राप्ती खबर

हेटौंडा, भदौ ३ गते । मकवानपुरको हेटौंडा उपमहानगरपालिका–१९ बस्तिपुरस्थित बासुदेव खहरेले बगाएर बेपत्ता भएकी १२ वर्षीया बिनिता भोलनको शव बुधबार बिहान फेला परेको छ। जिल्ला प्रहरी कार्यालय मकवानपुरका अनुसार खोजीमा खटिएको नेपाल प्रहरी र सशस्त्र प्रहरीको टोलीले बिहान करिब ९ः१५ बजे बिनिताको शव बगाएको स्थानबाट करिब चार किलोमिटर तल खोलाको किनारमा फेला पारेको हो। शवलाई कानुनी प्रक्रिया पूरा गरी पोस्टमार्टमका लागि हेटौंडा अस्पताल पठाउने तयारी भइरहेको प्रहरीले जनाएको छ। मंगलबार साँझ खहरेले चार बालिकालाई बगाएको थियो। घटनामा ८ वर्षीया रोसनी स्याङताङको मृत्यु भइसकेको छ भने १३ वर्षीया सिमा भोलनको सकुशल उद्धार गरिएको छ। बेपत्ता रहेकी ११ वर्षीया सुमित्रा भोलनको भने…

बस्तीपुर,भदौ २ गते । मकवानपुरको हेटौँडा उपमहानगरपालिका–१९ बस्तीपुरस्थित निर्मल माध्यमिक विद्यालयमा अध्ययनरत चार बालिका विद्यालयबाट घर फर्किने क्रममा वासुदेव खोलाले बगाउँदा एक जनाको मृत्यु भएको छ भने एक जना सकुशल फेला परेकी छिन्। दुई बालिका भने अझै बेपत्ता छन्। विद्यालयबाट घर फर्किने क्रममा हेटौँडा–१९ वासुदेवस्थित वासुदेव खोला तर्ने क्रममा चार बालिकालाई खोलाले बगाएको जानकारी पाएपछि विद्यालयका प्रधानाध्यापक प्रवोध बिडारीले प्रहरीलाई खबर गरेका थिए। प्रहरीका अनुसार हेटौँडा–१९ बस्तीपुर निवासी दीप स्याङ्ताङकी अन्दाजी ८ वर्षीया छोरी रोशनीको शव घटनास्थलबाट करिब ६ सय मिटर तल रुखमा अड्किएको अवस्थामा फेला परेको हो। त्यस्तै, स्थानीय सीताराम बोलनकी १३ वर्षीया छोरी सीमा बोलन सकुशल फेला परेकी…

हेटौंडा, साउन ३० गते । बागमती प्रदेशका मुख्यमन्त्री इन्द्रबहादुर बानियाँले लोकतन्त्र, संघीयता र समावेशी व्यवस्था सबै जातजाति तथा भाषाभाषीको पहिचान, अस्तित्व र अधिकार संरक्षण गर्ने महत्वपूर्ण माध्यम भएको बताएका छन्। ३२औँ तामाङ प्रसारण दिवसका अवसरमा तामाङ पत्रकार संघ, बागमती प्रदेश समितिले शनिबार हेटौंडामा आयोजना गरेको अन्तरक्रिया तथा पुरस्कार वितरण समारोहलाई सम्बोधन गर्दै मुख्यमन्त्री बानियाँले भाषा, लिपि, संस्कृति, परम्परा र संस्कारको संरक्षण गरी नयाँ पुस्तामा हस्तान्तरण गर्नु राज्यको दायित्व भएको बताए। ‘लोकतन्त्र, संघीयता र समावेशी व्यवस्था भनेको सबै जातजाति र भाषाभाषीको एउटा पहिचान हो,’ उनले भने, ‘आफ्नो जातको लिपि, संस्कृति, परम्परा र संस्कारलाई जगेर्ना, संरक्षण र आउने पुस्तामा हस्तान्तरण गर्नु आवश्यक…

