स्थानीय

हेटौँडा, असोज २५ गते । मकवानपुरको मकवानपुरगढी गाउँपालिका–२ दुविचौरस्थित कान्तिलोकपथ सडकखण्डमा बसको डिक्कीको ढोकाले लागेर एक पैदलयात्रीको मृत्यु भएको छ । आइतबार अपराह्न करिब ४ बजे बुटवलबाट काठमाडौँतर्फ जाँदै गरेको लु.प्र.०१–००१ ख ०६६४ नम्बरको बसको साइडमा रहेको डिक्कीको ढोकाले ठक्कर दिँदा स्थानीय ४१ वर्षीय वीरबहादुर स्याङ्तान घाइते भएका थिए । प्रहरीका अनुसार बसका चालक रुपन्देहीको बुटवल उपमहानगरपालिका–१४ निवासी ३१ वर्षीय विशाल केसीले चलाएको उक्त बसको डिक्कीको ढोकाले पैदलयात्री स्याङ्तानलाई ठक्कर दिएको थियो । दुर्घटनामा उनको टाउको, छाती र खुट्टामा चोट लागेको थियो । घाइते स्याङ्तानलाई बसका सहचालकले उपचारका लागि हेटौँडा अस्पताल ल्याएका थिए । त्यहाँ सामान्य उपचारपछि थप उपचारका लागि…

राक्सिराङ, असोज २५ गते । नेपाली कांग्रेस राक्सिराङ गाउँपालिका–४ वडा कार्यसमितिले क्यान्सर पीडित कौशिला ब्लोनको उपचारका लागि २५ हजार २५ रुपैयाँ आर्थिक सहयोग गरेको छ । मकवानपुरको राक्सिराङ गाउँपालिका–४ निवासी गोपिन ब्लोनकी आमा कौशिलाको उपचारमा सहयोग पुर्‍याउने उद्देश्यले वडा कार्यसमितिले सञ्चालन गरेको आर्थिक सहयोग अभियानअन्तर्गत उक्त रकम संकलन गरी हस्तान्तरण गरिएको हो । वडा कार्यसमितिले आइतबार कौशिला ब्लोनलाई प्रत्यक्ष भेटेर सहयोग रकम हस्तान्तरण गरेको वडा सभापति अशोक निर्दोष गलानले जानकारी दिए । आर्थिक समस्याका कारण उपचारमा कठिनाइ भोगिरहेका बिरामीलाई सहयोग गर्नु सामाजिक दायित्व भएको उल्लेख गर्दै गलानले दुःख र अप्ठ्यारोमा परेका नागरिकलाई साथ दिनु सबैको जिम्मेवारी भएको बताए । उनले…

हेटौँडा, असोज २५ गते । हेटौँडा उपमहानगरपालिका वडा नं. ४ का वडाध्यक्ष नवीन सिग्देलले वडा नं. ४ लाई बागमती प्रदेशको राजधानीको पहिचान झल्काउने क्षेत्रका रूपमा विकास गर्न विभिन्न पूर्वाधार निर्माण तथा सामाजिक विकासका कार्यक्रम अघि बढाइएको बताएका छन् । चिल्ड्रेन पार्क टोल विकास संस्थाको २४औँ साधारणसभाको उद्घाटन गर्दै वडाध्यक्ष सिग्देलले वडा नं. ४ को विकासलाई वडाको सीमाभित्र मात्र सीमित गरेर हेर्न नहुने बताए । प्रदेश राजधानीको मुहारका रूपमा रहेको यस वडालाई व्यवस्थित र सुविधासम्पन्न बनाउन भौतिक पूर्वाधार, शिक्षा, खेलकुद, धार्मिक पर्यटन तथा खुला मैदानको स्तरोन्नतिलाई प्राथमिकतामा राखिएको उनको भनाइ छ । उनले सडकमा सवारीसाधन र फुटपाथमा पैदलयात्रीको सहज आवागमन, भूमिगत…

