झापा । अविरल वर्षासँगै आएको बाढीका कारण पूर्वपश्चिम राजमार्ग पनि अवरुद्ध भएको छ । झापाको विभिन्न स्थानमा राजमार्ग अवरुद्ध भएको हो ।
निर्माणाधीन राजमार्गमा बनाइएका केही डाइभर्सन बाढीले बगाएका कारण यातायात अवरुद्ध भएको हो ।काँकरभिट्टाको काली खोलामा बाटो बगाउँदा पूर्णरुपमा यातायात अवरुद्ध भएको जिल्ला ट्राफिक प्रहरी कार्यालयका प्रमुख प्रहरी निरीक्षक गणेश पौडेलले जानकारी दिए ।
बैकल्पिक मार्गबाट यातायात सुचारु गराउने प्रयास भइरहेको उनले बताए । धुलाबारीनजिक कल्भर्ट बाढीले बगाएको छ । अस्थायी रुपमा माटो पुरेर एकतर्फी यातायात सुचारु गरिएको पौडेलले जानकारी दिए । त्यस्तै बुट्टावारी चारआली सडकखण्डमा पनि बाढीले डाइभर्सन बगाएको छ ।
प्रतिकृया दिनुहोस्
