राजमार्ग खबर

नुवाकोट, भदौ १९ गते । बागमती प्रदेश सरकारको भौतिक पूर्वाधार विकास मन्त्रालयअन्तर्गत पूर्वाधार विकास कार्यालय, नुवाकोटले जिल्लाका विभिन्न सडक तथा आवागमनसँग सम्बन्धित पूर्वाधार मर्मत तथा निर्माण कार्यलाई तीव्रता दिएको छ। कार्यालयका अनुसार चौघडा पुल–बाहुनबेँसी–नर्जामाण्डप–लच्याङ–सरमथली–पर्च्याङ सडकखण्डमा ४ वटा जेसीबी र १ वटा टिपर प्रयोग गरी मर्मत कार्य भइरहेको छ। त्यसैगरी विदुर–चोगते–बोरेभञ्ज्याङ–लच्याङ–सरमथली–पर्च्याङ सडक, चोगते–उपल्लो गेर्खुटार–केराघारी सडक, चोगते–कुवापानी–बेत्रावती सडक तथा कल्याणी–मलागाउँ–निरञ्जना सडकमा समेत मर्मत कार्य जारी रहेको छ। यसैगरी हर्रे–कल्याणी सडक, बागखोर–झ्याङ्ली सडक र तादी पुल–मलागाउँ हुँदै बागखोरसम्मको सडक मर्मत कार्य पनि सञ्चालनमा रहेको कार्यालयले जनाएको छ। सडक मर्मतसँगै नदी तथा खोलाका कारण प्रभावित आवागमनलाई सहज बनाउन तुइन निर्माणको कामसमेत अघि बढाइएको छ।…

चितवन, भदौ १८ गते । मुग्लिन–नारायणगढ सडकखण्डअन्तर्गत नाम्सी खोला पुल नजिकै माथिबाट स-साना ढुंगा सडकमा खसेपछि सवारी चालक तथा यात्रुलाई सतर्कता अपनाउन आग्रह गरिएको छ। सडक डिभिजन कार्यालय भरतपुरका अनुसार बिहीबार बिहान करिब ९ः३५ बजे पुल नजिकै माथिबाट ढुंगा सडकमा झरेका हुन्। सडकमा खसेका ढुंगा हटाउने कामका लागि केही समय मात्र लाग्ने जनाइएको छ। हाल उक्त स्थानमा सवारी आवागमन नयाँ पुलबाट सञ्चालन भइरहेको सडक डिभिजन भरतपुरले जनाएको छ। सडक डिभिजनले यात्राका क्रममा विशेष सावधानी अपनाउन तथा सडकको अवस्था हेरेर, आवश्यक परे सवारी रोकेर र अवस्था बुझेर मात्रै सुरक्षित रूपमा यात्रा गर्न सबैमा अनुरोध गरेको छ।

चितवन, भदौ १५ गते । नारायणगढ–मुग्लिन सडकखण्डअन्तर्गत नाम्सीखोला पुलनजिक त्रिशूली नदीले सडक छेउको भाग कटान गरेपछि सडक डिभिजन भरतपुरले सुरक्षा सतर्कता अपनाएको छ। सडक डिभिजन भरतपुरका अनुसार नाम्सीखोला पुलबाट करिब १ किलोमिटर नारायणगढतर्फ (Ch 31+050) त्रिशूली नदीले सडक छेउबाट खोलातर्फ करिब ४.५ मिटर बाहिर र करिब ३० मिटर लम्बाइमा कटान गरेको हो। कटान भएको स्थानको सडक डिभिजन भरतपुरका डिभिजन प्रमुखको नेतृत्वमा इन्जिनियरसहितको प्राविधिक टोलीले स्थलगत निरीक्षण गरेको छ। निरीक्षणपछि सवारी चालक तथा यात्रुलाई सम्भावित जोखिमबारे सचेत गराउन उक्त स्थानमा कोन तथा रिफ्लेक्टिभ स्टिकर राखिएको सडक डिभिजनले जनाएको छ। सडक डिभिजनका अनुसार तत्काल उक्त स्थानमा यात्रा गर्दा ठूलो जोखिम नरहे पनि…

चितवन, भदौ १४ गते । त्रिशूली नदीमा आएको बाढीका कारण मुग्लिन–काठमाडौं सडकखण्डअन्तर्गत धादिङ जिल्लाको कृष्णभीरमा सडक भासिएपछि उक्त सडकखण्डमा सबै प्रकारका सवारीसाधनको आवागमन पूर्णरूपमा बन्द गरिएको छ। जिल्ला प्रशासन कार्यालय चितवनका अनुसार आज बिहान त्रिशूली नदीमा आएको बाढीका कारण कृष्णभीर क्षेत्रमा सडक भासिन गएको हो। सडकको अवस्था जोखिमपूर्ण बनेपछि यात्रु तथा सवारीसाधनको सुरक्षालाई मध्यनजर गर्दै तत्कालका लागि आवागमन बन्द गरिएको हो। जिल्ला प्रशासन कार्यालय चितवनले मुग्लिन–काठमाडौं सडकखण्ड भएर यात्रा गर्ने सम्पूर्ण यात्रु तथा सवारीचालकलाई वैकल्पिक मार्ग प्रयोग गर्न अनुरोध गरेको छ। प्रमुख जिल्ला अधिकारी गणेश अर्यालद्वारा जारी सूचना मार्फत सडकको अवस्था जोखिमपूर्ण रहेकाले यात्रुहरूले आवश्यक सावधानी अपनाउन तथा वैकल्पिक मार्गबाट…