राजनीति

हेटौँडा, असोज २४ गते । नेकपा एमालेका केन्द्रीय लेखा आयोगका सदस्य नवीन सिग्देलले राष्ट्रिय हित, स्वाधीनताको रक्षा र नेपाली भूमिको संरक्षणका लागि नेकपा एमाले बलियो हुनुपर्ने बताएका छन् । नेकपा एमाले हेटौँडा उपमहानगरपालिका–१७ नम्बर वडा कमिटीद्वारा आयोजित अगुवा कार्यकर्ता भेलालाई सम्बोधन गर्दै प्रमुख अतिथि सिग्देलले एमाले सरकारमा रहँदा विदेशी हस्तक्षेप र चलखेलको अन्त्य, राष्ट्रिय स्वाधीनताको रक्षा तथा मिचिएको नेपाली भूमि फिर्ता गर्न पहल भएको दाबी गरे । वर्तमान प्रधानमन्त्रीले गरिमामय संसद्मा नेपालले भारतीय भूमि मिचेको अभिव्यक्ति दिएको भन्दै सिग्देलले त्यसले नेपाली राष्ट्रियता र स्वाधीनतामाथि प्रहार गरेको आरोप लगाए । मुलुकमा महँगी, हत्या–हिंसा र बेथिति बढ्दै जाँदा जनताको दैनिक जीवन कष्टकर…

हेटौंडा, असोज २० गते । नेकपा एमाले केन्द्रीय लेखा आयोगका सदस्य नवीन सिग्देलले वर्तमान सरकारप्रति जनताको विश्वास क्रमशः घट्दै गएको दाबी गरेका छन्। मकवानपुरको मकवानपुरगढी गाउँपालिका–५ मा आयोजित नेकपा एमालेको नवनिर्वाचित वडा कमिटीको सपथग्रहण कार्यक्रममा बोल्दै सिग्देलले राष्ट्रिय स्वतन्त्र पार्टी (रास्वपा) लाई जनताले ठूलो मत दिएर एकलौटी सरकार सञ्चालनको अवसर दिए पनि सरकारको कार्यसम्पादनबाट जनता निराश बन्दै गएको बताए। उनले समाजमा अराजकता, हत्या, हिंसा र असुरक्षाका घटना बढ्दै गएको भन्दै नागरिकले आफूलाई असुरक्षित महसुस गर्ने अवस्था सिर्जना भएको दाबी गरे। दैनिक उपभोग्य तथा अत्यावश्यक वस्तुको अभाव र बढ्दो महँगीका कारण सर्वसाधारणको दैनिक जीवन थप कठिन बन्दै गएको उनको भनाइ थियो।…

हेटौँडा, असोज १७ गते । श्रम संस्कृति पार्टी जिल्ला कार्यसमिति मकवानपुरले श्रमदान अभियान सुरु भएको एक वर्ष पूरा भएको अवसरमा वार्षिक उत्सव तथा विशेष श्रमदान कार्यक्रम आयोजना गर्ने भएको छ। पार्टीले आइतबार अर्थात भोली बिहान ८ बजे हेटौँडा उपमहानगरपालिका–४ स्थित हुप्रचौरमा कार्यक्रम आयोजना गर्न लागेको हो। जिल्लामा श्रमदान अनिवार्य रूपमा सुरु भएको एक वर्ष पूरा भएको अवसरमा आयोजना हुन लागेको कार्यक्रममा नगर कमिटी, गाउँपालिका कमिटी, वडा तथा टोल तहका सम्पूर्ण अगुवा र श्रमदाताहरूलाई अनिवार्य उपस्थितिका लागि आह्वान गरिएको छ। श्रम संस्कृति पार्टी जिल्ला कार्यसमिति मकवानपुरले जारी गरेको सूचनामा आफ्नो माटोमा पसिना बगाउँदै श्रम संस्कृतिलाई निरन्तरता दिने अभियानको वार्षिक उत्सवलाई सफल…

हेटौँडा, असोज १५ गते । उज्यालो नेपाल पार्टीले हेटौँडा उपमहानगरपालिका–१३ पदमपोखरीस्थित लोकतान्त्रिक चोकमा पार्टी कार्यालय स्थापना गरी उद्घाटन गरेको छ। पार्टी कार्यालयको उद्घाटन जिल्ला अध्यक्ष सुरेन्द्र लामा र प्रदेश सदस्य विकास वाइबाले संयुक्त रूपमा गरेका हुन्।   कार्यालय उद्घाटनपछि आयोजित कार्यक्रममा प्रमुख अतिथिका रूपमा सम्बोधन गर्दै प्रदेश सदस्य वाइवाले आगामी स्थानीय तहको निर्वाचनलाई लक्षित गर्दै एक–अर्कालाई दोष लगाउने, हेप्ने वा दबाउनेभन्दा आफू सक्षम बन्ने प्रयास गर्नुपर्ने बताएका छन्। उनले अरूलाई घोचेर, हेपेर वा दबाएर राजनीतिक उद्देश्य पूरा नहुने उल्लेख गर्दै पार्टीका नेता तथा कार्यकर्ताले आफूलाई जनताको सेवकका रूपमा बुझेर जिम्मेवारीपूर्वक अघि बढ्नुपर्ने बताए। राजनीतिक, आर्थिक र नैतिक पक्षलाई ध्यानमा राख्दै…

