समाचार

गोरखा, असोज २५ गते । गोरखाको चुमनुव्री गाउँपालिका–६ स्थित लोक्पा र चुम्लिङको बीचमा आइतबार बिहान गएको पहिरोका कारण बुढीगण्डकी नदीमा लेदोसहितको बाढी आउँदा तल्लो तटीय क्षेत्रमा ठूलो क्षति पुगेको छ। बाढीमा परी पाँच जना बेपत्ता भएको सूचना प्राप्त भएको प्रधानमन्त्री बालेन्द्र शाहले सामाजिक सञ्जालमार्फत जानकारी दिएका छन्। बेपत्ताहरूको खोजी तथा उद्धार कार्य तीव्र पारिएको छ। बाढीले झोलुङ्गे तथा पक्की पुल, टेलिफोन टावर, बिजुलीका पोल, निर्माणाधीन बुढीगण्डकी हाइड्रोको क्याम्प क्षेत्र, निर्माण उपकरण तथा आसपासका घरहरू बगाएको छ। घटनापछि प्रभावित क्षेत्रमा खोजी तथा उद्धारका साथै क्षतिको विवरण संकलन गर्ने काम भइरहेको छ। प्रधानमन्त्री शाहका अनुसार बाढीको सूचना प्राप्त हुनासाथ इलाका प्रहरी कार्यालय…

गोरखा, असोज २५ गते । बुढीगण्डकी नदीमा आएको बाढीपछि प्रभावित क्षेत्रमा खोज तथा उद्धार कार्य तीव्र पारिएको छ। बाढी र पहिरोको जोखिममा रहेका नागरिकको उद्धार तथा सुरक्षित स्थानान्तरणका लागि नेपाली सेनाको फौज हवाई र स्थलमार्गबाट परिचालन गरिएको छ। प्रधानमन्त्री बालेन्द्र शाहले आफ्नो सामाजिक सञ्जाल मार्फत सार्वजनिक गरेको जानकारीअनुसार, पहिरोको जोखिममा रहेको जगत इलाकाबाट ६ जनालाई हेलिकप्टर मार्फत उद्धार गरिएको छ। उद्धार कार्यलाई थप प्रभावकारी बनाउन काठमाडौंमा रहेको नेपाली सेनाको कम्पोजिट क्विक रियाक्सन टिम (Composite Quick Reaction Team) समेत हवाई साधनमार्फत उक्त क्षेत्रमा तैनाथ गरिएको छ। बुढीगण्डकी नदीबाट प्रभावित क्षेत्रमा उद्धार, राहत वितरण तथा जोखिममा रहेका नागरिकलाई सुरक्षित स्थानमा स्थानान्तरण गर्न…

काठमाडौँ, असोज २३ गते । नेत्रहीन युवा संघ नेपाल (BYAN) को आयोजना र राष्ट्रिय युवा परिषद् नेपालको सहकार्यमा 'फर युथ लिडरसिप' परियोजनाअन्तर्गत तीनदिने 'नमुना युवा संसद' कार्यक्रम काठमाडौँमा सुरु भएको छ। दृष्टिविहीन, बहिरा तथा शारीरिक अपाङ्गता भएका युवाहरूलाई लक्षित गरी आयोजना गरिएको यस कार्यक्रममा काठमाडौँ, चितवन र झापा गरी तीन जिल्लाका ३३ जना अपाङ्गता भएका युवाहरूको सहभागिता रहेको छ। अपाङ्गता भएका युवाहरूलाई देशको संसदीय अभ्यास, कानुन निर्माण प्रक्रिया, विधेयक र संसदीय शब्दावलीबारे व्यावहारिक ज्ञान दिँदै उनीहरूमा नेतृत्व विकास, आत्मबल वृद्धि तथा नीति निर्माण र निर्णय प्रक्रियामा सहभागिता बढाउने उद्देश्यले यो अभ्यास सुरु गरिएको हो। नेत्रहीन युवा संघ नेपालका केन्द्रीय महासचिव…

काठमाडौं, असोज २० गते । जेनजी आन्दोलनकी अगुवा सरिस्मा थापाले २०८२ साल भदौ २३ र २४ गते भएको जेनजी जनआन्दोलनका क्रममा राज्यको दमन, योजनाबद्ध हिंसा तथा राज्यविहीनताको अवस्था सिर्जना भएको दाबी गर्दै सरकारको गम्भीर ध्यानाकर्षण गराएकी छन्। आज जारी गरेको ‘गम्भीर ध्यानाकर्षण’ वक्तव्यमा थापाले आन्दोलनको नेतृत्व तथा योजनामा संलग्न रहेको आरोप लागेका केही व्यक्तिहरू अहिले राज्यका महत्वपूर्ण जिम्मेवारीमा पुगेको, तर आन्दोलनमा सहभागी भएका व्यक्तिहरूमाथि मात्रै कारबाही भइरहेको भन्दै आपत्ति जनाएकी छन्। थापाले प्रधानमन्त्री बालेन्द्र शाह, राष्ट्रिय स्वतन्त्र पार्टीका सभापति रवि लामिछाने, सभामुख डीपी अर्याल तथा गृहमन्त्री सुदन गुरुङलगायतको आन्दोलनका क्रममा रहेको भूमिकामाथि प्रश्न उठाएकी छन्। उनले ती व्यक्तिहरूमाथि युवाहरूलाई उक्साउने,…

