हेटौडा, असार १५ गते। हेटौंडा उपमहानगरपालिकाले स्वदेशमै बसेर कृषि तथा पशुपालन मार्फत स्वरोजगारमा संलग्न युवालाई प्रोत्साहन गर्ने कार्यक्रमलाई निरन्तरता दिएको छ।
यसैक्रममा उपमहानगरपालिकाकी नगर प्रमुख मीनाकुमारी लामा सहितको टोलीले हेटौंडा–१४ मा सञ्चालनमा रहेको “निश्चलराज एकीकृत कृषि तथा पशुपंक्षी फर्म” को अवलोकन गरेको छ।
अवलोकनका क्रममा फर्ममा भइरहेको ड्रागन फ्रुट खेती, कृषि उत्पादन तथा पशुपालन गतिविधिबारे जानकारी लिइएको थियो। टोलीमा प्रमुख प्रशासकीय अधिकृत टेक बहादुर वली लगायतको सहभागिता रहेको थियो।
उपमहानगरपालिकाले उत्पादनमुखी तथा स्वरोजगारमा आधारित काममा संलग्न युवालाई आवश्यक सहयोग तथा प्रोत्साहन गर्दै आएको जनाएको छ। पछिल्लो समय हेटौंडामा ड्रागन फ्रुट खेतीसहित व्यावसायिक कृषि र पशुपालनतर्फ युवाको आकर्षण बढ्दो क्रममा रहेको देखिएको छ।
प्रतिकृया दिनुहोस्
