राप्ती खबर

हेटौंडा, साउन ४ गते । काठमाडौं प्रवेश गर्ने छोटो दूरीको वैकल्पिक मार्गअन्तर्गत मकवानपुरको भीमफेदी गाउँपालिका–६ स्थित चिसापानी पुलको मर्मत सम्पन्न भएपछि आइतबारदेखि उक्त मार्गमा सवारीसाधनको आवागमन पुनः सुचारु भएको छ। हेटौंडा–भीमफेदी–कुलेखानी–फाखेल–सिस्नेरी हुँदै काठमाडौं जोड्ने यस महत्वपूर्ण वैकल्पिक सडकमा रहेको जीर्ण फलामे पुलको मर्मत कार्य सम्पन्न भएसँगै यात्रु र सवारी चालकले सहज रूपमा आवतजावत गर्न थालेका छन्। वागमती प्रदेश यातायात पूर्वाधार निर्देशनालय, हेटौंडाका प्रमुख नवीन सिंहका अनुसार असार २७ गतेदेखि सुरु गरिएको पुल मर्मतको काम करिब एक सातामै सम्पन्न गरिएको हो। मर्मत कार्य चलिरहँदा सवारीसाधनलाई पुलमुनि खोलामा निर्माण गरिएको अस्थायी डाइभर्सनमार्फत सञ्चालन गरिएको थियो। निर्देशनालयका अनुसार मर्मतका क्रममा भैंसे–भीमफेदी सडकखण्डमा प्रयोगविहीन…

हेटौंडा, असार ३२ गते । दक्षिण एसियाकै पहिलो ऐतिहासिक सुरुङका रूपमा परिचित चुरियामाई सुरुङको संरक्षण तथा व्यवस्थापनको जिम्मेवारी चुरियामाई मन्दिर तथा सुरुङ संरक्षण एवं व्यवस्थापन समितिलाई हस्तान्तरण गरिएको छ। हेटौंडा उपमहानगरपालिकाले सुरुङको संरक्षण, व्यवस्थापन तथा प्रवर्द्धन गर्ने उद्देश्यले समितिसँग जिम्मेवारी हस्तान्तरण सम्बन्धी सम्झौता गरेको हो। सम्झौतापत्रमा हेटौंडा उपमहानगरपालिकाका नगर प्रमुख मीनाकुमारी लामा र समितिका अध्यक्ष प्रेमबहादुर भोम्जनले हस्ताक्षर गरेका छन्। ऐतिहासिक महत्व बोकेको चुरियामाई सुरुङ तत्कालीन राणा प्रधानमन्त्री चन्द्र शमशेर जंगबहादुर राणाको शासनकालमा वि.सं. १९७२ (सन् १९१५) मा निर्माण सुरु भई वि.सं. १९७४ (सन् १९१७) मा सम्पन्न भएको बताइन्छ। करिब दुई वर्ष लगाएर निर्माण गरिएको यो सुरुङ करिब ५०० मिटर…

हेटौंडा, असार ३२ गते । भीमफेदी गाउँपालिका अन्तर्गत बागझोरा क्षेत्रमा पानीको बहाव बढेपछि हेटौँडा–भैँसे–भीमफेदी सडकखण्डमा सवारी आवागमन तत्कालका लागि बन्द गरिएको छ। जिल्ला प्रशासन कार्यालय मकवानपुरले उक्त क्षेत्रमा खोलाको बहाव बढ्दै गएपछि सवारी सञ्चालन जोखिमपूर्ण बनेको भन्दै सडक बन्द गर्ने निर्णय गरेको जनाएको छ। प्रशासनले यात्रु तथा सवारी चालकलाई सुरक्षित यात्राका लागि वैकल्पिक मार्ग प्रयोग गर्न आग्रह गरेको छ। साथै जोखिमयुक्त अवस्थामा यात्रा नगर्न र सम्बन्धित निकायबाट थप सूचना जारी नभएसम्म उक्त सडकखण्ड प्रयोग नगर्न अनुरोध गरिएको छ। वर्षाका कारण नदी तथा खोलामा पानीको सतह बढ्न सक्ने भएकाले आवश्यक सतर्कता अपनाउन प्रशासनले सबैमा आग्रह गरेको छ।

हेटौंडा, असार ३१ गते । मकवानपुर प्रहरीले हराएको मोटरसाइकल फेला पारी आवश्यक कानुनी प्रक्रिया पूरा गरेपछि सम्बन्धित धनीलाई जिम्मा लगाएको छ। प्रहरीका अनुसार असार ३० गते हेटौंडा उपमहानगरपालिका–१० स्थित हेटौंडा बसपार्कबाट बागमती प्रदेश ०२–०३१ प ६६७७ नम्बरको मोटरसाइकल हराएको भन्दै कैलाश गाउँपालिका–१ निवासी सुदिप नेगीले जिल्ला प्रहरी कार्यालय मकवानपुरमा निवेदन दिएका थिए। निवेदन प्राप्त हुनासाथ जिल्ला प्रहरी कार्यालय तथा मातहतका प्रहरी इकाइबाट खोजतलास कार्य तीव्र बनाइएको थियो। खोजतलासका क्रममा हराएको मोटरसाइकल फेला परेको प्रहरीले जनाएको छ। मोटरसाइकल फेला परेपछि आवश्यक कानुनी प्रक्रिया तथा सनाखत सम्पन्न गरी सम्बन्धित धनी सुदिप नेगीलाई जिम्मा लगाइएको जिल्ला प्रहरी कार्यालय मकवानपुरले जनाएको छ।

हेटौंडा, असार ३१ गते । मकवानपुर प्रहरीले १०९ किलो ९६ ग्राम गाँजासहित दुई जनालाई पक्राउ गरेको छ। प्रहरीका अनुसार मंगलबार बिहान करिब ४ः३० बजे विशेष सूचनाका आधारमा इलाका प्रहरी कार्यालय मनहरीबाट खटिएको प्रहरी टोलीले मनहरी गाउँपालिका–८ सिमपानीस्थित पूर्व–पश्चिम राजमार्गमा चितवनबाट हेटौंडातर्फ आउँदै गरेको बा.प्र.०१–०२६ च ४८९३ नम्बरको योद्धा पिकअप गाडीलाई रोकी जाँच गरेको थियो। जाँचका क्रममा गाडीको पछाडिको भागमा त्रिपालले छोपेर प्लास्टिकमा बेरेर लुकाइछिपाइ राखिएको १५ वटा पोकाभित्र प्रतिबन्धित लागूऔषध गाँजा १०९ किलो ९६ ग्राम फेला परेको प्रहरीले जनाएको छ। घटनामा संलग्न रहेको आरोपमा धादिङको गजुरी नगरपालिका–७ किरानचोक बस्ने ४१ वर्षीय सुमन तामाङ (चालक) र सोही स्थानका १९ वर्षीय ईरोज…