सशान्त तामाङ

हेटौँडा, कार्तिक १८ गते । चुनावमा पटक–पटक पराजित भए पनि जनताको सेवाबाट आफू कहिल्यै पछि नहटेको बताएका सामाजिक अभियन्ता तथा ‘सेवा, सहयोग र आवाज’ संस्थाका अध्यक्ष विशालराज महतले अब हेटौँडा उपमहानगरपालिकाको नेतृत्व गर्ने चाहना व्यक्त गरेका छन्। महतले सामाजिक सञ्जाल फेसबुकमा लामो स्टाटस लेख्दै चुनावी हारलाई एउटा परिणामका रूपमा व्याख्या गरेका छन्। पदमा नरहे पनि जनताको दुःख, समस्या र अन्यायविरुद्ध निरन्तर आवाज उठाउँदै आएको उनको भनाइ छ। उनले हेटौँडा अस्पताल, जिल्ला प्रहरी कार्यालय, प्रशासन, नगरपालिका, मालपोतलगायतका सरकारी कार्यालयमा सर्वसाधारणका समस्या लिएर पुग्ने, बिरामीलाई सहयोग गर्ने, अन्यायमा परेकाहरूको पक्षमा आवाज उठाउने तथा अनियमितताविरुद्ध खबरदारी गर्ने कामलाई आफ्नो नियमित दैनिकी बनाएको उल्लेख…

हेटौँडा, कार्तिक १५ गते । हेटौँडा उपमहानगरपालिका–४ का वडाध्यक्ष नवीन सिग्देलले सहरी क्षेत्रमा बढ्दै गएका सडक दुर्घटना, साइबर अपराध, महिला, ज्येष्ठ नागरिक तथा बालबालिकामाथि हुने हिंसा र लागूऔषध दुर्व्यसन समाजका प्रमुख चुनौतीका रूपमा रहेको बताएका छन्। सामाजिक सञ्जाल फेसबुक मार्फत आफ्नो धारणा सार्वजनिक गर्दै वडाध्यक्ष सिग्देलले यी समस्याहरू एकअर्कासँग अन्तरसम्बन्धित हुन सक्ने उल्लेख गरेका छन्। समाजमा शान्ति र सुरक्षा कायम गर्न यस्ता समस्यालाई निरुत्साहित गर्नु आवश्यक रहेको उनको भनाइ छ। उनले सडक दुर्घटना, साइबर अपराध, महिला तथा बालबालिकामाथि हुने शारीरिक र मानसिक हिंसा तथा लागूऔषध दुर्व्यसन न्यूनीकरणका लागि प्रत्येक नागरिक सचेत र जिम्मेवार हुनुपर्नेमा जोड दिएका छन्। दैनिक जनजीवनमा आवश्यक…

हेटौँडा, असोज ३१ गते । बडादसैँको फूलपातीका अवसरमा हेटौँडा उपमहानगरपालिका–१५ स्थित चुरियामाई मन्दिरमा भाकल बुझाउन आउने भक्तजनको उपस्थिति रहेको छ। विभिन्न गाउँ तथा आसपासका क्षेत्रबाट भक्तजनहरू पूजाआजा गर्न र भाकलअनुसार बलि चढाउन मन्दिर पुगेका छन्। यद्यपि, यस वर्ष विगतका तुलनामा मन्दिर क्षेत्रमा भक्तजनको चहलपहल केही कम देखिएको छ। परापूर्वकालदेखि धार्मिक आस्था र विश्वासको केन्द्रका रूपमा रहँदै आएको चुरियामाई मन्दिरमा फूलपातीका दिन भाकल बुझाउने परम्परा रहिआएको छ। धार्मिक मान्यताअनुसार घरपरिवारमा सुख, शान्ति र समृद्धिको कामना गर्दै तथा आफूले चिताएको मनोकामना पूरा हुने विश्वासका साथ भक्तजनहरूले मन्दिरमा पूजा गर्ने र भाकल चढाउने गरेका छन्। चुरियामाई मन्दिरमा मकवानपुर जिल्लाका विभिन्न स्थानका साथै वीरगञ्जलगायत…

मनहरी, असोज २४ गते । जलवायु परिवर्तनले वातावरण, जनजीवन र समाजमा पारेका प्रभावबारे बालबालिकालाई सचेत बनाउने उद्देश्यले मकवानपुर महिला उत्थान समाजले मनहरीमा विशेष चित्रकला प्रतियोगिता आयोजना गरेको छ। समाजले हिजो मनहरी गाउँपालिका–४, मसिनेस्थित श्री पशुपति माध्यमिक विद्यालयमा आयोजना गरेको प्रतियोगितामा विद्यालयका १४ जना विद्यार्थीले सहभागिता जनाएका थिए। विद्यार्थीहरूले जलवायु परिवर्तनका कारण उत्पन्न वातावरणीय समस्या र त्यसले पारेका असरलाई चित्रमार्फत प्रस्तुत गर्दै आफ्नो सिर्जनात्मक क्षमता प्रदर्शन गरेका थिए। प्रतियोगितामा उत्कृष्ट चित्र बनाउने चार विद्यार्थी छनोट भएका छन्। जसमा राधिका तितुङ प्रथम, क्रिजन उप्रेती द्वितीय, सौरभ अर्याल तृतीय र रोयस पौडेल चौथो भएका छन्। सहभागी विद्यार्थीका चित्रहरूको मूल्याङ्कन विद्यालयका शिक्षक तथा शिक्षिकाले…

मनहरी, असोज २३ गते । सीमान्तकृत समुदायका बालबालिकाको शिक्षा र नेतृत्व विकासमा सहयोग पुर्‍याउने उद्देश्यले मकवानपुरको मनहरी गाउँपालिका–३, सिद्धकालीस्थित श्री प्रजा माध्यमिक विद्यालयमा विद्यार्थीलाई खाद्यान्न वितरण गरिएको छ। शुक्रबार हेमराइट्स मकवानपुरको आयोजना, कोर इन्टरनेसनल क्यानडाको आर्थिक सहयोग, मनहरी गाउँपालिकासँगको समन्वय तथा श्री प्रजा माध्यमिक विद्यालयको व्यवस्थापनमा खाद्यान्न वितरण कार्यक्रम सम्पन्न भएको हो। कार्यक्रममा विद्यालयका प्रधानाध्यापक तुलबहादुर सुनुवारको सभापतित्व तथा हिराबहादुर प्रजाको प्रमुख आतिथ्यता रहेको थियो। हेमराइट्स मकवानपुरकी कार्यक्रम संयोजक कुमारी वाइबा विशिष्ट अतिथिका रूपमा सहभागी थिइन्। कार्यक्रममा इन्दुकुमारी तामाङ, सञ्जीव गुरुङ, लक्ष्मी वाइबालगायत अतिथि, विद्यार्थी, अभिभावक तथा सञ्चारकर्मीको उपस्थिति थियो। कार्यक्रमको स्वागत मन्तव्य कार्यक्रम संयोजक वाइबाले राखेकी थिइन्। कार्यक्रममा बोल्दै…