दलको छहारीमा खुले चुनौती दिएर हिँड्ने स्थितिको अन्त्य गर्न प्रहरीलाई स्वतन्त्ररुपले काम गर्ने सङ्गठनका रुपमा स्थापित गर्न आवश्यक रहेको बताउनुभयो । नेपाल प्रहरी र प्रदेश सम्पादन गर्ने कार्यको सञ्चालन, सुपरीवेक्षण र समन्वय सम्बन्धमा व्यवस्था गर्न बनेको विधेयकमाथि समितिमा भइरहेको छलफलमा सत्तापक्षको दबावमा प्रहरीलाई बदनाम गर्ने उद्देश्यले कतिपय घटनाको प्रमाण नष्ट गर्ने काम भएको केही सांसदले आरोप लगाउनुभयो । सांसद सुवालले भन्नुभयो, “अब हामीले प्रहरी ऐनमै प्रमाण नष्ट गर्ने होइन, संरक्षण गर्न बाध्यकारी बनाउने प्रावधान राखिनुपर्छ, अन्यथा भ्रष्टाचार खुलेआम चुनौती दिएर हिँड्ने, निर्दाेष व्यक्तिले आ*त्मह*त्या गर्नुपर्ने दिन आउन सक्छ, त्यसलाई अन्त्य गर्नुपर्छ, सत्ताको दबावमा चल्दा प्रहरी बदनामी भएको छ । रासस

Leave a Reply

Your email address will not be published. Required fields are marked *