राप्ती खबर

मनहरि , भदौ १५ गते । आज सोमबार बिहान आयोजित प्रार्थना कार्यक्रममा ४९औँ अभिभावक भेलाबाट नवगठित विद्यालय व्यवस्थापन समितिका पदाधिकारी तथा सदस्यहरूको विद्यार्थीहरूसँग परिचयात्मक कार्यक्रम सम्पन्न भएको छ। विद्यालय परिसरमा आयोजित कार्यक्रममा नवगठित विद्यालय व्यवस्थापन समितिका सदस्यहरूको विद्यार्थीहरूसँग परिचय गराउँदै विद्यालयको शैक्षिक तथा समग्र विकासका लागि आगामी दिनमा सहकार्य र समन्वयलाई प्रभावकारी बनाउने विषयमा जोड दिइएको थियो। यसै अवसरमा प्राथमिक तहमा नवनियुक्त दुई जना शिक्षिकालाई विद्यालय परिवारले स्वागत तथा सम्मान गरेको छ। कार्यक्रममा नवनियुक्त शिक्षिकाहरूको समेत विद्यार्थीहरूसँग परिचयात्मक कार्यक्रम आयोजना गरिएको थियो। त्यस्तै, ४९औँ अभिभावक भेलाका क्रममा पुरस्कार वितरण गर्न छुटेका विद्यार्थीहरूलाई आज आयोजित कार्यक्रममा पुरस्कार वितरण गरिएको विद्यालयले जनाएको…