राजमार्ग खबर

हेटौँडा, कार्तिक २१ गते । मकवानपुरको हेटौंडा उपमहानगरपालिका–१७ अंगारेश्वरस्थित धरान–चतारा सडकखण्डमा पिकअप बोलेरो र मोटरसाइकल एकआपसमा ठोक्किँदा एक युवकको मृत्यु भएको छ। शुक्रबार राति करिब ८ः४५ बजेको समयमा भएको दुर्घटनामा मोटरसाइकल चालक हेटौंडा उपमहानगरपालिका–१७ हटिया निवासी अन्दाजी २७ वर्षीय सुदिप पाण्डेको मृत्यु भएको हो। प्रहरीका अनुसार हेटौंडाबाट सिन्धुलीतर्फ तरकारी लिएर जाँदै गरेको बा.प्र.०१–०२८ च १७४७ नम्बरको पिकअप बोलेरो र विपरीत दिशाबाट आउँदै गरेको प्रदेश ३–०३–००१ प ६४५९ नम्बरको मोटरसाइकल सडकको बीच भागमा एकआपसमा ठोक्किएका थिए। दुर्घटनामा मोटरसाइकल चालक पाण्डेको टाउको तथा शरीरका विभिन्न भागमा चोट लागेर गम्भीर घाइते भएका थिए। दुर्घटना लगत्तै अ.प्र.पोष्ट हटियाबाट ट्राफिकसहित खटिएको प्रहरी टोलीले उनको उद्धार…

हेटौंडा, कार्तिक १४ गते । निरन्तर वर्षाका कारण कुलेखानी जलाशय (इन्द्रसरोवर) मा पानीको सतह बढ्न थालेपछि जिल्ला प्रशासन कार्यालय मकवानपुरले उच्च सतर्कता अपनाउन आग्रह गरेको छ। सम्भावित जोखिमलाई मध्यनजर गर्दै कुलेखानी–भीमफेदी–देउराली–कुलेखानी हुँदै काठमाडौँ जोड्ने सडक खण्डमा १२ घण्टाका लागि सवारी आवागमन पूर्ण रूपमा बन्द गरिएको छ। जिल्ला प्रशासन कार्यालय मकवानपुरले जारी गरेको अत्यन्त जरुरी सूचनाअनुसार बङ्गालको खाडीमा बनेको अर्नब चक्रवातका कारण जिल्लामा गएको कार्तिक १२ गतेदेखि निरन्तर वर्षा भइरहेको छ। वर्षाका कारण आज साँझ करिब ४ बजेसम्ममा कुलेखानी जलाशयको जलसतह १ हजार ५२९ मिटरको खतराको तह पार गर्न सक्ने अनुमान गरिएको छ। जलाधार क्षेत्रमा आज राति वा भोलिसम्म अप्रत्याशित रूपमा…

ज्यामिरे, कार्तिक १२ गते । मकवानपुरको मनहरी गाउँपालिका–९, ज्यामिरेमा ट्रकको ठक्करबाट एक जना पैदलयात्री गम्भीर घाइते भएका छन्। बिहीबार साँझ करिब ५ः३५ बजे पूर्व–पश्चिम सडकखण्डअन्तर्गत ज्यामिरेमा चितवनबाट हेटौँडातर्फ जाँदै गरेको ना.४ ख ५९७७ नम्बरको ट्रकले पैदलयात्रीलाई ठक्कर दिएको हो। दुर्घटनामा चितवनको रत्ननगर नगरपालिका–३, टाँडी बेल्छी घर भएका करिब ७० वर्षीय रामनाथ विक घाइते भएका छन्। उनको टाउको तथा दुवै हातमा चोट लागेको प्रहरीले जनाएको छ। दुर्घटनाको खबर प्राप्त हुनासाथ इलाका प्रहरी कार्यालय मनहरी, मकवानपुरबाट ट्राफिक प्रहरीसहितको टोली घटनास्थलमा खटिएको थियो। घाइते विकलाई मनहरी अस्पतालमा सामान्य उपचारपछि थप उपचारका लागि चितवन रिफर गरिएको छ। उनको अवस्था गम्भीर रहेको प्रहरीले जनाएको छ।…

