कृषि समाचार

हेटौँडा,बैशाख १४ गते । जिल्ला प्रशासन कार्यालयका प्रमुख वसन्त अधिकारीले डेरी उद्योगहरूलाई किसानहरूको बाँकी भुक्तानी तत्काल गर्न कडा निर्देशन दिएका छन्। लामो समयदेखि भुक्तानी रोकिएको गुनासो बढ्दै गएपछि प्रशासनले हस्तक्षेप गर्दै चाँडो रकम नतिरे कानुनी कारबाही अगाडि बढाउने चेतावनी दिएको हो। विशेषगरी साना किसानहरू दैनिक २–३ लिटर दूध बेचेर जीविको पार्जन गरिरहेका अवस्थामा उनीहरूको आय नै प्रभावित भएको छ। तर, डेरी उद्योगहरूले भने महिनौँदेखि भुक्तानी रोकेर किसानलाई थप समस्यामा पारेका छन्। प्रशासनका अनुसार गायत्री डेरी र शुभ डेरीले मात्रै करिब ११ करोड रुपैयाँ बराबरको रकम अझै तिर्न बाँकी रहेको छ। यसैबीच, सहकारी संघले असार मसान्तसम्म कम्तीमा ६५ प्रतिशत बक्यौता भुक्तानी…

हेटौँडा,चैत २९ गते । हेटौँडा उपमहानगरपालिकाले नगरवासीलाई आर्थिक रूपमा आत्मनिर्भर बनाउने लक्ष्यसहित आधुनिक कृषिमा विशेष जोड दिएको जनाएको छ। उपमहानगरपालिकाका प्रमुख मिना कुमारी लामाले सामाजिक सञ्जालमार्फत जानकारी दिँदै नगरभित्र गरिने हरेक काम उद्देश्यपूर्ण र सफल हुनुपर्नेमा जोड दिएकी छन्। उनका अनुसार कृषिलाई आधुनिक प्रविधिसँग जोड्दै नगरवासीलाई आर्थिक रूपमा सम्पन्न बनाउने दृढ संकल्पअनुसार विभिन्न कृषि गतिविधिहरू अघि बढिरहेका छन्। सोही क्रममा हेटौँडा–१८ मा महिला कृषकहरूले व्यावसायिक रूपमा सयपत्री फूल खेती गरिरहेका छन्। वेमौसममा समेत सयपत्री फूल उत्पादन गर्न सफल भएका कृषकहरूको उत्साहजनक प्रयासले अन्य कृषकहरूलाई समेत प्रेरणा मिलिरहेको प्रमुख लामाले उल्लेख गरेकी छन्। यसै अवसरमा वडा नम्बर १८ का अध्यक्ष अनिल…

हेटौंडा, चैत २६ गते । हेटौंडा उपमहानगरपालिका भित्र रहेको खेती योग्य जमिनमा आधुनिक प्रविधिको प्रयोग गर्दै फलफूल खेती विस्तार गर्ने लक्ष्यले उल्लेखनीय सफलता हासिल गर्न थालेको छ। नगर र प्रदेश सरकारको सहकार्यमा सञ्चालन गरिएको कार्यक्रमअन्तर्गत हालसम्म ३४ हजारभन्दा बढी मेवाका बिरुवा रोपिएका छन्, जसले फल दिन सुरु गरिसकेको छ। हेटौंडाका कृषकहरूले उत्पादन गरेका मेवा काठमाडौं लगायत देशका विभिन्न शहरहरूमा बिक्री वितरण भइरहेको छ भने केही कृषकहरूले भारतसम्म निर्यात गर्न थालेका छन्। यसले स्थानीय कृषकहरूको आम्दानीमा उल्लेखनीय वृद्धि गराएको छ। विशेषगरी उपमहानगरपालिकाको वडा नम्बर १३ का विभिन्न स्थानमा फैलिएको मेवा खेतीले कृषि क्षेत्रमा नयाँ सम्भावना देखाएको छ। आधुनिक प्रविधि र योजनाबद्ध…

हेटौंडा, मंसिर ५ गते । विश्व मत्स्य दिवसको अवसरमा हेटौंडा–५ स्थित कर्रा खोलामा विशेष रेन्चिङ (माछाका भुरा छोड्ने) कार्यक्रम सम्पन्न गरिएको छ। कार्यक्रममा हेटौंडा उपमहानगरपालिकाका नगर प्रमुख मीनाकुमारी लामाले सहभागी भई प्रतीकात्मक रूपमा खोलामा माछाका भुरा छोडिन्। मत्स्य प्रवर्द्धन एवं संरक्षण केन्द्रले कर्रा खोलाको जैविक विविधता संरक्षण र मत्स्य उत्पादन प्रवर्द्धन उद्देश्यसहित ‘गर्दि’ जातका ३० हजार भुरा छोडेको जानकारी दिएको छ। कार्यक्रमसँगै नगर प्रमुख लामाले उपमहानगरपालिकाका उत्कृष्ट कर्मचारीहरूलाई सम्मानसमेत प्रदान गरिन्। उक्त कार्यक्रमले स्थानीय जलस्रोत संरक्षण, मत्स्य उत्पादनको वृद्धि तथा वातावरणीय सन्तुलनमा सहयोग पुग्ने अपेक्षा गरिएको आयोजकले जनाएको छ।

हेटौंडा, अशोज २ गते । जेन–जी आन्दोलनको क्रममा भएको आगजनीबाट भवन पूर्णरुपमा क्षतिग्रस्त भएपछि केही समय रोकिएको बागमती प्रदेशको कृषि तथा पशुपन्छी विकास मन्त्रालयको कामकाज अस्थायी रुपमा पुनः सुरु भएको छ। भदौ २४ गते भएको आन्दोलनमा आन्दोलनकारीले हेटौंडा–१ चौकीटोलस्थित मन्त्रालयको भवनमा आगजनी गरेका थिए। आगलागीबाट भवन पूर्णरुपमा नोक्सान भएपछि मन्त्रालयको सम्पूर्ण काम रोकिएको थियो। मन्त्रालयको कामकाज हाल अस्थायी रुपमा हेटौंडा स्थित कृषि विकास निर्देशनालयको भवनबाट सुरु गरिएको छ। मन्त्रालयले भने क्षतिग्रस्त भवनको प्राविधिक निरीक्षण गरी आवश्यक निर्णय पछि मात्र स्थायी व्यवस्थाबारे टुंगो लाग्ने जनाएको छ। कर्मचारीहरुलाई मनोबल उच्च राखेर काम गर्न हौसला प्रदान गर्दै बागमती प्रदेशका कृषि तथा पशुपन्छी विकास…