काठमाडौं, असोज २० गते । गृहमन्त्री सुदन गुरुङले गृह मन्त्रालय र मातहतका निकायमा कार्यरत पदाधिकारी तथा कर्मचारीले आफ्नो पदीय जिम्मेवारीको मर्यादा कायम राख्नुपर्ने बताएका छन्। गृहमन्त्री गुरुङले गृह मन्त्रालय तथा मातहतका निकायमा जिम्मेवारीमा रहेका केही पदाधिकारी वा कर्मचारीले पदीय हैसियतको दुरुपयोग गर्दै गोप्य तथा संवेदनशील सूचना अनधिकृत व्यक्ति वा निकायलाई चुहाउने प्रवृत्तिलाई आफूले लामो समयदेखि नियालिरहेको बताएका छन्। उनले राज्यका संवेदनशील सूचना कुनै व्यक्तिको निजी सम्पत्ति नभई सार्वजनिक जिम्मेवारीको विषय भएको उल्लेख गरेका छन्। पदका कारण प्राप्त हुने सूचनामा पहुँचलाई व्यक्तिगत स्वार्थ वा अन्य प्रयोजनका लागि दुरुपयोग गर्न नहुने उनको भनाइ छ। गृहमन्त्री गुरुङका अनुसार गृह मन्त्रालय तथा मातहतका निकायमा…

काठमाडौं, असोज १९ गते । प्रधानमन्त्री बालेन्द्र शाहले भूमि सम्बन्धी समस्या समाधानलाई सरकारले उच्च प्राथमिकतामा राखेर काम अघि बढाइरहेको बताएका छन्। प्रधानमन्त्री शाहले सामाजिक सञ्जालमार्फत भूमि समस्या समाधानका लागि विगतका संरचना र कार्यशैलीमा परिवर्तन गर्दै परिणाममुखी ढंगले काम अघि बढाइएको जानकारी दिएका हुन्। प्रधानमन्त्री शाहका अनुसार विभिन्न जिल्लामा लालपुर्जा नभएका स्वबासी, भूमिहीन दलित, भूमिहीन सुकुम्बासी र अव्यवस्थित बसोबासी गरी हालसम्म ५ हजार ७३७ परिवारलाई जग्गाधनी दर्ता प्रमाणपुर्जा वितरण भइसकेको छ। उनले भूमि सम्बन्धी समस्या समाधानको विषय नयाँ नभएको उल्लेख गर्दै वि.सं. २०१५ सालको संसदीय निर्वाचनका बेला नेपाली कांग्रेसको घोषणापत्रमै भूमिहीन किसानलाई प्राथमिकताका आधारमा जग्गा वितरण गर्ने विषय समेटिएको स्मरण गरेका…

काठमाडौं, असोज १७ गते । हरेक नेपाली नागरिकको आवासको अधिकार सुनिश्चित गर्ने उद्देश्यसहित सरकारले भवन ऐन २०८३ को विधेयक संघीय संसद् सचिवालयमा दर्ता गराएको छ। प्रधानमन्त्री बालेन्द्र शाहले सामाजिक सञ्जालमार्फत सार्वजनिक गरेको जानकारीअनुसार विधेयकमा न्यून आय भएका परिवारलाई आवासको ग्यारेन्टी गर्ने र मध्यम आय भएका परिवारका लागि सुरक्षित तथा व्यवस्थित घर उपलब्ध गराउने व्यवस्था प्रस्ताव गरिएको छ। पूर्वाधार विकास मन्त्रालयले शुक्रबार संसद् सचिवालयमा दर्ता गराएको विधेयकमा पहिलोपटक घर निर्माण गर्ने नेपाली नागरिकलाई सरकारले तोकेको डिजाइन तथा मापदण्डअनुसार घर बनाउन आवश्यक नदीजन्य तथा प्राकृतिक निर्माण सामग्री निःशुल्क उपलब्ध गराउने प्रस्ताव गरिएको छ। गोठ निर्माणका लागि निवेदन दिने नागरिकलाई समेत आवश्यक प्राकृतिक…