हेटौंडा, कार्तिक १२ गते । हेटौंडा उपमहानगरपालिका–४ स्थित रजतजयन्ती सडक र हेटौंडा उपमहानगरपालिका–७ र ८ जोड्ने कर्णावती सडक निर्माणमा भइरहेको ढिलाइप्रति उपमहानगरपालिकाकी मेयर मीना कुमारी लामाले चासो व्यक्त गरेकी छन्। उनले सडक निर्माण कार्य समयमै सम्पन्न गराउन सम्बन्धित निकायलाई निर्देशन दिन नेपाल सरकारसँग आग्रह गरेकी छन्। मेयर लामाले सामाजिक सञ्जाल फेसबुकमार्फत आफ्नो धारणा सार्वजनिक गर्दै दुवै सडकको ठेक्का संघीय सरकारअन्तर्गत सहरी सघन कार्यक्रम, चितवन कार्यालयमार्फत लगाइएको जानकारी दिएकी छन्। उनका अनुसार अहिले यी सडकको निर्माण कार्य सुचारु भएको देखिएको छैन। सडक निर्माणको ठेक्का संघीय सरकारअन्तर्गतका निकायले लगाएकाले उपमहानगरपालिकाको भूमिका सहजीकरणमा मात्रै सीमित रहेको मेयर लामाको भनाइ छ। सडक निर्माणसम्बन्धी अन्य…

हेटौंडा, कार्तिक १२ गते । सवारीसाधनबाट निस्कने धुवाँले वातावरण र जनस्वास्थ्यमा गम्भीर असर पार्न सक्ने भन्दै सेवा सहयोग र आवाजमा हामीका अध्यक्ष तथा सामाजिक अभियन्ता विशालराज महतले सम्बन्धित नियमनकारी निकायको ध्यानाकर्षण गराएका छन्। महतले आफ्नो सामाजिक सञ्जाल फेसबुकमा स्टाटस लेख्दै सवारीसाधनबाट हुने वायु प्रदूषण नियन्त्रणका लागि प्रभावकारी अनुगमन, नियमित प्रदूषण जाँच र मापदण्डविपरीत धुवाँ उत्सर्जन गर्ने सवारीसाधनमाथि कानुनअनुसार कारबाही गर्नुपर्नेमा जोड दिएका छन्। उनले एउटा गाडीबाट निस्कने धुवाँ सामान्य लागे पनि दैनिक हजारौँ सवारीसाधनले यसरी नै प्रदूषण फैलाइरहँदा वातावरणमा पर्ने असर गम्भीर हुन सक्ने उल्लेख गरेका छन्। वायु प्रदूषणले मानव स्वास्थ्य, जीवजन्तु, वनस्पति तथा समग्र पर्यावरणमा दीर्घकालीन नकारात्मक प्रभाव पार्ने…

ईपा देउराली, कार्तिक १२ गते । मकवानपुरको भीमफेदी गाउँपालिका–८, ईपा देउरालीमा बसको ठक्करबाट एक महिलाको घटनास्थलमै मृत्यु भएको छ। आज बिहान करिब ७:३० बजे ईपा देउराली–कोगटे–भीमफेदी–हेटौँडा भित्री सडकखण्डमा उक्त दुर्घटना भएको हो। प्राप्त विवरणअनुसार, ईपाबाट हेटौँडातर्फ आउँदै गरेको बा २ ख ९४३० नम्बरको बसमा सवार भई आएकी भीमफेदी गाउँपालिका–८, ईपा निवासी करिब ६३ वर्षीया लीला देवी खत्री बसबाट ओर्लिएपछि बसको अगाडिबाट बाटो काट्ने क्रममा सोही बसको ठक्करमा परेकी थिइन्। ठक्करबाट उनको टाउकोमा चोट लागेको र घटनास्थलमै मृत्यु भएको जनाइएको छ। दुर्घटनाको खबर प्राप्त हुनासाथ इलाका प्रहरी कार्यालय भीमफेदी र इलाका प्रहरी कार्यालय ठिङ्गनबाट ट्राफिक प्रहरीसहित २० जनाको प्रहरी टोली घटनास्थलतर्फ…