हेटौंडा, असोज २४ गते । मकवानपुरको थाहा नगरपालिका–१ बाराहीचौरमा अरिङ्गाल पोल्ने क्रममा रुखबाट खसेर गम्भीर घाइते भएका एक युवकको उपचारका क्रममा मृत्यु भएको छ। मृत्यु हुनेमा थाहा नगरपालिका–१ बाराहीचौर निवासी अन्दाजी ३० वर्षीय उत्सव गोपाली रहेका छन्। प्राप्त विवरणअनुसार, मिति २०८३ असोज २३ गते साँझ करिब ७ बजे गोपाली आफ्नो घरबाट करिब ५०० मिटर पूर्वतर्फ रहेको सार्वजनिक चौरमा भएको उत्तिसको रुखमा अरिङ्गाल पोल्ने क्रममा अन्दाजी २० फिट तल खसेका थिए। रुखबाट खसेर गम्भीर घाइते भएका उनलाई उपचारका लागि काठमाडौंस्थित ट्रमा सेन्टर लगिएको थियो। ट्रमा सेन्टरमा उपचारका क्रममा उनको टाउकोमा भित्री चोट लागेको र दुवै कानबाट रगत बगिरहेको पाइएको थियो। अवस्था गम्भीर…

मनहरी, असोज २४ गते । जलवायु परिवर्तनले वातावरण, जनजीवन र समाजमा पारेका प्रभावबारे बालबालिकालाई सचेत बनाउने उद्देश्यले मकवानपुर महिला उत्थान समाजले मनहरीमा विशेष चित्रकला प्रतियोगिता आयोजना गरेको छ। समाजले हिजो मनहरी गाउँपालिका–४, मसिनेस्थित श्री पशुपति माध्यमिक विद्यालयमा आयोजना गरेको प्रतियोगितामा विद्यालयका १४ जना विद्यार्थीले सहभागिता जनाएका थिए। विद्यार्थीहरूले जलवायु परिवर्तनका कारण उत्पन्न वातावरणीय समस्या र त्यसले पारेका असरलाई चित्रमार्फत प्रस्तुत गर्दै आफ्नो सिर्जनात्मक क्षमता प्रदर्शन गरेका थिए। प्रतियोगितामा उत्कृष्ट चित्र बनाउने चार विद्यार्थी छनोट भएका छन्। जसमा राधिका तितुङ प्रथम, क्रिजन उप्रेती द्वितीय, सौरभ अर्याल तृतीय र रोयस पौडेल चौथो भएका छन्। सहभागी विद्यार्थीका चित्रहरूको मूल्याङ्कन विद्यालयका शिक्षक तथा शिक्षिकाले…

मनहरी, असोज २३ गते । सीमान्तकृत समुदायका बालबालिकाको शिक्षा र नेतृत्व विकासमा सहयोग पुर्‍याउने उद्देश्यले मकवानपुरको मनहरी गाउँपालिका–३, सिद्धकालीस्थित श्री प्रजा माध्यमिक विद्यालयमा विद्यार्थीलाई खाद्यान्न वितरण गरिएको छ। शुक्रबार हेमराइट्स मकवानपुरको आयोजना, कोर इन्टरनेसनल क्यानडाको आर्थिक सहयोग, मनहरी गाउँपालिकासँगको समन्वय तथा श्री प्रजा माध्यमिक विद्यालयको व्यवस्थापनमा खाद्यान्न वितरण कार्यक्रम सम्पन्न भएको हो। कार्यक्रममा विद्यालयका प्रधानाध्यापक तुलबहादुर सुनुवारको सभापतित्व तथा हिराबहादुर प्रजाको प्रमुख आतिथ्यता रहेको थियो। हेमराइट्स मकवानपुरकी कार्यक्रम संयोजक कुमारी वाइबा विशिष्ट अतिथिका रूपमा सहभागी थिइन्। कार्यक्रममा इन्दुकुमारी तामाङ, सञ्जीव गुरुङ, लक्ष्मी वाइबालगायत अतिथि, विद्यार्थी, अभिभावक तथा सञ्चारकर्मीको उपस्थिति थियो। कार्यक्रमको स्वागत मन्तव्य कार्यक्रम संयोजक वाइबाले राखेकी थिइन्। कार्यक्रममा बोल्दै…

