राप्ती खबर

हेटौंडा, साउन ५ गते । डिल्लीबजार कारागारबाट फरार रहेका कान्तीपुर सहकारी ठगी मुद्दाका कैदी चन्द्रबहादुर तामाङ (सीबी लामा) लाई मकवानपुर प्रहरीले हेटौंडाबाट पक्राउ गरेको छ। प्रहरीका अनुसार २०८२ साल भदौ २३ र २४ गते भएको जेन्जी आन्दोलनका क्रममा डिल्लीबजार कारागारबाट भागेर फरार भएका जिल्ला काभ्रेपलाञ्चोक तेमाल गाउँपालिका–५ घर भएका चन्द्रबहादुर तामाङलाई खोजतलास गर्ने क्रममा पक्राउ गरिएको हो। वडा प्रहरी कार्यालय हेटौंडाबाट खटिएको प्रहरी टोलीले उनलाई आज हेटौंडा उपमहानगरपालिका–९ बाट नियन्त्रणमा लिएको जनाएको छ। पक्राउ परेका तामाङलाई आवश्यक कानुनी प्रक्रिया पूरा गरी थप कारबाहीका लागि कारागार कार्यालय भीमफेदी, मकवानपुर पठाइएको प्रहरीले जनाएको छ।

हेटौंडा, साउन ५ गते । मकवानपुर प्रहरीले हेटौंडा उपमहानगरपालिका–१५ फारलाइन क्षेत्रबाट प्रतिबन्धित लागूऔषध खैरो हेरोइनसहित दुई जनालाई पक्राउ गरेको छ। प्रहरीका अनुसार हिजो साँझ करिब ७ः३० बजे फारलाइन क्षेत्रमा लागूऔषध बिक्री–वितरण भइरहेको भन्ने विशेष सूचनाका आधारमा जिल्ला प्रहरी कार्यालय मकवानपुरबाट खटिएको प्रहरी टोलीले शंकास्पद अवस्थामा रहेका दुई जनालाई नियन्त्रणमा लिई कानुन बमोजिम खानतलासी गरेको थियो। खानतलासीका क्रममा हेटौंडा–१५ निवासी ३९ वर्षीय आईतमान थिङ र सोही स्थानका ३८ वर्षीय सूर्य बलको साथबाट प्रतिबन्धित लागूऔषध खैरो हेरोइनजस्तो देखिने पदार्थ ४८० मिलिग्राम बरामद भएको प्रहरीले जनाएको छ। बरामद लागूऔषधसहित दुवै जनालाई नियन्त्रणमा लिई मकवानपुर जिल्ला अदालत, हेटौंडाबाट लागूऔषध सम्बन्धी कसुरमा म्याद अनुमति लिएर…

हेटौंडा, साउन ५ गते । मकवानपुर प्रहरीले हेटौंडा औद्योगिक क्षेत्रस्थित पार्लेजी बिस्कुट फ्याक्ट्रीमा जागिर लगाइदिने प्रलोभन देखाएर २०० भन्दा बढी व्यक्तिबाट रकम असुली गरेको आरोपमा एक जनालाई पक्राउ गरी अनुसन्धान अघि बढाएको छ। पक्राउ पर्नेमा हेटौंडा उपमहानगरपालिका–६ निवासी २४ वर्षीय रबिन गौतम रहेका छन्। प्रहरीका अनुसार पार्लेजी बिस्कुट फ्याक्ट्रीमा जागिर लगाइदिने भन्दै जनही ३ हजार रुपैयाँका दरले विभिन्न व्यक्तिबाट रकम उठाएर पनि जागिर नदिएको भन्ने उजुरीका आधारमा गौतमलाई नियन्त्रणमा लिइएको हो। प्रारम्भिक अनुसन्धानका क्रममा गौतमले २०० भन्दा बढी व्यक्तिलाई जागिरको प्रलोभन देखाई रकम असुली गरेको खुलेको प्रहरीले जनाएको छ। घटनाबारे थप अनुसन्धानका लागि मकवानपुर जिल्ला अदालत, हेटौंडाबाट ठगी सम्बन्धी कसुरमा…

हेटौंडा, साउन ५ गते । मकवानपुर प्रहरीले हेटौंडा उपमहानगरपालिका–३ लेवटस्थित पूर्व–पश्चिम राजमार्गबाट प्रतिबन्धित लागूऔषध खैरो हेरोइनसहित दुई जनालाई पक्राउ गरेको छ। प्रहरी चौकी लेवटबाट खटिएको प्रहरी टोलीले सोमबार अपराह्न करिब ३:०० बजे सवारीसाधन तथा व्यक्तिको नियमित चेकजाँच गर्ने क्रममा बा.७५ प ८२१७ नम्बरको मोटरसाइकललाई रोकेको थियो। मोटरसाइकल चालक हेटौंडा उपमहानगरपालिका–३ निवासी २२ वर्षीय रवि स्याङतान र पछाडि सवार राक्सिराङ गाउँपालिका–१ निवासी २४ वर्षीय सुजन स्याङतानमाथि शंका लागेपछि कानुनबमोजिम खानतलासी गरिएको प्रहरीले जनाएको छ। खानतलासीका क्रममा उनीहरूको साथबाट प्रतिबन्धित लागूऔषध खैरो हेरोइन जस्तो देखिने पदार्थ ९०० मिलिग्राम बरामद भएपछि दुवै जनालाई नियन्त्रणमा लिइएको प्रहरीले जानकारी दिएको छ। पक्राउ परेका दुवै जनाविरुद्ध…