हेटौंडा, साउन २३ गते । लामो समयदेखि बन्द रहेको हेटौंडा कपडा उद्योगमा २५ वर्षपछि फेरि मेसिन चल्न थालेका छन्। नेपाली सेनाको उत्पादन निर्देशनालयको टोलीले उद्योगमा रहेका पुराना मेसिनहरूको आवश्यक मर्मत तथा क्यालिब्रेसन गरेपछि शनिबारदेखि परीक्षण उत्पादन सुरु गरेको हो। उद्योग पुनः सञ्चालनका लागि सरकारले नेपाली सेनालाई जिम्मेवारी दिएपछि उत्पादन निर्देशनालयको टोली उद्योगमा खटिएको थियो। टोलीले लामो समयदेखि थन्किएका मेसिनको अवस्था परीक्षण गर्दै आवश्यक मर्मतसम्भार र क्यालिब्रेसन गरेपछि केही मेसिनबाट परीक्षण उत्पादन सुरु गरेको हो। उद्योग, वाणिज्य तथा आपूर्ति मन्त्रालयको प्रशासन तथा संस्थान महाशाखाका सहसचिव रामनन्द सुवेदीले नेपाली सेनाको टोलीले उद्योगमा रहेका मेसिन मर्मत गरी परीक्षण उत्पादन सुरु गरेको जानकारी दिएका…

हेटौंडा, साउन २२ गते । मकवानपुरको हेटौंडा उपमहानगरपालिका–१५ स्थित सेल्फी रोड नजिकको सामुदायिक वन क्षेत्रमा बोराभित्र बाँधेर खाल्डोमा फालिएको अवस्थामा एक महिलाको शव फेला परेको छ। घटनापछि प्रहरीले हत्या भएको आशंकामा विस्तृत अनुसन्धान अघि बढाएको छ। स्थानीयवासी च्याउ टिप्न जंगल गएको क्रममा सेतो बोराभित्र शव रहेको देखेपछि इलाका प्रहरी कार्यालय पशुपतिनगरमा खबर गरेका थिए। सूचना प्राप्त हुनासाथ प्रहरी निरीक्षक किशोर आचार्यको नेतृत्वमा प्रहरी टोली घटनास्थलमा पुगेर क्षेत्रलाई सुरक्षित बनाएको थियो। त्यसपछि थप अनुसन्धान तथा प्रमाण संकलनका लागि जिल्ला प्रहरी कार्यालय मकवानपुरबाट प्रहरी उपरीक्षक श्यामबहादुर खत्रीको नेतृत्वमा डग (K-9) तथा SOCO (Scene of Crime Officer) सहितको विशेष टोली घटनास्थलमा परिचालन गरिएको…

मनहरी, साउन २२ गते । मकवानपुरको कैलाश गाउँपालिका–४ का ३२ वर्षीय अशोक प्रजाको शव शुक्रबार बिहान मनहरी खोलास्थित मनहरी पुलमुनि फेला परेको छ। साउन २० गते राति मनहरी खोला तर्ने क्रममा खोलाले बगाएपछि उनी बेपत्ता भएका थिए। प्रहरीका अनुसार साउन २० गते राति करिब ११ बजे कैलाश गाउँपालिका–४ देउतिस निवासी २५ वर्षीय प्रकाश तामाङ र अशोक प्रजा कालिकाटारबाट आफ्नै घर फर्किरहेका बेला मनहरी खोला तर्ने प्रयास गरेका थिए। वर्षाका कारण बढेको खोलाको तीव्र बहावले दुवै जनालाई बगाएको थियो। घटनामा प्रकाश तामाङ भने सकुशल बाहिर निस्कन सफल भएका थिए। तर अशोक प्रजा खोलाले बगाएपछि बेपत्ता भएका थिए। घटनालगत्तै प्रहरी चौकी भार्ता,…

मनहरी, साउन २१ गते । मकवानपुरको कैलाश गाउँपालिका–४ सिसौटारमा मनहरी खोला तर्ने क्रममा एक चेपाङ युवा बेपत्ता भएका छन्। उनको खोजी तथा उद्धारका लागि नेपाल प्रहरी र स्थानीयवासीको संयुक्त टोली परिचालन गरिएको छ। जिल्ला प्रहरी कार्यालय मकवानपुरका अनुसार साउन २० गते राति करिब ११ बजे कैलाश गाउँपालिका–४ सिसैटा निवासी २५ वर्षीय प्रकाश तामाङ र ३२ वर्षीय अशोक प्रजा कालिकाटारबाट देउतीसस्थित आफ्नै घर फर्किरहेका थिए। घर फर्कने क्रममा उनीहरू मनहरी खोला तर्दै गर्दा खोलाको तीव्र बहावमा परेका थिए। घटनामा प्रकाश तामाङ भने सकुशल खोलाबाट बाहिर निस्कन सफल भएका छन्। तर अशोक प्रजालाई खोलाले बगाएपछि उनी बेपत्ता भएका प्रहरीले जनाएको छ। घटनाबारे…