राजमार्ग खबर

बगुवा,जेठ १७ गते। मकवानपुरको भीमफेदी गाउँपालिका–८ बगुवास्थित कान्तिलोकपथ सडकखण्डमा बागमती खोलामा खसेको टेलर गाडी निकालिएको छ। दुर्घटनामा बेपत्ता भएका चालकको शव गाडीभित्रै स्टेयरिङमा च्यापिएको अवस्थामा फेला परेको प्रहरीले जनाएको छ। प्रहरीका अनुसार बागमती पुलसँग जोड्न निर्माण गरिएको डाइभर्सन सडकबाट ना ६ ख ४०४२ नम्बरको टेलर गाडी खोलामा खसेको थियो। दुर्घटनापछि चालक हेटौंडा उपमहानगरपालिका–३ निवासी ३० वर्षीय दलबहादुर बर्तौला बेपत्ता भएका थिए। जिल्ला प्रहरी कार्यालय मकवानपुरका अनुसार उद्धार तथा खोजी कार्यका क्रममा खोलाबाट निकालिएको गाडीभित्र बर्तौलाको शव स्टेयरिङमा च्यापिएको अवस्थामा फेला परेको हो। दुर्घटनाका बेला गाडीमा चालक र सहचालक गरी दुई जना सवार रहेका थिए। सहचालक १७ वर्षीय प्रशन्न प्रजा भने…

माहालक्ष्मी पुल,जेठ १३ गते। मकवानपुरको इन्द्रसरोवर गाउँपालिका अन्तर्गत माहालक्ष्मी पुल नजिक आज बिहान मोटरसाइकल दुर्घटना हुँदा चालक सामान्य घाइते भएका छन्। आज बिहान करिब १०ः३० बजेतिर काठमाडौंबाट हेटौंडातर्फ जाँदै गरेको मोटरसाइकल अनियन्त्रित भई सडकबाट करिब ४० देखि ४५ मिटर तल खसेर दुर्घटनामा परेको स्थानीयले बताएका छन्। दुर्घटनामा मोटरसाइकल चालक घाइते भए पनि अवस्था सामान्य रहेको जनाइएको छ। दुर्घटनापछि स्थानीयवासीको सहयोगमा घाइते चालकको उद्धार गरिएको थियो।

हेटौंडा,जेठ १२ गते। पूर्व–पश्चिम राजमार्गअन्तर्गत मकवानपुरको चुरियामाई सडक खण्डमा जथाभावी ओभरटेक गर्ने तथा लेन अनुशासन उल्लंघन गर्ने सवारी साधनमाथि मकवानपुर प्रशासनले कडाइ गरेको छ । दुर्घटना न्यूनीकरण र राजमार्गलाई सुरक्षित बनाउने उद्देश्यले मंगलबार प्रमुख जिल्ला अधिकारी बसन्त अधिकारीको नेतृत्वमा अनुगमन तथा कारबाही अभियान सञ्चालन गरिएको हो । प्रमुख जिल्ला अधिकारी अधिकारी, प्रहरी निरीक्षक किशोर आचार्यसहितको टोलीले गरेको अनुगमनका क्रममा लेन अनुशासन पालना नगर्ने तथा जोखिमपूर्ण ढंगले ओभरटेक गर्ने ७ वटा सवारी साधनलाई कारबाही गरिएको छ । उक्त कारबाहीबाट ३० हजार पाँच सय रुपैयाँ राजस्व संकलन भएको प्रशासनले जनाएको छ । त्यसैगरी, मंगलबार मात्रै ट्राफिक प्रहरीले विभिन्न नियम उल्लंघन गर्ने ७९…

जुरिखेत,जेठ ६ गते। मकवानपुरको भिमफेदी गाउँपालिका–६ जुरिखेत मोडस्थित भिमफेदी–कुलेखानी सडकखण्डमा बुधबार साँझ ईभी गाडी दुर्घटना हुँदा चालकसहित ६ जना घाइते भएका छन्। वीरगञ्जबाट काठमाडौंतर्फ जाँदै गरेको बा.प्र.०३–००१ ज १३७१ नम्बरको ईभी गाडी तीव्र गतिका कारण अनियन्त्रित भई सडक किनारको भित्तामा ठोक्किएको जिल्ला प्रहरी कार्यालय मकवानपुरले जनाएको छ। दुर्घटनामा घाइते भएका सबैको अवस्था सामान्य रहेको प्रहरीले जानकारी दिएको छ। घाइतेहरुलाई उपचारका लागि काठमाडौंको कलंकीस्थित नेशनल अस्पताल पठाइएको छ। दुर्घटनापछि गाडीमा क्षति पुगेको भए पनि सडक सञ्चालनमा कुनै अवरोध नआएको प्रहरीले जनाएको छ। घटनाबारे थप अनुसन्धान भइरहेको छ।

