कृषि समाचार

हेटौँडा, असार १९ गते । कृषि प्रधान देश नेपालमा कृषिलाई मुख्य व्यवसायका रूपमा स्थापित गर्दै किसानलाई सम्मान गर्न सके देश विकासमा ठूलो टेवा पुग्ने हेटौंडा उपमहानगरपालिकाकी मेयर मीना कुमारी लामाले बताएकी छन्। मेयर लामाले आफ्नो सामाजिक सञ्जाल फेसबुकमार्फत पूर्वजहरूले नेपाललाई कृषि प्रधान देश भन्नुको मुख्य कारण यहाँको माटोको अद्भुत उर्वर शक्ति रहेको उल्लेख गर्दै त्यसको सही उपयोग हुन नसक्दा आज देशले खर्बौं रुपैयाँ बराबरको खाद्यान्न आयात गर्नुपरेको बताएकी हुन्। उनले पछिल्ला केही वर्षदेखि संघीय सरकार तथा स्थानीय सरकारले कृषिकर्मलाई विशेष प्राथमिकतामा राख्दै आएको उल्लेख गर्दै हेटौंडा उपमहानगरपालिकाले रोजगार, स्वरोजगार र कृषिलाई जोड दिँदै विभिन्न कार्यक्रम सञ्चालन गरिरहेको जानकारी दिइन्। यसै…

हेटौडा, असार १५ गते। हेटौंडा उपमहानगरपालिकाले स्वदेशमै बसेर कृषि तथा पशुपालन मार्फत स्वरोजगारमा संलग्न युवालाई प्रोत्साहन गर्ने कार्यक्रमलाई निरन्तरता दिएको छ। यसैक्रममा उपमहानगरपालिकाकी नगर प्रमुख मीनाकुमारी लामा सहितको टोलीले हेटौंडा–१४ मा सञ्चालनमा रहेको “निश्चलराज एकीकृत कृषि तथा पशुपंक्षी फर्म” को अवलोकन गरेको छ। अवलोकनका क्रममा फर्ममा भइरहेको ड्रागन फ्रुट खेती, कृषि उत्पादन तथा पशुपालन गतिविधिबारे जानकारी लिइएको थियो। टोलीमा प्रमुख प्रशासकीय अधिकृत टेक बहादुर वली लगायतको सहभागिता रहेको थियो। उपमहानगरपालिकाले उत्पादनमुखी तथा स्वरोजगारमा आधारित काममा संलग्न युवालाई आवश्यक सहयोग तथा प्रोत्साहन गर्दै आएको जनाएको छ। पछिल्लो समय हेटौंडामा ड्रागन फ्रुट खेतीसहित व्यावसायिक कृषि र पशुपालनतर्फ युवाको आकर्षण बढ्दो क्रममा रहेको…

हेटौडा, असार १५ गते। हेटौंडा उपमहानगरपालिकाका मेयर मीना कुमारी लामाले राष्ट्रिय धान दिवस तथा दही–चिउरा खाने दिनको अवसरमा कृषिप्रति सम्मान र कृषि आत्मनिर्भरताको आवश्यकता औंल्याएकी छन्। मेयर लामाले सामाजिक सञ्जाल फेसबुकमार्फत शुभकामना सन्देश जारी गर्दै नेपालमा धानको बिउ आयात बढ्दो क्रममा रहेको विषयप्रति चिन्ता व्यक्त गरेकी हुन्। उनले चालु आर्थिक वर्षको ११ महिनामा १ अर्ब २९ करोड ९४ लाख रुपैयाँ बराबरको २ हजार ९ सय ९३ टन धानको बिउ आयात भएको उल्लेख गर्दै स्वदेशी हाइब्रिड जातको धानको पर्याप्त विकास र उत्पादन नहुँदा किसान विदेशी बिउमा निर्भर हुनुपरेको बताएकी छन्। सरकारले धानको बिउमा आत्मनिर्भरताको नारा अघि सारे पनि हाइब्रिड बिउको अभाव…

