स्वास्थ्य

हेटौंडा, साउन १५ गते । मकवानपुरका व्यवसायिक बंगुरपालक किसानहरूले पशु बिमा प्रक्रियामा बिमा कम्पनीहरूले गरेको लापरवाहीका कारण आफूहरू गम्भीर आर्थिक संकटमा परेको बताएका छन्। किसानहरूको समस्याप्रति ध्यानाकर्षण गराउँदै सेवा सहयोग र आवाजका अध्यक्ष तथा सामाजिक अभियान्ता विशालराज महतले सरकारले तत्काल छानबिन गरी किसानको हित सुनिश्चित गर्न माग गरेका छन्। सामाजिक सञ्जाल फेसबुकमार्फत आफ्नो धारणा सार्वजनिक गर्दै महतले बिमा भनेको जोखिममा साथ दिने सुरक्षा व्यवस्था भएको उल्लेख गर्दै जोखिम देखिएपछि जिम्मेवारीबाट पन्छिनु बिमाको उद्देश्यविपरीत भएको बताएका छन्। उनका अनुसार सरकारले पशु बिमामा किसानलाई ८० प्रतिशत अनुदान दिने व्यवस्था गरेको भए पनि मकवानपुरका धेरै व्यवसायिक बंगुरपालक किसानहरूले समयमै पशु बिमा गर्न खोज्दा…

हेटौंडा, साउन ६ गते । हेटौंडा उपमहानगरपालिका–४ मा मधुमेहका बिरामीहरूलाई लक्षित गरी निःशुल्क आँखा परीक्षण शिविर सम्पन्न गरिएको छ। हेटौंडा उपमहानगरपालिका वडा नं. ४ कार्यालयको आयोजनामा, हेटौंडा सामुदायिक आँखा अस्पतालको प्राविधिक सहयोग तथा मोहन बज्राचार्य आधारभूत स्वास्थ्य केन्द्र, हेटौंडा–४ को व्यवस्थापनमा सञ्चालन गरिएको शिविरमा ४३ जना मधुमेहका बिरामीको निःशुल्क आँखा परीक्षण गरिएको हो। शिविरमा विशेषज्ञ स्वास्थ्यकर्मीले सहभागीहरूको आँखाको परीक्षण गर्नुका साथै मधुमेहका कारण आँखामा पर्न सक्ने असर, समयमै परीक्षणको आवश्यकता तथा आँखाको स्वास्थ्य जोगाउने उपायबारे आवश्यक परामर्शसमेत दिएका थिए। वडा कार्यालयले मधुमेहका बिरामीमा देखिन सक्ने आँखासम्बन्धी जटिलतालाई समयमै पहिचान गरी उपचारमा सहज पहुँच पुर्‍याउने उद्देश्यले शिविर आयोजना गरिएको जनाएको छ।…

मनहरी, साउन ५ गते । मनहरी गाउँपालिकाले मिर्गौला प्रत्यारोपण गरेका, डायलासिस गराइरहेका, क्यान्सर रोगी तथा मेरुदण्ड पक्षघात भई उपचाररत बिरामीहरूको मासिक औषधि उपचार खर्च सम्बन्धी सेवा सुविधा निरन्तरता र नयाँ दर्ताका लागि सूचना जारी गरेको छ। गाउँ कार्यपालिकाको कार्यालय रजैयाले जारी गरेको सूचनाअनुसार गाउँपालिकाभित्र स्थायी बसोबास गर्ने तथा हाल मासिक औषधि उपचार खर्च सुविधा लिइरहेका बिरामीहरूले आर्थिक वर्ष २०८३/८४ का लागि सेवा निरन्तर पाउन २०८३ साल भदौ मसान्तभित्र आवश्यक कागजातसहित गाउँपालिकाको स्वास्थ्य शाखामा उपस्थित भई नवीकरण गराउनुपर्नेछ। साथै, नयाँ लाभग्राही बन्न चाहने बिरामीहरूले पनि तोकिएका कागजात पेश गरी दर्ता गर्न सक्ने जनाइएको छ। गाउँपालिकाले दर्ता भएका सबै लाभग्राहीले प्रत्येक तीन–तीन…

