साउदीद्वारा लाखौं विदेशी श्रमिक लाभान्वित हुने महत्वपूर्ण घोषणाको तयारी

कार्त्तिक १४, काठमाडौं । साउदी अरेवियाले सन् २०२१ मा कफाला प्रणाली (स्पोन्सरशीप सिष्टम) हटाउने भएको छ । साउदी गजेटका अनुसार साउदी अरेवियाले सो महत्वपूर्ण निर्णय गर्न लागेको हो ।

समाचार अनुसार साउदी अरेवियाले आगामी बर्ष अर्थात सन् २०२१ को ६ महिना भित्रमा नै कफाला अन्त्य गर्नेछ । यसबाट १० लाख भन्दा बढी अप्रवासी श्रमिकहरु लाभान्वित हुने माल अनलाइन विजनेश दैनिकलाई उधृत गर्दै साउदी गजेटले लेखेको छ ।

साउदी अरेवियाको मानव संशाधन मन्त्रालयले यसका बारेमा सामाजिक विकास मन्त्रालयले औपचारिक घोषणा गर्ने जनाएको छ । आगामी हप्ता यस बारेमा औपचारिक घोषणा हुनेछ । आप्रवासी श्रमिक तथा साउदीका रोजगारदाताबीच रोजगार करारको उचित प्रवन्ध हुनेगरी गर्न लागिएको सो निर्णयलाई ऐतिहासिक भनिएको छ ।

साउदी अरेवियाको सो घोषणासँगै सात दशकदेखि प्रचलनमा रहँदै आएको कफाला प्रणालीको अन्त्य हुनेछ । कफाला प्रणाली हटेपछि रोजगार करार सम्झौता कार्यान्वयनमा आउनेछ । हालसम्म कायम रहेको कफाला प्रणाली अन्तर्गत विदेशी श्रमिकमाथि रोजगारदाताको पूर्ण अधिकार रहन्छ । कफालाका कारण रोजगारदाताको अनुमति बेगर रोजगारी तथा मुलुक छोड्न समेत बन्देज लाग्ने भएका कारण यसलाई आधुनिक समयको दासताको रुपमा हेर्ने गरिन्छ ।

कफाला प्रणाली अन्त्य भएपछि आप्रवासी श्रमिकहरुले स्वदेश फर्किन तथा पुनः साउदी अरेवियामा रोजगारीका लागि जान स्वतन्त्र हुने अपेक्षा गरिएको छ । यसैगरी पुनः साउदी अरेविया नफर्किने गरी स्वदेश फर्किन वा रोजगारदाताको अनुमति नलिइ नै पुनः अर्को रोजगारी खोज्न पाउने अपेक्षा छ ।

कफाला अन्त्यका बारेमा बुधवार नै साउदी अरेवियाको मानव संशाधन मन्त्रालयले महत्वपूर्ण घोषणा गर्ने अपेक्षा गरिएको थियो । यसअघि साउदी अरेवियाले सन् २०२० को मार्च महिनासम्ममा नै कफाला प्रणाली अन्त्यको घोषणा गर्ने अपेक्षा गरिएको थियो । तर कोभिड १९ को महामारी फैलिएसँगै सो घोषणामा ढिलाई भएको समाचारमा जनाइएको छ ।

मलेसियामा विदेशी श्रमिक भर्ना गर्न नोभेम्वर १ देखि नयाँ व्यवस्था लागू हुने, यस्तो छ नयाँ व्यवस्था

मलेसियामा रिहायरिंग मार्फत तथा विदेशी श्रमिक भर्ना गर्न चाहने रोजगारदाताहरुले त्यसका लागि माई फ्यूचरजव्स मा विज्ञापन प्रकाशित गर्नुपर्ने व्यवस्था गरिएको छ । आगामी नोभेम्वर १ देखि लागु हुनेगरी यस्तो व्यवस्था गरिएको मलेसियाका मानव संशाधन मन्त्री एम शरभनानले बताएका छन् ।

मलेमेलमा प्रकाशित बनर्माद्दारा प्रेषित समाचारमा भनिएको छः (मानव संशाधन) मन्त्री शरभनानले यस्तो विज्ञापन १४ दिनभन्दा कम समयको हुन नहुने र ईच्छुकले आवेदन दिन ३० दिनको समय प्राप्त गर्ने जानकारी दिएका छन् । यसरी आवेदन दिनेहरुको अन्तर्वार्ता रोजगारदाता तथा सोसल सेक्यूरिटी अर्गनाईजेशन (सोक्सो) का प्रतिनिधिले लिने व्यवस्था मिलाइएको छ ।

“हामीले रोजगारीमा मलेसियन नागरिकलाई नै प्राथमिकता दिनेछौं” मन्त्री शरभनानले भनेका छन् “यदि कुनै विज्ञापनमा कुनै मलेसियन नागरिकले आवेदन नदिएमा मात्र सो पदमा विदेशी श्रमिकले अवशर प्राप्त गर्नेछन् ।”

मन्त्री शरभनानद्धारा जारी विज्ञप्तीमा भनिएको छः यस्तो विज्ञापन रोजगारीको पद, तलव, शैक्षिक योग्यता वा आवश्यक दक्षता तथा योग्यता खुलाएर माईफ्यूचरजव्समा प्रकाशित गर्नुपर्नेछ । यसैगरी रोजगारदाताले निश्चित प्रकृया पुरा गरी फरेन वर्कर्स म्यानेजमेण्ट सिष्टम (ईपिपिएएक्स) मा दर्ता हुनुपर्नेछ । समाचारमा अनुसार नोभेम्वर १ तारिख देखि जव्समलेसिया प्रयोग गरेमा पनि रिडाइरेक्ट भएर माईफ्यूचरजव्समा प्रयोगकर्ता पुग्नेछन् ।

Leave a Reply

Your email address will not be published. Required fields are marked *