हेटौंडा, साउन ४ गते । काठमाडौं प्रवेश गर्ने छोटो दूरीको वैकल्पिक मार्गअन्तर्गत मकवानपुरको भीमफेदी गाउँपालिका–६ स्थित चिसापानी पुलको मर्मत सम्पन्न भएपछि आइतबारदेखि उक्त मार्गमा सवारीसाधनको आवागमन पुनः सुचारु भएको छ। हेटौंडा–भीमफेदी–कुलेखानी–फाखेल–सिस्नेरी हुँदै काठमाडौं जोड्ने यस महत्वपूर्ण वैकल्पिक सडकमा रहेको जीर्ण फलामे पुलको मर्मत कार्य सम्पन्न भएसँगै यात्रु र सवारी चालकले सहज रूपमा आवतजावत गर्न थालेका छन्। वागमती प्रदेश यातायात पूर्वाधार निर्देशनालय, हेटौंडाका प्रमुख नवीन सिंहका अनुसार असार २७ गतेदेखि सुरु गरिएको पुल मर्मतको काम करिब एक सातामै सम्पन्न गरिएको हो। मर्मत कार्य चलिरहँदा सवारीसाधनलाई पुलमुनि खोलामा निर्माण गरिएको अस्थायी डाइभर्सनमार्फत सञ्चालन गरिएको थियो। निर्देशनालयका अनुसार मर्मतका क्रममा भैंसे–भीमफेदी सडकखण्डमा प्रयोगविहीन…

हेटौंडा, असार ३२ गते । दक्षिण एसियाकै पहिलो ऐतिहासिक सुरुङका रूपमा परिचित चुरियामाई सुरुङको संरक्षण तथा व्यवस्थापनको जिम्मेवारी चुरियामाई मन्दिर तथा सुरुङ संरक्षण एवं व्यवस्थापन समितिलाई हस्तान्तरण गरिएको छ। हेटौंडा उपमहानगरपालिकाले सुरुङको संरक्षण, व्यवस्थापन तथा प्रवर्द्धन गर्ने उद्देश्यले समितिसँग जिम्मेवारी हस्तान्तरण सम्बन्धी सम्झौता गरेको हो। सम्झौतापत्रमा हेटौंडा उपमहानगरपालिकाका नगर प्रमुख मीनाकुमारी लामा र समितिका अध्यक्ष प्रेमबहादुर भोम्जनले हस्ताक्षर गरेका छन्। ऐतिहासिक महत्व बोकेको चुरियामाई सुरुङ तत्कालीन राणा प्रधानमन्त्री चन्द्र शमशेर जंगबहादुर राणाको शासनकालमा वि.सं. १९७२ (सन् १९१५) मा निर्माण सुरु भई वि.सं. १९७४ (सन् १९१७) मा सम्पन्न भएको बताइन्छ। करिब दुई वर्ष लगाएर निर्माण गरिएको यो सुरुङ करिब ५०० मिटर…

हेटौंडा, असार ३२ गते । भीमफेदी गाउँपालिका अन्तर्गत बागझोरा क्षेत्रमा पानीको बहाव बढेपछि हेटौँडा–भैँसे–भीमफेदी सडकखण्डमा सवारी आवागमन तत्कालका लागि बन्द गरिएको छ। जिल्ला प्रशासन कार्यालय मकवानपुरले उक्त क्षेत्रमा खोलाको बहाव बढ्दै गएपछि सवारी सञ्चालन जोखिमपूर्ण बनेको भन्दै सडक बन्द गर्ने निर्णय गरेको जनाएको छ। प्रशासनले यात्रु तथा सवारी चालकलाई सुरक्षित यात्राका लागि वैकल्पिक मार्ग प्रयोग गर्न आग्रह गरेको छ। साथै जोखिमयुक्त अवस्थामा यात्रा नगर्न र सम्बन्धित निकायबाट थप सूचना जारी नभएसम्म उक्त सडकखण्ड प्रयोग नगर्न अनुरोध गरिएको छ। वर्षाका कारण नदी तथा खोलामा पानीको सतह बढ्न सक्ने भएकाले आवश्यक सतर्कता अपनाउन प्रशासनले सबैमा आग्रह गरेको छ।