हेटौंडा, साउन ५ गते । हेटौंडा उपमहानगरपालिकाले स्वीकृति लिएर सञ्चालनमा रहेका निजी अस्पतालहरूको सेवा, पूर्वाधार तथा विशेषगरी प्रयोगशाला (ल्याब) सेवाको अवस्था बुझ्न अनुगमनलाई तीव्रता दिएको छ। यसैक्रममा नगर प्रमुख मीनाकुमारी लामाको नेतृत्वमा गएको अनुगमन टोलीले हेटौंडा–६ स्थित सिद्धस्थली कम्युनिटी अस्पतालको निरीक्षण तथा अनुगमन गरेको हो। अनुगमनका क्रममा अस्पतालको भौतिक पूर्वाधार, स्वास्थ्य उपकरण तथा सेवा प्रवाहको अवस्थालाई सन्तोषजनक र उत्कृष्ट पाइएको नगर प्रमुख लामाले बताइन्। बजार क्षेत्रबाट केही टाढा रहे पनि समुदायको समेत लगानीमा स्थापना भएको उक्त अस्पताललाई प्रभावकारी रूपमा सञ्चालन गर्न उपमहानगरपालिकाले आवश्यक सहयोग र समन्वय गर्ने प्रतिबद्धता व्यक्त गरिएको छ। केही दिनयता अस्पताल बन्द रहेको भन्ने सूचना प्राप्त भएपछि…

हेटौँडा, असार ३० गते । हेटौँडा उपमहानगरपालिका–११ स्थित स्मारक होटललाई सरसफाइमा लापरबाही गरेको पाइएपछि जिल्ला प्रशासन कार्यालय मकवानपुरले २५ हजार रुपैयाँ जरिवाना गरेको छ। जिल्ला प्रशासन कार्यालयले गरेको अनुगमनका क्रममा होटलमा खाना पकाउने र भाँडा माझ्ने स्थान एउटै रहेको तथा न्यूनतम सरसफाइका मापदण्डसमेत पालना नगरेको भेटिएको जनाएको छ। अनुगमनका क्रममा उपभोक्ताको स्वास्थ्यमा प्रत्यक्ष असर पर्ने अवस्था देखिएपछि होटललाई २५ हजार रुपैयाँ जरिवाना गरिएको प्रशासनले जनाएको छ। यससँगै होटल व्यवस्थापनलाई तत्काल सरसफाइको अवस्था सुधार गर्न, खाना तयारी तथा भान्सा व्यवस्थापनलाई मापदण्डअनुसार व्यवस्थित बनाउन र सुधारका लागि अपनाइएका व्यवस्थाबारे प्रशासनलाई जानकारी गराउन निर्देशन दिइएको छ। जिल्ला प्रशासन कार्यालयले उपभोक्ताको स्वास्थ्यसँग प्रत्यक्ष सम्बन्धित…

हेटौंडा, असार १८ गते । हेटौंडा उपमहानगरपालिका–७ नम्बर वडालाई ४० माइक्रोनभन्दा पातलो प्लास्टिक झोलामुक्त वडा घोषणा गर्ने अभियान औपचारिक रूपमा सुरु गरिएको छ। बागमती प्रदेश सरकारको ‘एक पालिका, एक वडा प्लास्टिकमुक्त घोषणा’ गर्ने नीति अन्तर्गत पहिलो चरणमा हेटौंडा–७ लाई छनोट गरिएको हो। उपमहानगरपालिकाले यस अभियानलाई क्रमशः अन्य वडामा समेत विस्तार गर्दै सम्पूर्ण हेटौंडालाई प्लास्टिकमुक्त नगरका रूपमा विकास गर्ने लक्ष्य लिएको जनाएको छ। वातावरण संरक्षण र फोहोर व्यवस्थापनलाई प्रभावकारी बनाउन स्थानीय तहले प्लास्टिक प्रयोग न्यूनीकरणलाई प्राथमिकतामा राखेको बताइएको छ। कार्यक्रममा बोल्दै हेटौंडा उपमहानगरपालिकाकी नगर प्रमुख मीनाकुमारी लामाले वातावरण जोगाउन प्लास्टिकजन्य सामग्रीको प्रयोग घटाउन आवश्यक रहेको उल्लेख गर्दै नागरिकलाई कपडाका झोला तथा…

हेटौडा, असार १३ गते। स्वास्थ्य सरोकार संस्थाको आयोजना तथा हिमालयन राइडर्स सोसाइटी मकवानपुरको सहकार्यमा अन्तरविद्यालयस्तरीय साइकल रेस प्रतियोगिता शनिबार सम्पन्न भएको छ । प्रतियोगितामा विभिन्न विद्यालयका विद्यार्थी राइडरहरूको उत्साहजनक सहभागिता रहेको थियो । छात्रातर्फ आधुनिक राष्ट्रिय माविकी एनोरा तिवारी प्रथम, जीएस निकेतन माविकी श्रीयान्सी कर्माचार्य द्वितीय तथा ब्रम्हदिक एकेडेमीकी स्पन्धन अधिकारी तृतीय भएकी छन् । त्यस्तै जीएस निकेतनकी आर्शु शाक्य र विद्यादेवी आचार्यले सान्त्वना स्थान हासिल गरेका छन् । छात्रतर्फ आधुनिक राष्ट्रिय माविका आयुष दास प्रथम, नवोदय शिशुसदनका सोहन अग्रवाल द्वितीय तथा अक्रिम श्रेष्ठ तृतीय भएका छन् । नवोदय शिशुसदनका ओम सेढाईं र कमाने एकेडेमीका विश्वास अधिकारी सान्त्वना भएका छन्…

