चितवन,असार ३ गते। मुग्लिन–नारायणगढ सडकखण्ड अन्तर्गत तुईन खोला पुल नजिक बुधबार बेलुकी करिब ९ बजे माथिबाट सुख्खा पहिरो खस्दा सडक एकतर्फी अवरुद्ध भएको छ।
प्रहरीका अनुसार पहिरो झर्ने क्रम अझै जारी रहेकाले उक्त क्षेत्रमा यात्रा गर्दा विशेष सतर्कता अपनाउन आग्रह गरिएको छ। सडकमा खसेको पहिरो हटाउन सम्बन्धित निकायले तत्काल मेशिन परिचालन गरिसकेको जनाएको छ।
पहिरोका कारण सवारी साधन आवतजावत प्रभावित बनेको छ भने यात्रुहरूलाई नेपाल प्रहरीको निर्देशन पालना गर्दै सडकको अवस्था बुझेर मात्रै सुरक्षित यात्रा गर्न अनुरोध गरिएको छ।
वर्षायामसँगै पहाडी क्षेत्रमा सुख्खा तथा भिजेको पहिरो खस्ने जोखिम बढेकाले यात्रु तथा चालकहरूलाई सावधानी अपनाउन प्रहरीले आग्रह गरेको छ।
प्रतिकृया दिनुहोस्
