स्थानीय

हेटौँडा, भदौ १८ गते । चेपाङ समुदायले मनाउने महत्वपूर्ण सांस्कृतिक पर्व न्वागी (छोनाम) को अवसरमा बागमती प्रदेश सरकारले प्रदेशका तीन जिल्लामा सार्वजनिक बिदा दिने भएको छ। बागमती प्रदेश सरकार, आन्तरिक मामिला, कानुन तथा सहकारी मन्त्रालय, हेटौँडाले विहिबार जारी गरेको सूचनाअनुसार २०८३ भदौ २२ गते सोमबार न्वागी (छोनाम) पर्वको अवसरमा चितवन, मकवानपुर र धादिङ जिल्लाभर सार्वजनिक बिदा रहनेछ। बागमती प्रदेश राजपत्रको खण्ड ९, संख्या ०९, भाग ३, मिति २०८२ चैत २३ गते प्रकाशित सूचनाबमोजिम उक्त बिदा लागू हुने मन्त्रालयले जनाएको छ। चेपाङ जातिले परम्परागत रूपमा मनाउँदै आएको न्वागी (छोनाम) पर्वको सांस्कृतिक महत्वलाई मध्यनजर गर्दै प्रदेश सरकारले तीन जिल्लामा सार्वजनिक बिदा घोषणा…

बतासे डाँडा, भदौ १८ गते । मकवानपुरको इन्द्रसरोवर गाउँपालिका–२ स्थित बतासे डाँडामा खाद्यान्न बोकेको मिनी ट्रक दुर्घटना हुँदा चालक घाइते भएका छन् भने सहचालक बेपत्ता भएका छन्। बिहीबार बिहान करिब ६ बजे हेटौँडाबाट दक्षिणकाली हुँदै काठमाडौँतर्फ जाँदै गरेको प्र.०३–०१–००३ क ५६०५ नम्बरको खाद्यान्न लोड मिनी ट्रक हेटौँडा–भीमफेदी–कुलेखानी–काठमाडौँ सडकखण्डबाट करिब १०० मिटर तल खसेर दुर्घटनामा परेको हो। दुर्घटनाको खबर प्राप्त भएपछि प्रहरी चौकी खानीखेत र इलाका प्रहरी कार्यालय भीमफेदी, मकवानपुरबाट प्रहरी निरीक्षक सनम मल्लको कमाण्डमा ट्राफिक प्रहरीसहितको टोली घटनास्थलमा पुगेको थियो। प्रहरीका अनुसार दुर्घटनामा मिनी ट्रक चालक धादिङको बेनिघाट रोराङ गाउँपालिका–२ का करिब २६ वर्षीय पुष्पराज भुजेल घाइते भएका छन्। उनको…

कैलाश गाउँपालिका, भदौ १७ गते । कैलाश गाउँपालिकाले चेपाङ समुदायको महान् सांस्कृतिक पर्व न्वागी (छोनाम) को अवसरमा शुभकामना व्यक्त गर्दै यस वर्ष विपद्को संवेदनशील अवस्थालाई मध्यनजर गरी पर्वमा तडकभडक नगर्न आग्रह गरेको छ। गाउँपालिका अध्यक्ष लोकबहादुर मुक्तानद्वारा जारी शुभकामना तथा सूचनामा गत भदौ १० गते रसुवा जिल्लाको भोटेकोशी नदीमा आएको विनाशकारी बाढीबाट रसुवा, नुवाकोट, धादिङलगायत जिल्लामा भएको ठूलो धनजनको क्षतिप्रति गहिरो दुःख व्यक्त गरिएको छ। बाढीमा परी ज्यान गुमाउनेहरूप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनमा समवेदना तथा घाइते र प्रभावित नागरिकको शीघ्र स्वास्थ्यलाभको कामना गरिएको छ। प्रकृति पूजक तथा अति सीमान्तकृत चेपाङ समुदायको महत्वपूर्ण सांस्कृतिक पर्वका रूपमा रहेको न्वागीको अवसरमा…