हेटौडा, असार १४ गते। पहाडी तथा हिमाली क्षेत्रमा मात्र स्याउ उत्पादन सम्भव हुन्छ भन्ने धारणा बदल्दै हेटौंडा उपमहानगरपालिका–१५ सानोसुकौलीस्थित ‘स्यामा बाटिका एकीकृत कृषि तथा पशुपंक्षी फर्म’ ले व्यावसायिक स्याउ खेतीमार्फत नयाँ सम्भावना देखाएको छ । स्थानीय वातावरण अनुकूल प्रविधि अपनाएर सञ्चालन गरिएको फर्ममा हाल करिब १५० वटा स्याउका बोटबाट उत्पादन भइरहेको छ । फर्मले काँचोदेखि पाकेको स्याउसम्मको स्वाद लिन सकिने व्यवस्था गर्नुका साथै स्याउका बिरुवा उत्पादन गरी जिल्ला भित्र र बाहिरका कृषकसम्म पुर्‍याउँदै आएको छ । फर्मको अवलोकनका लागि हेटौंडा उपमहानगरपालिकाकी नगर प्रमुख मीनाकुमारी लामा सहितको टोली सानोसुकौली पुगेको थियो । टोलीमा उपमहानगरपालिकाका प्रमुख प्रशासकीय अधिकृत टेक बहादुर वली लगायतको…

हेटौँडा,जेठ ५ गते। हेटौंडा उपमहानगरपालिका वडा नं. १३ वडा कार्यालयले आर्थिक वर्ष २०८२/८३ को वार्षिक स्वीकृत कार्यक्रम अन्तर्गत कृषकहरूलाई ७० प्रतिशत अनुदानमा केराको बिरुवा वितरण गर्ने भएको छ। वडा कार्यालयले दोस्रो पटक सूचना प्रकाशित गर्दै केरा खेती प्रवर्धनका लागि इच्छुक कृषकहरूलाई सात दिनभित्र आवेदन दिन आग्रह गरेको हो। वडा कार्यालयका अनुसार कार्यक्रम अन्तर्गत कृषकहरूले ३० प्रतिशत लागत सहभागिता गर्नुपर्नेछ भने बाँकी ७० प्रतिशत रकम वडा कार्यालयबाट अनुदान स्वरूप उपलब्ध गराइनेछ। कार्यक्रम मार्फत वडा क्षेत्रभित्र व्यावसायिक केरा खेती विस्तार गरी कृषकहरूको आयआर्जन वृद्धि गर्ने लक्ष्य राखिएको जनाइएको छ। बिरुवा आवश्यक पर्ने कृषकहरूले प्रत्येक टोल विकास संस्थाको प्रतिनिधित्व हुने गरी वडा कार्यालयमा…

थाहा नगरपालिका,जेठ २ गते । नेपाल कृषिप्रधान देशका रूपमा परिचित भए पनि कृषकहरूले उत्पादन गरेको कृषिजन्य सामग्रीको उचित मूल्य पाउन नसकेको गुनासो वर्षौंदेखि दोहोरिँदै आएको छ। कृषिमा आफ्नो श्रम, समय र पसिना बगाएका किसानहरू राज्यबाट अपेक्षित संरक्षण र बजार व्यवस्थापन नपाउँदा मारमा परिरहेका छन्। यही समस्या अहिले मकवानपुर जिल्लाको थाहा नगरपालिकामा पनि देखिएको छ। थाहा नगरपालिका अन्तर्गतका दामन, पालुङ, बज्रबाराही र चित्लाङ क्षेत्रका अधिकांश किसानहरूले उत्पादन गरेको आलुले उचित बजार मूल्य नपाउँदा किसानहरू निराश बनेका छन्। स्थानीय किसानहरूका अनुसार यस वर्ष उत्पादन भएको आलुको मूल्य अत्यन्तै न्यून रहेको छ। व्यापारीहरू खेतमै पुगेर सेतो आलु प्रतिकेजी १० रुपैयाँ र रातो आलु…

