काठमाडौं। स्पेनिस फुटबल लिग ला लिगाको २०२४/२५ सिजनको उपाधि बार्सिलोनाले दुई खेल बाँकी छँदै जितेको छ। गए राति भएको खेलमा बार्सिलोनाले इस्प्यानोललाई २-० ले पराजित गर्दै उपाधि सुनिश्चित गरेको हो।
इस्प्यानोलविरुद्धको सहज जितसँगै बार्सिलोनाको अंक तालिकामा ८५ अंक पुगेको छ। दोस्रो स्थानमा रहेको रियल मड्रिडको ७८ अंक छ र उसले अब दुई खेल खेल्न बाँकी छ। रियल मड्रिडले बाँकी दुवै खेल जिते पनि अधिकतम ८४ अंक मात्र पुग्ने भएकाले बार्सिलोनाले यो सिजनको उपाधि आफ्नो पक्षमा पारेको हो।
बार्सिलोनाको जितमा युवा खेलाडी लामिन यमल र फेरमिन लोपेजले एक-एक गोल गरे। यो जितसँगै बार्सिलोनाले २८ औँ पटक ला लिगाको उपाधि उचालेको छ।
प्रतिकृया दिनुहोस्