हेटौंडा, भदौ १७ गते । हालैको बाढी तथा विपद्का कारण प्रभावित नागरिकमा देखिन सक्ने मानसिक तनाव तथा मनोसामाजिक समस्यालाई मध्यनजर गर्दै मनहरी गाउँपालिकाले निःशुल्क मनोसामाजिक परामर्श सेवा सञ्चालन गरेको छ। मनहरी गाउँपालिकाको कार्यालय रजैयाले जारी गरेको सूचनाअनुसार विपद्पछि नागरिकमा डर, चिन्ता, मानसिक तनाव, असुरक्षाको भावना, निद्रा नलाग्ने, मन आतिने, टोलाउने तथा मानसिक रूपमा असहज महसुस हुनेजस्ता लक्षण देखिन सक्छन्। यस्ता समस्या विपद्पछिको अवस्थामा देखिने सामान्य मानवीय प्रतिक्रिया भएको गाउँपालिकाले जनाएको छ। गाउँपालिकाले आफू वा परिवारका कुनै सदस्यले यस्ता समस्या अनुभव गरिरहेको अवस्थामा आफ्ना मनका कुरा सुरक्षित तथा गोप्य रूपमा व्यक्त गर्न र आवश्यक भावनात्मक सहयोग लिन आग्रह गरेको छ। यसका…

हेटौंडा, भदौ १७ गते । मकवानपुर प्रहरीले हेटौंडा उपमहानगरपालिका–१६ पूर्वेली दमारबाट ठूलो परिमाणमा प्रतिबन्धित लागूऔषधसहित एक युवकलाई पक्राउ गरेको छ। जिल्ला प्रहरी कार्यालय मकवानपुर तथा मातहतका प्रहरी कार्यालयबाट संयुक्त रूपमा खटिएको प्रहरी टोलीले विशेष सूचनाका आधारमा मंगलबार बिहान करिब ९ः४५ बजे हेटौंडा–१६ पूर्वेली दमारका २१ वर्षीय रञ्जन भोम्जनलाई पक्राउ गरेको हो। प्रहरीका अनुसार भोम्जनको घरमा कानुनबमोजिम खानतलासी गर्दा उनको कोठाभित्र लुकाइछिपाइ राखिएको अवस्थामा ट्रामाडोल ४ हजार ८६० क्याप्सुल र नाइट्राजेपाम ३० ट्याब्लेट फेला परेको थियो। त्यसैगरी प्रहरीले उनको प्रयोगमा रहेको बा ३१ प ७१९२ नम्बरको भीआर मोटरसाइकल, बा ८४ प ६०७० नम्बरको अपाचे मोटरसाइकल र एक थान चक्कुसमेत बरामद गरेको…

हेटौंडा, भदौ १७ गते । हेटौंडा उपमहानगरपालिका–४ का वडाध्यक्ष नवीन सिग्देलले भैरवरोडमा वर्षायाममा देखिँदै आएको डुबान समस्या समाधानका लागि वडा र प्राविधिक टोलीको प्रयास जारी रहेको बताएका छन्। वडाध्यक्ष सिग्देलले सामाजिक सञ्जाल फेसबुक मार्फत भैरवरोडको डुबानको मुख्य कारणमध्ये पुरानो भूमिगत ढलमा देखिएको समस्या रहेको उल्लेख गर्दै दीर्घकालीन समाधानका लागि विशेष योजना आवश्यक रहेको बताएका हुन्। उनका अनुसार २०६६/०६७ तिर निर्माण गरिएको भूमिगत ढल भासिँदै जाँदा हेटौंडाका विभिन्न क्षेत्रमा समस्या देखिँदै आएको छ। कान्तिराजपथमा समेत ढल भासिएपछि तत्काल मर्मत भइरहेको तथा स्कुलरोड र भैरवरोडमा पटक–पटक सडक भासिने र मर्मत गर्नुपर्ने अवस्था आएको उनले बताएका छन्। सडकमा कंक्रिट ढलान गरिएपछि भासिएको समस्या…