हेटौँडा,बैशाख १४ गते । जिल्ला प्रशासन कार्यालयका प्रमुख वसन्त अधिकारीले डेरी उद्योगहरूलाई किसानहरूको बाँकी भुक्तानी तत्काल गर्न कडा निर्देशन दिएका छन्। लामो समयदेखि भुक्तानी रोकिएको गुनासो बढ्दै गएपछि प्रशासनले हस्तक्षेप गर्दै चाँडो रकम नतिरे कानुनी कारबाही अगाडि बढाउने चेतावनी दिएको हो। विशेषगरी साना किसानहरू दैनिक २–३ लिटर दूध बेचेर जीविको पार्जन गरिरहेका अवस्थामा उनीहरूको आय नै प्रभावित भएको छ। तर, डेरी उद्योगहरूले भने महिनौँदेखि भुक्तानी रोकेर किसानलाई थप समस्यामा पारेका छन्। प्रशासनका अनुसार गायत्री डेरी र शुभ डेरीले मात्रै करिब ११ करोड रुपैयाँ बराबरको रकम अझै तिर्न बाँकी रहेको छ। यसैबीच, सहकारी संघले असार मसान्तसम्म कम्तीमा ६५ प्रतिशत बक्यौता भुक्तानी…

हेटौँडा,चैत २९ गते । हेटौँडा उपमहानगरपालिकाले नगरवासीलाई आर्थिक रूपमा आत्मनिर्भर बनाउने लक्ष्यसहित आधुनिक कृषिमा विशेष जोड दिएको जनाएको छ। उपमहानगरपालिकाका प्रमुख मिना कुमारी लामाले सामाजिक सञ्जालमार्फत जानकारी दिँदै नगरभित्र गरिने हरेक काम उद्देश्यपूर्ण र सफल हुनुपर्नेमा जोड दिएकी छन्। उनका अनुसार कृषिलाई आधुनिक प्रविधिसँग जोड्दै नगरवासीलाई आर्थिक रूपमा सम्पन्न बनाउने दृढ संकल्पअनुसार विभिन्न कृषि गतिविधिहरू अघि बढिरहेका छन्। सोही क्रममा हेटौँडा–१८ मा महिला कृषकहरूले व्यावसायिक रूपमा सयपत्री फूल खेती गरिरहेका छन्। वेमौसममा समेत सयपत्री फूल उत्पादन गर्न सफल भएका कृषकहरूको उत्साहजनक प्रयासले अन्य कृषकहरूलाई समेत प्रेरणा मिलिरहेको प्रमुख लामाले उल्लेख गरेकी छन्। यसै अवसरमा वडा नम्बर १८ का अध्यक्ष अनिल…

हेटौंडा, चैत २६ गते । हेटौंडा उपमहानगरपालिका भित्र रहेको खेती योग्य जमिनमा आधुनिक प्रविधिको प्रयोग गर्दै फलफूल खेती विस्तार गर्ने लक्ष्यले उल्लेखनीय सफलता हासिल गर्न थालेको छ। नगर र प्रदेश सरकारको सहकार्यमा सञ्चालन गरिएको कार्यक्रमअन्तर्गत हालसम्म ३४ हजारभन्दा बढी मेवाका बिरुवा रोपिएका छन्, जसले फल दिन सुरु गरिसकेको छ। हेटौंडाका कृषकहरूले उत्पादन गरेका मेवा काठमाडौं लगायत देशका विभिन्न शहरहरूमा बिक्री वितरण भइरहेको छ भने केही कृषकहरूले भारतसम्म निर्यात गर्न थालेका छन्। यसले स्थानीय कृषकहरूको आम्दानीमा उल्लेखनीय वृद्धि गराएको छ। विशेषगरी उपमहानगरपालिकाको वडा नम्बर १३ का विभिन्न स्थानमा फैलिएको मेवा खेतीले कृषि क्षेत्रमा नयाँ सम्भावना देखाएको छ। आधुनिक प्रविधि र योजनाबद्ध…