हेटौंडा, असोज १४ गते । नेकपा एमाले मकवानपुर जिल्ला कमिटी र हेटौंडा उपमहानगरपालिका कमिटीको अन्तिम लेखापरीक्षण सम्पन्न भएको छ। अन्तिम लेखापरीक्षणअघि दुवै कमिटीका लेखा समितिले आन्तरिक लेखापरीक्षण गरेका थिए। केन्द्रीय लेखा आयोगका सदस्यहरू शान्ति पाख्रिन, नवीन सिग्देल र डिल्लीध्वज बराइलीले जिल्ला तथा नगर कमिटीको अन्तिम लेखापरीक्षण गरेका हुन्। लेखापरीक्षणपछि तयार पारिएको प्रतिवेदन केन्द्रीय लेखा आयोगले मकवानपुर जिल्ला कमिटीका कार्यवाहक अध्यक्ष हिदम लामा र हेटौंडा उपमहानगरपालिका कमिटीका उपाध्यक्ष राजकुमार बाँस्तोलालाई हस्तान्तरण गरेको छ। प्रतिवेदन हस्तान्तरण गर्दै केन्द्रीय लेखा आयोगका सदस्य शान्ति पाख्रिनले पार्टीको केन्द्रीय लेखा आयोगले प्रदेश, जिल्ला तथा पालिका तहसम्मका कमिटीको लेखापरीक्षण गर्ने व्यवस्था रहेको बताइन्। लेखापरीक्षणका क्रममा दोहोरो लेखा…

हेटौंडा, असोज ९ गते । बागमती प्रदेशका मुख्यमन्त्री किरण थापा मगरले विपद्पछिको पुनर्स्थापना, पुनरुत्थान तथा पुनर्निर्माणका लागि प्राथमिकता र कार्ययोजनाबारे प्रदेशस्तरीय विपद् व्यवस्थापन टोली तथा मन्त्रीहरूसँग छलफल गरेका छन्। मुख्यमन्त्री थापा मगरले सामाजिक सञ्जालमार्फत प्रदेशस्तरीय विपद् व्यवस्थापन टोली र मन्त्रीहरूसँग विपद्पछिको पुनर्स्थापना, पुनरुत्थान तथा पुनर्निर्माणका प्राथमिकता र कार्ययोजनाबारे छलफल गरिएको जानकारी दिएका हुन्। उनले विपद्पछि क्षतिग्रस्त संरचनाको पुनर्निर्माणमा मात्र केन्द्रित नभई जोखिम न्यूनीकरण, सुरक्षित बस्ती, दिगो पूर्वाधार र उत्थानशील समुदाय निर्माणलाई प्राथमिकतामा राख्नुपर्ने बताएका छन्। विपद्बाट प्राप्त अनुभव र सिकाइलाई आगामी योजना निर्माणमा समेट्दै भविष्यमा हुनसक्ने जोखिम न्यूनीकरणतर्फ ध्यान दिनुपर्ने उनको भनाइ छ। सुरक्षित तथा दिगो पुनर्निर्माणमार्फत प्रदेशलाई विपद्को जोखिमबाट…

राक्सिराङ गाउँपालिका, असोज ८ गते । नेपाली कांग्रेसको १५औँ महाधिवेशनअन्तर्गत मकवानपुरको राक्सिराङ गाउँपालिका कार्यसमितिको सभापतिमा देव लामा निर्वाचित भएका छन्। बुधबार सम्पन्न गाउँपालिका अधिवेशनअन्तर्गत भएको निर्वाचनमा लामाले १२४ मत प्राप्त गर्दै सभापतिमा निर्वाचित भएका हुन्। उनका प्रतिस्पर्धी बुद्धराम मोक्तानले ६६ मत प्राप्त गरे। सभापति पदका लागि कुल १९० क्षेत्रीय प्रतिनिधि मतदाता रहेका थिए। लामा मोक्तानलाई ५८ मतको अन्तरले पराजित गर्दै निर्वाचित भएका हुन्। उपसभापति (महिला) पदमा दिपा सुनार निर्वाचित भएकी छन्। सुनारले ९६ मत प्राप्त गर्दा उनकी प्रतिस्पर्धी विपी मोक्तानले ८८ मत प्राप्त गरिन्। त्यस्तै, उपसभापति (पुरुष) पदमा रामचन्द्र ब्लोन निर्वाचित भएका छन्। ब्लोनले १०९ मत प्राप्त गर्दा उनका प्रतिस्पर्धी…

मनहरी, असोज ५ गते। मनहरी गाउँपालिका वडा नम्बर ९ को आयोजनामा हुँदै गरेको दोश्रो वडाध्यक्ष कप-२०८३ मा मनहरी-२ का खेलाडी टिम सहभागी गराउन वडा खेलकुद विकास समितिलाई गाउँपालिकाका उपाध्यक्ष सीता पुलामी मगर र स्थानीय सागर रुम्बाले सहयोग उपलब्ध गराएका छन् । मनहरी गाउँपालिकाका उपाध्यक्ष सीता पुलामी मगरले शनिबार मनहरी-२ को वडा खेलकुद विकास समितिलाई जर्सी सेट सहित ग्लब्स हस्तान्तरण गरेका छन् । खेलाडीहरुलाई थप ऊर्जा मिलोस भन्ने उद्देश्यका साथ उनले उक्त जर्सी सेट हस्तान्तरण गरेको बताए । साथै हालसालै वैदेशिक रोजगारबाट स्वदेश फर्किएका मनहरी-२, भुन्द्रुङ्टाँडी निवासी सागर रुम्बाले खेलाडी टिमको व्यवस्थापनका लागि रु. ७,५००/- नगद सहयोग उपलब्ध गराएका छन् ।…