मनहरी, भदौ १७ गते । मनहरी गाउँपालिकाले आफ्नो कार्यक्षेत्रमा सञ्चालनमा रहेका गैरसरकारी संस्था तथा विभिन्न सरोकारवाला संघसंस्थाका प्रतिनिधिहरूसँग वार्षिक समीक्षा तथा समसामयिक विषयमा अन्तरक्रिया गरेको छ । बुधबार गाउँपालिकाको सभाहलमा आयोजित कार्यक्रममा आर्थिक वर्ष २०८२/०८३ मा गैरसरकारी तथा सरोकारवाला संस्थाहरूले सञ्चालन गरेका कार्यक्रम र गतिविधिको समीक्षा गरिएको हो । कार्यक्रममा मनहरी गाउँपालिकाले रसुवामा भाद्र १० गते आएको बाढीबाट प्रभावित नागरिकका लागि सञ्चालन गरिरहेको राहत संकलन अभियानमा सहयोग गर्न सबै संघसंस्था तथा सरोकारवालालाई अपिलसमेत गरिएको छ । कार्यक्रमलाई सम्बोधन गर्दै प्रमुख अतिथि रन्जन कालाखेतीले पालिकाको नेतृत्वमा रसुवा बाढीपीडितलाई लक्षित गरी राहत संकलन भइरहेको जानकारी दिँदै मानवीय सहयोगको अभियानमा सहभागी हुन सबैलाई…

हेटौंडा, भदौ १७ गते । मकवानपुरको हेटौंडा उपमहानगरपालिका–११ थानाभर्‍याङमा EV गाडीको ठक्करबाट एक पैदलयात्रीको मृत्यु भएको छ। हिजो राति करिब ९ः५० बजे राप्ती खोला नजिकै बुद्ध पार्क अगाडि महेन्द्र राजमार्गमा नारायणघाटबाट हेटौंडातर्फ आउँदै गरेको बा.प्र.०६–००१ ज.०३२९ नम्बरको खाली EV गाडीले पैदलयात्रीलाई ठक्कर दिएको थियो। दुर्घटनामा पर्साको वीरगञ्ज महानगरपालिका–३२ निवासी करिब ५० वर्षीय वीरेन्द्र पासवान गम्भीर घाइते भएका थिए। दुर्घटनालगत्तै अ.प्र.पोष्ट थानाभर्‍याङ मकवानपुरबाट ट्राफिकसहितको टोलीले उद्धार गरी उनलाई उपचारका लागि हेटौंडा अस्पताल पुर्‍याएको थियो। उनको टाउको तथा शरीरका विभिन्न भागमा चोट लागेको र अवस्था गम्भीर रहेको बताइएको थियो। घाइते पासवानलाई थप उपचारका लागि भदौ १७ गते राति १२ः०५ बजे वीरगञ्जस्थित वयोधा…

हेटौँडा भदौ १६ गते । हेटौँडा उपमहानगरपालिका वडा नम्बर ४ का वडाध्यक्ष नवीन सिग्देलले बागमती प्रदेश सरकारका नवनियुक्त भौतिक पूर्वाधार विकास मन्त्री भरतबहादुर केसीसँग भेटघाट गरेका छन्। आज भएको भेटघाटका क्रममा हेटौँडा नगर क्षेत्रको पूर्वाधार विकाससँग सम्बन्धित विभिन्न महत्वपूर्ण विषयमा छलफल भएको वडाध्यक्ष सिग्देलले बताएका छन्। भेटमा नगरको विकास, पूर्वाधार निर्माण तथा आगामी दिनमा आवश्यक समन्वय र सहकार्यका विषयमा कुराकानी भएको जनाइएको छ। सोही अवसरमा वडाध्यक्ष सिग्देलले नवनियुक्त मन्त्री केसीलाई बधाई तथा शुभकामना व्यक्त गरेका छन्। मन्त्री केसीको कार्यकाल सफल, प्रभावकारी र उपलब्धिमूलक रहोस् भन्ने शुभकामना व्यक्त गरिएको सिग्देलले सामाजिक सञ्जालमार्फत जानकारी दिएका छन्। वडाध्यक्ष सिग्देलले स्थानीय तह र प्रदेश…