धेरै सुत्नु हुन्छ ? सावधान यस्ता रोगबाट बच्नुहोस्

चिकित्सकका अनुसार एक वयस्क मानिस अधिकतम ८ घण्टासम्म मात्र निदाउँदा पर्याप्त हुन्छ ।

सुत्ने समय बेलुका हुनु पर्ने उनीहरुको सुझाव हुन्छ । तर कोरोना संक्रमणकालमा जारी लकडाउन र निषेधाज्ञाका क्रममा घरभित्रै हुनु पर्दा धेरै मानिस आवश्यकता भन्दा बढि निदाउने गर्दछन् ।

अहिले अधिकाशं मानिस राति अबेरसम्म ननिदाउने र बिहान अबेरसम्म वा दिउँसो पनि सुत्ने गर्दछन् । तर यसरी दिउँसो वा आवश्यकताभन्दा बढि सुत्दा मानिसको स्वास्थ्यमा यसले गम्भिर असर पार्ने गर्दछ ।

८ घण्टाभन्दा बढि सुत्दा शरीरमा आलस्यता हुने, मष्तिक बोधो हुने र मानिसमा जागँर मर्ने गर्दछ । यस अलावा देखिने स्वास्थ्य समस्या निम्न छन् ।

– दिउँसो सुत्ने मानिसको पाचनतन्त्रमा गडबडी हुने संभावना उच्च रहन्छ ।
– आवश्यकताभन्दा बढि निदाउने मानिसलाई खाएको नपच्ने हुन्छ ।
– बढि सुत्ने मानिसहरुमा कब्जियत, ग्यास, अपच लगायत समस्या आइलाग्छ ।

– धेरै सुत्ने मानिसमा मोटोपना बढ्नुको साथै मधुमेहको संभावना उच्च रहन्छ ।
– खानापछि एकछिन आराम त ठिकै हो तर निदाउँदा पेटसम्बन्धी रोग लाग्ने गर्दछ ।
– दिउँसो सुत्ने मानिसमा ज्वरो, गलासम्बन्धी रोग लाग्ने संभावना उच्च रहन्छ ।

– आवश्यकताभन्दा बढि सुत्नेहरुमा स्मरण शक्ति कमजोर, शरीर फुल्ने समस्या हुनसक्छ ।
– पढ्ने विद्यार्थीले लगातार सुत्नु हुदैन । तर लगातार २ घण्टाभन्दा बढि पढ्नु पनि हुदैन ।
– वृद्ध वा बालबालिकाहरु आवश्यकता अनुसार बढि समयसम्म निदाउदा असर पर्दैन ।

दिउँसो सुत्ने बानी कति खतरनाक ?

अहिले देशका लगभग सबै स्थानमा कोरोना संक्रमणको बढ्दो छ । त्यसैले संक्रमण दर रोकथाम र नियन्त्रण गर्न काठमाडौं उपत्यकासहित देशका विभिन्न स्थानमा निषेधाज्ञा जारी गरिएको छ ।

निषेधाज्ञाले घर बाहिर निस्कने मौका मिलेको छैन । दिनभर घरमा रहँदा दिन बिताउने सजिलो माध्यम सुत्नु बनेको छ ।

घरभित्रै कैद भएर बस्नु पर्दा दिक्क मानेर समय कटाउन भन्दै खाना खाए लगत्तै धेरै दिउँसो सुत्ने बानी धेरैमा परेको छ । तर बिरामी वा अस्वस्थ्य नभई दिउँसो सुत्ने बानी निकै हानिकारक हुने गर्दछ ।

यसले तत्काल कुनै ठूलो समस्या नदेखाए पनि कालान्तरमा ठूलो स्वास्थ्य समस्या निम्त्याउन सक्छ ।

– दिउँसो सुत्ने बानीले कालान्तरमा कलेजो क्यान्सरको खतरा हुने गर्दछ ।
– दिउँसो एक घन्टाभन्दा बढी सुत्दा टाइप टु डायबिटिजको खतरा हुने गर्दछ ।

– मुटुसम्बन्धी रोग, ब्रेन स्ट्रोक कारक पनि दिउँसोको सुताई हुने गर्दछ ।
– दिउँसो सुत्ने मानिसहरुमा भोक धेरै हुन्छ जसले ब्लड सुगर बढाउँने गर्दछ ।
– डायबिटिज वा मोटोपनका कारण पनि लिभर क्यान्सरको खतरा रहन्छ ।

दिउँसो केहि मिनेट मात्र आराम गरेमा यसले कुनै असर गर्दैन । तर लामो निन्द्रामा भने पर्नु हुदैन । आराम गर्दा प्राकृतिक हावा लाग्ने स्थान हुनु पर्दछ ।

प्रतिरक्षा प्रणाली बढाउन खानुपर्ने ३ कुरा

बर्षायाममा विभिन्न रोगहरुको संक्रमणदर उच्च हुन्छ । कमजोर प्रतिरक्षा प्रणाली भएका व्यक्तिहरुमा यस्ता रोगको संक्रमण छिटै हुने गर्दछ । हाम्रा सानासाना लापरबाहि वा गल्तीहरुले हामीलाई रोगको संक्रमणको जोखिम उच्च बनाएको हुन्छ ।

त्यसैले, रोगको संक्रमण नहोस् भन्न हाम्रा शरीरको प्रतिरक्षा प्रणालीलाई मजबुत बनाउनु आवश्यक हुन्छ । यसका लागी हाम्रो खाना कस्तो छ भन्ने महत्वपुर्ण हुन्छ । अर्थात हामीले खाएको खानाले शरीरको प्रतिरक्षा प्रणाली बलियो पार्ने गर्दछ ।

तसर्थ हामीले खानामा निम्न कुरा समावेश गरे शरीरमा रोग प्रतिरोध क्षमता बलियो हुने गर्दछ ।

१. फाइबारयुक्त अन्न

गहुँ, जौ, मकै लगायतका अन्न स्वास्थ्यका लागि उपयोगी मानिन्छ । यि अन्नमा फाइबरको मात्रा पाइने भएकाले यसले शरीरको प्रतिरक्षा प्रणाली मजबुत बनाउँछ । जसका कारण रोगको संक्रमणबाट बच्न सकिन्छ । यस अलावा फाइबरयुक्त खानाले कब्जियत हुँदैन ।

२. पानी
पानी तिर्खा मेटाउन मात्र होइन शरीर सञ्चालनका लागी समेत आवश्यक पर्दछ । पर्याप्त पानीको सेवनले शरीरबाट विकार निकाल्न मद्दत गर्दछ । साथै शरीरमा प्रतिरक्षा प्रणाली बढाउन समेत पानी महत्वपुर्ण हुन्छ । तर सकेसम्म चिसो पानी पिउनु हुदैन ।

३. तुलसी
धार्मिक महत्व बोकेको तुलसीमा विभिन्न औषधीय गुण रहेको हुन्छ । यो एक प्रकारको एन्टीबायोटिक पनि हो । यसको सेवनले शरीरको प्रतिरोधी क्षमता मजबुत बनाउने गर्दछ ।

Leave a Reply

Your email address will not be published. Required fields are marked *