देवकोट,जेठ ३१ गते। मनहरी गाउँपालिका–८ देवकोटमा निर्माण गरिएको स्वास्थ्य केन्द्र सञ्चालनमा आएको दुई वर्ष पनि नपुग्दै सेवा ठप्प भएको छ। स्थानीय नागरिकलाई गाउँमै आधारभूत स्वास्थ्य सेवा उपलब्ध गराउने उद्देश्यले निर्माण गरिएको उक्त स्वास्थ्य केन्द्र विगत करिब एक वर्षदेखि बन्द अवस्थामा रहेको स्थानीयवासीले बताएका छन्। स्थानीयका अनुसार स्वास्थ्य केन्द्र निर्माण सम्पन्न भएपछि केही समय नियमित रूपमा सञ्चालनमा आएको थियो। तर गत वर्षको जेठ महिनादेखि स्वास्थ्यकर्मीको व्यवस्था हुन नसक्दा र सेवा सञ्चालनमा निरन्तरता नआउँदा स्वास्थ्य केन्द्र पूर्ण रूपमा बन्द भएको हो। स्वास्थ्य केन्द्र बन्द भएपछि सामान्य बिरामी समेत उपचार तथा औषधिका लागि टाढाका स्वास्थ्य संस्थामा जान बाध्य भएका छन्। आकस्मिक अवस्थामा आवश्यक…

हेटौंडा,जेठ ३० गते। हेटौंडा उपमहानगरपालिका वडा नं. ४ कार्यालयको आयोजनामा सञ्चालन गरिएको बृहत् निःशुल्क स्वास्थ्य शिविर सम्पन्न भएको छ। नेपाल हृदयरोग निवारण प्रतिष्ठानको सह–आयोजना, मदन भण्डारी स्वास्थ्य विज्ञान प्रतिष्ठानको विशेष सहयोग तथा टोल विकास संस्था नगर समन्वय समिति, हेटौंडाको व्यवस्थापनमा शिविर सञ्चालन गरिएको हो। नेपाल हृदयरोग निवारण प्रतिष्ठान मकवानपुरका वरिष्ठ उपाध्यक्ष ध्रुव भुजेलको अध्यक्षतामा आयोजित कार्यक्रममा बागमती प्रदेशका स्वास्थ्य मन्त्री किरण थापा प्रमुख अतिथि रहेका थिए। कार्यक्रममा प्रदेशसभा सदस्य एकालाल श्रेष्ठ, हेटौंडा–४ का वडा अध्यक्ष नवीन सिग्देल, मदन भण्डारी स्वास्थ्य विज्ञान प्रतिष्ठानका रजिस्ट्रार भीमसागर गुरागाईं तथा टोल विकास संस्था नगर समन्वय समिति, हेटौंडाका अध्यक्ष ध्रुव प्रसाद अधिकारीलगायतको उपस्थिति रहेको थियो।…

हेटौंडा,जेठ २३ गते। विश्व वातावरण दिवस–२०८३ को अवसरमा “समृद्ध भविष्यको आधारः जलवायु एवं प्रकृतिमैत्री विकास” भन्ने नारासहित हेटौंडामा सञ्चालन गरिएको सप्ताहव्यापी कार्यक्रम हिजो सम्मान, पुरस्कार वितरण तथा समापन समारोहसहित सम्पन्न भएको छ। हेटौंडा उपमहानगरपालिकाको सहयोग तथा टोल विकास संस्था नगर समन्वय समिति, हेटौंडाको आयोजनामा सम्पन्न कार्यक्रम समितिका अध्यक्ष ध्रुवप्रसाद अधिकारीको अध्यक्षतामा भएको थियो। कार्यक्रममा बागमती प्रदेशका मुख्यमन्त्री इन्द्रबहादुर बानियाँ प्रमुख अतिथि रहेका थिए। समारोहमा बागमती प्रदेशका प्रथम मुख्यमन्त्री तथा हेटौंडा उपमहानगरपालिकाका पूर्व नगरप्रमुख डोरमणी पौडेल, वन तथा वातावरण मन्त्री भरतकुमार केसी, प्रदेशसभा सदस्य एकलाल श्रेष्ठ, जिल्ला समन्वय समिति मकवानपुरका प्रमुख ललितकुमार घलान, हेटौंडा उपमहानगरपालिकाका उपप्रमुख राजेश बानियाँलगायत विभिन्न राजनीतिक दल,…