राजमार्ग खबर

हेटौँडा,बैशाख ६ गते । काठमाडौं–हेटौडा जोड्ने नेपालको ऐतिहासिक तथा पुरानो व्यापारिक मार्ग कान्ति लोकपथको निर्माण तथा स्तरोन्नति कार्य पछिल्लो समय तीव्र रूपमा अगाडि बढाइएको छ। सन् १९५४ (करिब ७२ वर्षअघि) निर्माण सुरू गरिएको यस सडकले विगतमा काठमाडौंलाई पूर्वी नेपाल तथा भारतको सीमावर्ती क्षेत्र रक्सौलसँग जोड्ने महत्वपूर्ण भूमिका खेलेको थियो। सुरूवाती चरणमा टीकाभैरव–हेटौडा नामले चिनिने यो सडक हाल पनि छोटो दूरी (७९ किलोमिटर) मार्फत हेटौडा र काठमाडौंलाई जोड्ने सम्भावनायुक्त मार्गका रूपमा परिचित छ। तर, यति लामो समय बितिसक्दा पनि सडक पूर्ण रूपमा सम्पन्न हुन नसकेको अवस्था रहेको छ। हाल भने सडकको स्तरोन्नति, कालोपत्रे तथा अन्य भौतिक पूर्वाधार विकासका कामहरू तीव्र गतिमा…

भिमफेदी गाउँपालिका,बैशाख ५ गते । मकवानपुरको भिमफेदी गाउँपालिका–६ जुरिखेत क्षेत्रमा शनिबार साँझ सुमो र भारतीय स्कार्पियो एकआपसमा ठोक्किँदा ९ जना घाइते भएका छन्। हेटौंडा–भिमफेदी–कुलेखानी–काठमाडौँ सडक खण्डमा भएको उक्त दुर्घटनाले केही समय आवागमनसमेत प्रभावित भएको प्रहरीले जनाएको छ। इलाका प्रहरी कार्यालय भिमफेदीका अनुसार साँझ करिब ६ बजेतिर काठमाडौँबाट हेटौंडातर्फ आउँदै गरेको ना.३च ६०५२ नम्बरको सुमोलाई सोही दिशाबाट ओभरटेक गर्ने क्रममा बिआर २२ एजेट २५१७ नम्बरको भारतीय स्कार्पियोले ठक्कर दिएको हो। ठक्करपछि नियन्त्रण गुमाउँदा दुवै सवारीसाधन सडकमै पल्टिएका थिए। दुर्घटनामा घाइते भएका ९ जनालाई तत्काल उद्धार गरी उपचारका लागि हेटौंडा अस्पताल पठाइएको प्रहरीले जनाएको छ। घाइतेहरूको अवस्था सामान्यदेखि मध्यम रहेको प्रारम्भिक जानकारी…

हेटौँडा, वैशाख ४ गते । मकवानपुरको हेटौंडा उपमहानगरपालिका–१८ भक्तिचोकस्थित धरान–चतरा सडकखण्डमा दुई मोटरसाइकल एकआपसमा ठोक्किँदा एक जनाको मृत्यु भएको छ भने चार जना घाइते भएका छन्। जिल्ला प्रहरी कार्यालय मकवानपुरका अनुसार हेटौंडाबाट फुर्केचौरतर्फ जाँदै गरेको ना ३९ प ३७५ नम्बरको मोटरसाइकल र विपरित दिशाबाट आइरहेको बा.प्र.०३–००५ प ७२१९ नम्बरको मोटरसाइकल एकआपसमा ठोक्किँदा दुर्घटना भएको हो। दुर्घटनामा अन्त बहादुर बि.सी., राजु थिङ, सुर्यमणी खतिवडा र प्रशान्त वाइबा घाइते भएका छन्। घाइतेहरूलाई तत्काल उपचारका लागि हेटौंडा अस्पताल पठाइएको थियो। उपचारकै क्रममा अन्दाजी ३५/३६ वर्षका एक पुरुषको आज दिउँसो करिब १:३० बजे मृत्यु भएको प्रहरीले जनाएको छ। मृतकको पहिचान खुल्न बाँकी रहेको छ।…

बकैया गाउँपालिका,बैशाख २ गते । मकवानपुर जिल्लाको बकैया गाउँपालिका वडा नम्बर ४ अन्तर्गत पर्ने जुरेली सीमात घुम्ती सडक खण्डमा सडक निर्माण कार्य सुरु गरिने भएको छ। सोही कारणले उक्त सडक खण्ड अनिश्चित समयका लागि बन्द गरिने भएको छ। वडा कार्यालयले जारी गरेको सूचनाअनुसार जुरेली सीमात अन्तर्गत सानोथलीदेखि सिमात घुम्तीसम्मको सडक खण्डमा निर्माण कार्य अगाडि बढाइने भएकाले वैशाख ४ गतेदेखि अर्को सूचना जारी नभएसम्म सडक पूर्ण रूपमा बन्द रहने जनाइएको छ। वडा कार्यालयले यात्रु तथा स्थानीय बासिन्दालाई वैकल्पिक मार्ग प्रयोग गर्न अनुरोध गर्दै निर्माण कार्यको अवधिभर सहकार्य र सहयोगका लागि अपिल गरेको छ।