हेटौंडा, असोज २३ गते । मकवानपुर प्रहरीले हेटौंडा उपमहानगरपालिका–५, सानोपोखराबाट ठगीसम्बन्धी कसुरमा अनुसन्धानका लागि तीन जनालाई नियन्त्रणमा लिएको छ। उनीहरूको साथबाट विभिन्न व्यक्तिका नाममा जारी भएका नागरिकता प्रमाणपत्रका ५२ थान प्रतिलिपि, ४ थान चेकबुक र ४३ थान सिमकार्ड बरामद भएको प्रहरीले जनाएको छ। जिल्ला प्रहरी कार्यालय मकवानपुरका अनुसार २०८३ असोज २२ गते दिउँसो करिब ४ बजे सानोपोखरास्थित रामबहादुर पोखरेलको घरमा डेराकोठा भाडामा लिएर बस्दै आएका व्यक्तिहरूले आपराधिक गतिविधि गरिरहेको भन्ने विशेष सूचना प्राप्त भएपछि प्रहरी टोली खटिएको थियो। प्रहरीले उक्त स्थानमा कानुनबमोजिम खानतलासी गर्दा विभिन्न सामग्री फेला पारेको हो। प्रहरीका अनुसार पक्राउ पर्नेमा रौतहटको कटहरिया नगरपालिका–८ का अन्दाजी १९ वर्षीय…

भीमफेदी, असोज २२ गते । सवारी दुर्घटना तथा क्षति न्यूनीकरण गर्ने उद्देश्यले मकवानपुरको भीमफेदीमा सवारी चालकको स्वास्थ्य परीक्षण तथा लागुऔषध सेवन (ला.प.से.) जाँच गरिएको छ। जिल्ला जनस्वास्थ्य कार्यालय हेटौंडा, जिल्ला ट्राफिक प्रहरी कार्यालय मकवानपुर, इलाका प्रहरी कार्यालय भीमफेदी र भीमफेदी प्राथमिक स्वास्थ्य केन्द्रको संयुक्त आयोजनामा भीमफेदी गाउँपालिका–६ स्थित चेकपोस्टमा स्वास्थ्य परीक्षण तथा लागुऔषध सेवन परीक्षण गरिएको हो। आज बिहान ११ बजेदेखि अपराह्न ४ बजेसम्म गरिएको परीक्षणमा ६४ जना सवारी चालकको स्वास्थ्य परीक्षण तथा लागुऔषध सेवन जाँच गरिएको प्रहरीले जनाएको छ। जाँचका क्रममा पाँच जना चालकको लागुऔषध सेवन परीक्षण पोजेटिभ देखिएको जनाइएको छ। पोजेटिभ देखिएका चालकले चलाएका पाँचवटै सवारीसाधनलाई नियन्त्रणमा लिई…

हेटौँडा असोज २१ गते । भीमफेदी गाउँपालिका–६ धानगोदाममा भएको सवारी दुर्घटनामा हेटौंडा उपमहानगरपालिका–५ का २५ वर्षीय महेश्वर घिमिरे खत्रीको मृत्यु भएको घटनाको निष्पक्ष अनुसन्धान गर्न माग गरिएको छ। सेवा, सहयोग र आवाजमा हामीका अध्यक्ष तथा सामाजिक अभियन्ता विशालराज महतले सामाजिक सञ्जाल फेसबुक मार्फत घटनाको सत्यतथ्य निष्पक्ष अनुसन्धानबाट बाहिर ल्याउन सम्बन्धित निकायसँग आग्रह गरेका छन्। महतले घटनालाई लिएर जिल्ला प्रहरी कार्यालयमा छलफल समेत गरिएको उल्लेख गरेका छन्। छलफलका क्रममा दुर्घटनाको सत्यतथ्य निष्पक्ष रूपमा अनुसन्धान गर्नुपर्ने, घटनासँग सम्बन्धित सबै पक्षको भूमिका कानुनी प्रक्रियाअनुसार अनुसन्धानको दायरामा ल्याउनुपर्ने तथा पीडित परिवारले न्यायको अनुभूति गर्न सक्ने वातावरण बनाउनुपर्ने विषयमा ध्यानाकर्षण गराइएको उनले बताएका छन्। उनका…