यसरी भईरहेको छ विदेश जानेलाई धमाधम नयाँ-पुरानो श्रम स्वीकृति दिने काम (भिडियो सहित)

भदौ २५, काठमाडौँ | श्रम मन्त्रालय अन्तर्गत पर्ने वैदेशिक रोजगार बिभाग श्रम कार्यालय ताहाचलले सबै खाले श्रम स्वीकृति दिईरहेको जनाएको छ ।

उपत्यकामा निषेधाज्ञाका बाबजुत अहिले नयाँ जान चाहने तथा बिदामा जान चाहनेलाई श्रम स्वीकृति दिने काम जारी गरेको श्रम कार्यालय ताहाचलले जनाएको छ । त्यसोत हामीले यसै सन्दर्भमा बुधबार श्रम कार्यालयमै पुगेर एक भिडियो लिएका छौँ । तल हेर्नसक्नुहुन्छ ।


श्रम कार्यालयमा सम्बद्ध अधिकारीहरुका अनुसार सरकारको निर्णय अनुसार सबै खाले श्रम स्वीकृति दिने कार्य जारी छ । तर जारी निषेधाज्ञाका कारण श्रम कार्यालयमा धेरै भिड छैन ।

संस्थागत रुपमा बैदेशिक रोजगारीमा जानको लागि पनि श्रम खूला गरेको अवस्था छ तर दैनिक २/३ म्यानपावरको फाइल मात्र आएको छ । संस्थागत रुपमा बैदेशिक रोजगारीमा जान गत फागुन २९ अघि पुर्व स्वीकृति लिएका म्यानपावर कम्पनीहरुले आवेदन दिन सक्ने यसअघिनै बैदेशिक रोजगार बिभागले सूचना जारि गरेको अवस्था छ ।

तर श्रम कार्यालयमा केहि म्यानपावर मात्र श्रम लिन गएका छन् । अहिले सरकारले संस्थागत रुपमा विदेश पठाउन फागुन २९ गते अघि पुर्व स्वीकृति लिईसकेको भए सम्बन्धित देशको सम्बन्धित रोजगारदाताले दुतावास मार्फत नो अब्जेक्सन लेटर प्रमाणित गरेका छन् भने श्रम स्वीकृति पाउने छन् ।


कोरोना महामारीका कारण लामो समयदेखि बैदेशिक रोजगार ठप्प बनेको अवस्थामा भदौ १४ गते आइतबार बसेको मन्त्रीपरिषदको बैठकले बैदेशिक रोजगारीमा जान नयाँ श्रम स्वीकृति समेत खूला गरेको थियो ।

व्यक्तिगत रुपमा बैदेशिक रोजगारीमा जान भने रोजगारदाताले दुतावासमा नो अब्जेक्सन प्रमाणीकरण गरिराख्नु पर्दैन । सम्बन्धित रोजगारदाताले कामदारको भिषा, सम्झौता पत्र र नो अब्जेक्सन लेटर दिएमा श्रमस्वीकृति लिन सक्दछन्। त्यस्तै बिदामा आएकाहरुको हकमा पनि नो अब्जेक्सन लेटर दुतावासले प्रमाणित गर्नुपर्दैन ।

 

Leave a Reply

Your email address will not be published. Required fields are marked *