फाखेल, चैत १९ गते । सर्लाहीबाट काठमाडौँतर्फ जाँदै गरेको बागमती प्रदेश ००१ ज १२५४ नम्बरको इभी गाडी हेटौडा–फाखेल–काठमाडौँ सडकखण्डअन्तर्गत स्याउली बजारमा दुर्घटनामा परेको छ। प्राप्त जानकारी अनुसार उक्त गाडी अनियन्त्रित भई सडक किनारमा दुर्घटना भएको हो। दुर्घटनाबाट कुनै पनि मानवीय वा ठूलो भौतिक क्षति नभएको जनाइएको छ। फाखेल प्रहरी चौकीका अनुसार दुर्घटनामा गाडी चालक सामान्य घाइते भएका छन्। उनको अवस्था सामान्य रहेको र थप उपचार तथा निगरानीका लागि आवश्यक प्रक्रिया अगाडि बढाइएको प्रहरीले जनाएको छ। घटनाबारे थप अनुसन्धान भइरहेको प्रहरीले जानकारी दिएको छ।

भीमफेदी, चैत १४ गते । मकवानपुरको भीमफेदी गाउँपालिका–६ एघारघुम्तीस्थित भीमफेदी–कुलेखानी–काठमाडौं सडक खण्डमा आज बिहान करिब ११:२० बजे हाईस गाडी दुर्घटना हुँदा ३ जना घाइते भएका छन्। जिल्ला प्रहरी कार्यालय भीमफेदीका अनुसार काठमाडौंबाट हेटौंडातर्फ जाँदै गरेको बा ३ ख ७८७६ नम्बरको हाईस गाडीको ब्रेक फेल भई सडकको भित्तामा ठोक्किँदा दुर्घटना भएको हो। गाडीमा चालकसहित १० जना सवार थिए। घाइते भएका ३ जनालाई घटनास्थलबाट उद्धार गरी नजिकैको अस्पतालमा उपचारका लागि लगिएको प्रहरीले जानकारी दिएको छ। प्रहरीले दुर्घटनाका कारण थप अनुसन्धान गरिरहेको छ र सडक सुरक्षाका लागि यात्रुहरुलाई सचेत गराएको छ।

हेटौँडा, चैत ११ गते । मकवानपुरको बकैया गाउँपालिका–११ घट्टेपाखामा आज बिहान भएको सवारी दुर्घटनामा एक जनाको मृत्यु भएको छ भने अर्का एक जना घाइते भएका छन्। आज बिहान करिब २:५० बजे ना ८ ख ८७६० नम्बरको आइचर ट्रक अनियन्त्रित भई दुर्घटना हुँदा गाडीमा सवार दुई जना घाइते भएका थिए। दुर्घटनामा गम्भीर घाइते भएका वीरगन्ज महानगरपालिका–३२ निवासी २० वर्षीय सन्तोष यादवको उपचारको क्रममा मृत्यु भएको प्रहरीले जनाएको छ। यसैगरी, सोही स्थानका ३२ वर्षीय कृष्ण यादव घाइते भएका छन्। उनको अवस्था मध्यम रहेको र थप उपचारका लागि भरतपुर पठाइएको जनाइएको छ। दुर्घटनाको कारणबारे अनुसन्धान भइरहेको प्रहरीले जनाएको छ।

हेटौँडा, फागुन २९ गते । मकवानपुरको हेटौँडा उपमहानगरपालिका–१९ नेवारपानीस्थित पूर्व–पश्चिम राजमार्गमा ट्रेलर र ट्रक एकआपसमा ठोक्किँदा एक जनाको मृत्यु भएको छ। जिल्ला प्रहरी कार्यालय मकवानपुरका अनुसार शुक्रबार बिहान करिब ६ बजेर १० मिनेटतिर हेटौँडाबाट चितवनतर्फ जाँदै गरेको ना ४ ख ९९२३ नम्बरको ट्रेलर र चितवनबाट वीरगञ्जतर्फ जाँदै गरेको बा.प्र. ०३–००१ ख ०३९८ नम्बरको खाली ट्रक एकआपसमा ठोक्किँदा दुर्घटना भएको हो। दुर्घटनामा ट्रेलर चालक सर्लाहीको बरहथवा नगरपालिका–१५ पिपराभिट्टा घर भई हाल पर्साको वीरगञ्ज महानगरपालिका–२ छपकैया बस्दै आएका ३८ वर्षीय गोबिन्द चौधरी गम्भीर घाइते भएका थिए। दुर्घटनापछि उनी स्टेरिङमा च्यापिएको अवस्थामा फेला परेका थिए। घटनास्थलबाट उद्धार गरी उपचारका लागि हेटौँडास्थित चुरेहिल अस्पताल…

हेटौँडा, फागुन ६ गते । बुधबार बिहान करिब ५ बजे मकवानपुरको इन्द्रसरोवर गाउँपालिका–२ बतासे स्थित हेटौँडा–भिमफेदी–काठमाडौँ सडकखण्डमा केमिकल बोकेको ट्रक दुर्घटनामा परेको छ। बिरगंजबाट काठमाडौँतर्फ जाँदै गरेको म.प्र–०३–००२ ख ४२९२ नम्बरको ट्रक गति अनियन्त्रित भई सडकको बाँया साइडबाट करिब ५–७ मिटर तल खस्दा दुर्घटना भएको हो। दुर्घटनामा ट्रक पूर्ण रूपमा क्षति भएको छ भने चालक काठमाडौँ महानगरपालिका–१ निवासी २६ वर्षीय किरण चौधरीको अवस्था सामान्य रहेको प्रहरीले जनाएको छ। घटनापछि सडकमा केही समय सवारी आवागमन प्रभावित भए पनि हाल अवस्था सामान्य बन्दै गएको बताइएको छ।