पिप्ले,जेठ १ गते । हेटौंडा उपमहानगरपालिका वडा नम्बर ५ अन्तर्गत पर्ने पिप्ले क्षेत्रमा केही समयअघि विस्तार गरिएको सडकमा अहिले नै खाल्टाखुल्टी देखिन थालेपछि स्थानीयवासीले सडकको गुणस्तरमाथि प्रश्न उठाउन थालेका छन्। नगर प्रमुख मिना लामाको उपस्थितिमा सडकको गुणस्तर मापन तथा अनुगमन गर्दै रातारात सडक विस्तार गरिएको उक्त सडक छोटो समयमै बिग्रिन थालेपछि स्थानीयस्तरमा आलोचना चुलिएको हो। सडक विस्तारको क्रममा जनप्रतिनिधि तथा सम्बन्धित निकायले गुणस्तरीय निर्माणको प्रतिबद्धता जनाए पनि अहिले सडकमा खाल्टा, धुलो तथा जोखिम बढ्दै गएको स्थानीयहरूको गुनासो छ। दैनिक रूपमा उक्त सडक प्रयोग गर्ने सर्वसाधारणले सवारी साधन सञ्चालनमा समस्या भोग्नुपरेको बताएका छन्। यसै विषयलाई लिएर सेवा सहयोग र आवाजमा हामी…

हेटौँडा,बैशाख ६ गते । काठमाडौं–हेटौडा जोड्ने नेपालको ऐतिहासिक तथा पुरानो व्यापारिक मार्ग कान्ति लोकपथको निर्माण तथा स्तरोन्नति कार्य पछिल्लो समय तीव्र रूपमा अगाडि बढाइएको छ। सन् १९५४ (करिब ७२ वर्षअघि) निर्माण सुरू गरिएको यस सडकले विगतमा काठमाडौंलाई पूर्वी नेपाल तथा भारतको सीमावर्ती क्षेत्र रक्सौलसँग जोड्ने महत्वपूर्ण भूमिका खेलेको थियो। सुरूवाती चरणमा टीकाभैरव–हेटौडा नामले चिनिने यो सडक हाल पनि छोटो दूरी (७९ किलोमिटर) मार्फत हेटौडा र काठमाडौंलाई जोड्ने सम्भावनायुक्त मार्गका रूपमा परिचित छ। तर, यति लामो समय बितिसक्दा पनि सडक पूर्ण रूपमा सम्पन्न हुन नसकेको अवस्था रहेको छ। हाल भने सडकको स्तरोन्नति, कालोपत्रे तथा अन्य भौतिक पूर्वाधार विकासका कामहरू तीव्र गतिमा…

भिमफेदी गाउँपालिका,बैशाख ५ गते । मकवानपुरको भिमफेदी गाउँपालिका–६ जुरिखेत क्षेत्रमा शनिबार साँझ सुमो र भारतीय स्कार्पियो एकआपसमा ठोक्किँदा ९ जना घाइते भएका छन्। हेटौंडा–भिमफेदी–कुलेखानी–काठमाडौँ सडक खण्डमा भएको उक्त दुर्घटनाले केही समय आवागमनसमेत प्रभावित भएको प्रहरीले जनाएको छ। इलाका प्रहरी कार्यालय भिमफेदीका अनुसार साँझ करिब ६ बजेतिर काठमाडौँबाट हेटौंडातर्फ आउँदै गरेको ना.३च ६०५२ नम्बरको सुमोलाई सोही दिशाबाट ओभरटेक गर्ने क्रममा बिआर २२ एजेट २५१७ नम्बरको भारतीय स्कार्पियोले ठक्कर दिएको हो। ठक्करपछि नियन्त्रण गुमाउँदा दुवै सवारीसाधन सडकमै पल्टिएका थिए। दुर्घटनामा घाइते भएका ९ जनालाई तत्काल उद्धार गरी उपचारका लागि हेटौंडा अस्पताल पठाइएको प्रहरीले जनाएको छ। घाइतेहरूको अवस्था सामान्यदेखि मध्यम रहेको प्रारम्भिक जानकारी…