हेटौँडा,चैत २८ गते । मकवानपुरको भिमफेदी गाउँपालिका–६ सिमलटारमा भिरबाट लडेर एक महिलाको मृत्यु भएको छ। मृत्यु हुनेमा हेटौंडा उपमहानगरपालिका–१४ नयाँबस्ती टोल निवासी ३५ वर्षीया सन्तोषी वाइवा रहेकी छन्।
प्राप्त जानकारी अनुसार सन्तोषी वाइवा घाँस काट्न जाने क्रममा करिब ५०–६० मिटर तल भिरबाट लडेर गम्भीर घाइते भएकी थिइन्। उनलाई तत्काल उद्धार गरी उपचारका लागि हेटौंडा अस्पताल पुर्याइएको थियो।
अस्पतालमा उपचारका क्रममा चिकित्सकले उनलाई मृत घोषणा गरेका हुन्। घटनाबारे थप अनुसन्धान भइरहेको प्रहरीले जनाएको छ।
प्रतिकृया दिनुहोस्