सामरी, कार्तिक २ गते । मकवानपुरको हेटौंडा उपमहानगरपालिका–१ सामरीस्थित हेटौंडा–भैंसे सडकखण्डमा पिकअप गाडी र मोटरसाइकल एकआपसमा ठोक्किँदा एक जनाको मृत्यु भएको छ। मृत्यु हुनेमा हेटौंडा उपमहानगरपालिका–१० बुद्धचोक निवासी ४२ वर्षीय विनोद लामा रहेका छन्। उनको पहिचान श्रीमती सरस्वती रुम्बाले गरेको विवरणमा उल्लेख छ। प्राप्त विवरणअनुसार, आज अपराह्न करिब ४ बजेर ५० मिनेटको समयमा हेटौंडाबाट भैंसेतर्फ जाँदै गरेको बागमती प्रदेश ०१–०३२ च ०१४१ नम्बरको खुर्सानी लोड गरिएको पिकअप गाडी र विपरीत दिशाबाट आउँदै गरेको बा ४७ प ८४६१ नम्बरको मोटरसाइकल सामरीमा एकआपसमा ठोक्किएका थिए। दुर्घटनामा मोटरसाइकल चालक घाइते भएका थिए। उनलाई उपचारका लागि हेटौंडा अस्पताल लगिएकोमा चिकित्सकले अपराह्न ५ बजेर १०…

बाद्रेभीर, कार्तिक १ गते । मकवानपुरको भीमफेदी गाउँपालिका–१ स्थित बाद्रेभीरमा यात्रुवाहक विद्युतीय गाडी (ईभी) दुर्घटना हुँदा ११ जना घाइते भएका छन्। घाइतेमध्ये एक जनाको अवस्था गम्भीर रहेको प्रहरीले जनाएको छ। प्रहरीका अनुसार आज दिउँसो करिब १२:३० बजे हेटौँडा–भैंसे सडकखण्डअन्तर्गत बाद्रेभीरमा काठमाडौँबाट गौरतर्फ जाँदै गरेको बा.प्र.०३–००१ ज ०६७४ नम्बरको भाडाको ईभी दुर्घटनामा परेको हो। गाडी सडकको दाहिनेतर्फको भित्तामा ठोक्किएपछि बायाँतर्फको नालामा खसेर दुर्घटना भएको प्रारम्भिक विवरणमा उल्लेख छ। दुर्घटनाको खबर प्राप्त हुनासाथ प्रहरी चौकी भैंसेबाट प्रहरी टोली घटनास्थलमा खटिएको थियो। दुर्घटनामा रौतहट दुर्गाभगवती गाउँपालिका–१ का ३२ वर्षीय राजेश साह, भारतको बिहारस्थित मोतिहारीका ३४ वर्षीय सर्फे आलम, रौतहटकै दुर्गाभगवती गाउँपालिका–१ पिपराटोलका ५०…

हेटौंडा, असोज २८ गते । मकवानपुरको हेटौंडा उपमहानगरपालिका–८ स्थित गुम्बाचोक नजिक ट्रकको ठक्करबाट मोटरसाइकल चालकको मृत्यु भएको छ। आज बिहान करिब ७:३० बजे पूर्व–पश्चिम सडकखण्डमा हेटौंडाबाट रातोमाटेतर्फ जाँदै गरेको ना.४२ प ७२८३ नम्बरको मोटरसाइकललाई सोही दिशातर्फ जाँदै गरेको ग.१ ख ९४२४ नम्बरको ट्रकले ठक्कर दिँदा दुर्घटना भएको हो। दुर्घटनामा मोटरसाइकल चालक हेटौंडा उपमहानगरपालिका–९, एचआईडी निवासी करिब ५५ वर्षीय श्यामकुमार तामाङ घाइते भएका थिए। उनलाई तत्काल उद्धार गरी उपचारका लागि हेटौंडा अस्पताल लगिएकोमा उपचारकै क्रममा बिहान ७:५५ बजे चिकित्सकले मृत घोषणा गरेका थिए। घटनाको जानकारी प्राप्त हुनासाथ इलाका प्रहरी कार्यालय पशुपतिनगरबाट प्रहरी निरीक्षक किशोर आचार्यको कमाण्डमा ट्राफिक प्रहरीसहितको टोली र जिल्ला…