खाली पेटमा के के खानेकुरा खान हुँदैन ? थाहा पाउनुस

स्वस्थ जीवनका लागि सही समयमा सही चिजको सेवन आवश्यक हुन्छ । मानिसको स्वास्थ्य उसको खानपानमा निर्भर रहन्छ ।

खानपान स्वच्छ, पौष्टिक र ठिक्क मात्रामा खाए यसले लाभ पुर्याउँछ । तर कतिपय अवस्थामा भने कुन समयमा के खाने र के नखाने भन्ने बिषयको जानकारी समेत आवश्यक हुन्छ । आज हामी खाली पेटमा खान नहुने चीजबारे जानकारी दिदैछौं ।

१. टमाटर

टमाटरमा पर्याप्त मात्रामा भिटामिन र एन्टिअसिक्डेन्ट भरपूर मात्रामा पाइन्छ । तर यसलाई खाली पेटमा खायो भने एसिडिकका कारण पेटमा नकारत्मक असर पर्न जान्छ । जसले पेट दुख्ने समस्या हुन सक्छ । अझ अल्सर पीडितका निम्ती खाली पेटमा टमाटरको सेवन हानिकारक हुन्छ ।

२. अमिलो फल

भिटामिन सी, फाइबर र एन्टिअक्डिेन्ट पाइने अमिलो फल जस्तै सुन्तला, अंगुर, अमिलो लगायतका फलको सेवन खाली पेटमा हानिकार हुन्छ । यसले पेट दुख्ने समस्या हुन सक्छ ।

४. पफ, पेस्ट्री

बिहान खाली पेटमा खाजामा पफ वा पेस्ट्री खानु हुदैन । यसमा एक किसिमको ढुसी हुन्छ । जसले खाली पेटमा हामीलाई दुःख दिन सक्छ ।

५. पेय पदार्थ

चिसो पेय पदार्थ त्यसै पनि शरीरका लागि लाभदायक मानिँदैन । अझ बिहानीको खाली पेटमा यसको सेवन झनै खतरनाक हुन्छ । बिहान उठ्ने बित्तिकै कार्बोनेटेड ड्रिक्स पिएमा क्यान्सर तथा मुटुका बिरामीलाई असर पार्दछ ।

घरभित्रै पाइने ११ औषधि

घरमा कुनै दुर्घटना वा स्वास्थ्य समस्या आइलाग्ना साथ तत्काल अस्पताल वा डाक्टरकोमा पुग्ने सम्भावना हुदैन ।

यस्तो अवस्थामा हाम्रो आसपासमा पाइने जडिबुटिबाटै उपचार गर्न सकिन्छ । आज हामी सामान्य चोटदेखि पोलेका समस्या घरभित्रै उपचार गर्न सकिने उपाय बारे जानकारी दिदैछौं ।

१. तुलसी

एन्टीबायोटिक गुण भएको तुलसीको कुनै साइडइफेक्ट हुँदैन । यसको सेवनबाट रुघाखोकी, निमोनिया निको हुन्छ । तुलसी सेवनको फाइदै फाइदा छ । कुनै हानी छैन ।

२. बेसार

बेसार आफैमा एन्टिसेप्टिक र एन्टि व्याक्टेरियाजन्य तत्व भएइकाले यसलाई काटेको, जलेको घाउमा यसको प्रयोग गर्दा लाभ मिल्दछ । बेसारले मुटु रोग र क्यान्सरबाट बचाउँछ ।

३. लसुन

एन्टिभाइरस र एन्टिव्याक्टेरियलयुक्त लसुनले चिसो, ज्वरो र फ्लुबाट जोगाउँछ । लसुनको नियमति सेवनले आन्तरिक संक्रमणबाट बचाउँछ । यसको अनगीन्ती फाइदाहरु छन् ।

४. एलोभेरा (घिउकुमारी)

शरीरको छाला जलेमा वा पोलेको घाउँमा घिउकुमारी औषधिको रुपमा प्रयोग गरिन्छ । पोलेको ठाउँमा यसको रस लगाउँदा चिसो र शितलता प्रदान गर्छ ।

५. बिटर एलोभेरा (तितो घिउकुमारी)

तितो घिउकुमारी कब्जियत, एपेन्डिसाईटिस र पित्तासयको रोगको उपचारमा प्रयोग गरिन्छ । शरीरमा भएका विषादि हटाउन समेत यसको सेवन गर्न सकिन्छ ।

६. अदुवा

पेटलाई हल्का बनाउनुका साथै बान्ता आउने समस्याको समाधानमा अदुवा उपयोगी हुन्छ । राती एक कप अदुवा चिया खाँदा पाचन पक्रियालाई सहज बनाउछ ।

७. प्याज

जलेको छालामा प्याज दल्दा छालामा आराम मिल्छ । काँचो प्याज खाँदा छालामा चमक आउँछ । प्याजले विभिन्न संक्रमण र रोगहरुबाट बचाउँछ ।

८. हींग

श्वासप्रश्वास सम्बन्धी रोगबाट बचाउनुका साथै हींगले पाचनक्रिया मजबुत बनाउछ । यसले रोघाखोकी लाग्नबाट पनि बचाउछ । दाँत दुखाईमा समेत हींग उपयोगी हुन्छ ।

९. जाइफल

जाइफल घोटेर दूधमा मिसाई पिउनाले निद्रा लाग्दछ । तर, एक चौथाईभन्दा बढि भएमा हानिकारक हुन्छ । जीउ दुखेमा, नपुंसकता एवम् शीघ्रपतनमा पनि जाइफल उपयोगी हुन्छ ।

१०. ल्वाङ

ल्वाङले प्राकृतिक पेनकिलरको काम गर्दछ । दाँत दुखाई देखि जोर्नीमा हुने दुखाई, सुन्निने जस्ता समस्यामा पनि ल्वाङ फाइदाजनक हुन्छ ।

११. सुकुमेल

रुघाखोकी, घाँटी खसखस भए, भोक नलागे, बान्ता भए, अपच हुने आदि समस्यामा सुकुमेल सेवनले लाभ पुर्याउँछ । ज्वरो आएर जीउ पोलेको छ भने सुकुमेल खानाले सहज हुन्छ ।

 

Leave a Reply

Your email address will not be published. Required fields are marked *