मौसम

काठमाडौँ, कार्तिक १२ गते । बंगालको खाडीमा विकसित भएको ‘अर्नब’ चक्रवातका कारण नेपालमा पर्न सक्ने मौसमी प्रभावलाई मध्यनजर गर्दै विपद् प्रतिकार्य कमाण्ड पोष्टको बैठक बसेको छ। बैठकमा चक्रवातको पछिल्लो अवस्था, सम्भावित मौसमजन्य विपद् र त्यसबाट उत्पन्न हुन सक्ने जोखिम न्यूनीकरण तथा प्रतिकार्यको तयारीबारे छलफल गरिएको छ। बैठकमा सम्बन्धित कार्यालयका प्रतिनिधिहरूले मौसममा आउन सक्ने परिवर्तन, बाढीको सम्भावना, पहिरोको जोखिम तथा सडक अवरुद्ध भएमा तत्काल सञ्चालनमा ल्याउन गरिएका तयारीबारे जानकारी गराएका थिए। नेपाल मौसम विज्ञान विभागका प्रतिनिधि तथा प्रवक्ता विभूति पोखरेलले ‘अर्नब’ चक्रवात नेपाल प्रवेश गर्दा कमजोर भइसकेको भए पनि त्यसको प्रभावले देशका विभिन्न स्थानमा वर्षा, हिमपात तथा सामान्य हावाहुरीको सम्भावना रहेको…

काठमाडौं, असोज ८ गते । पछिल्लो तीन घण्टामा कास्की जिल्लाको लामापाटनमा ६५ मिलिमिटर वर्षा भएको छ। जल तथा मौसम विज्ञान विभागका अनुसार यो अवधिमा लामापाटनमा सबैभन्दा धेरै वर्षा मापन गरिएको हो। बुधबार राति ११ः४० बजे जारी मौसम अपडेटअनुसार हाल कोशी र गण्डकी प्रदेशका केही स्थानमा वर्षा भइरहेको छ। त्यस्तै, बागमती, लुम्बिनी र मधेस प्रदेशका थोरै स्थान तथा कर्णाली र सुदूरपश्चिम प्रदेशका एक–दुई स्थानमा पनि मध्यमसम्मको वर्षा भइरहेको विभागले जनाएको छ। वर्षा भइरहेको तथा आसपासका क्षेत्रमा थप वर्षाको सम्भावना रहेको विभागले जनाएको छ। त्यसैले ती क्षेत्रका बासिन्दालाई आवश्यक सतर्कता अपनाउन अनुरोध गरिएको छ। विभागका अनुसार वर्षाका कारण स्थानीय स्तरमा सडक तथा…

काठमाडौं, असोज ७ गते । देशका विभिन्न स्थानमा वर्षा भइरहेको छ। पछिल्लो ६ घण्टामा सबैभन्दा धेरै वर्षा पाल्पा जिल्लाको बल्ड्याङगडीमा ६० मिलिमिटर मापन भएको मौसम पूर्वानुमान महाशाखाले जनाएको छ। महाशाखाका अनुसार हाल कोशी र गण्डकी प्रदेशका केही स्थानमा, बागमती, लुम्बिनी, मधेस र कर्णाली प्रदेशका थोरै स्थानमा तथा सुदूरपश्चिम प्रदेशका एक–दुई स्थानमा मध्यमसम्मको वर्षा भइरहेको छ। वर्षा भइरहेका तथा आसपासका क्षेत्रमा थप वर्षाको सम्भावना रहेकाले आवश्यक सतर्कता अपनाउन महाशाखाले अनुरोध गरेको छ। विशेषगरी वर्षाका कारण सडक तथा यातायातमा असर पर्न सक्ने, नदी तथा खोलामा पानीको बहाव बढ्न सक्ने भएकाले मौसमको अवस्था हेरेर सावधानी अपनाउन आग्रह गरिएको छ। मौसम पूर्वानुमान महाशाखाले जारी…

काठमाडौं, असोज ३ गते । मौसम पूर्वानुमान महाशाखाले पछिल्लो एक घण्टामा लुम्बिनी प्रदेशको अर्घाखाँची जिल्लाको सिमलपानी आसपास सबैभन्दा धेरै वर्षा भएको जनाएको छ। महाशाखाका अनुसार आज दिउँसो १ः१५ बजेसम्म सिमलपानी आसपास पछिल्लो एक घण्टामा २९.८ मिलिमिटर वर्षा मापन भएको छ। त्यस्तै, पाँचथर, सिन्धुपाल्चोक, गोरखा, म्याग्दी, गुल्मी, पाल्पा, दाङ र डोटी जिल्लाका केही स्थानमा समेत हल्कादेखि मध्यम वर्षा भइरहेको महाशाखाले जनाएको छ। महाशाखाका अनुसार लुम्बिनी प्रदेशमा मेघगर्जनसहित वर्षा गराउने प्रणाली थप विकसित हुँदै उत्तर–पूर्वतर्फ सर्दै गएको छ। उक्त प्रणालीका कारण आसपासका क्षेत्रमा समेत वर्षा हुन सक्ने भएकाले स्थानीय बासिन्दालाई आवश्यक सतर्कता अपनाउन आग्रह गरिएको छ। वर्षाका कारण पहाडी तथा हिमाली क्षेत्रमा…