हेटौडा,भदौ १६ गते । काभ्रे जिल्ला, चौरी देउराली गाउँपालिका–७ निवासी कम्युनिष्ट तथा वामपन्थी नेता, पूर्व अध्यक्ष मनिक लामाको असामयिक निधन भएको छ। २०१६ साल असार १९ गते जन्मिएका लामा २०८२ भदौ १३ गते शुक्रबार भारतको चेन्नईस्थित अस्पतालमा उपचारको क्रममा निधन भएको जसपा नेपाल बागमती प्रदेशले जनाएको छ।
उनको निधनप्रति जसपा नेपाल बागमती प्रदेश स्तब्ध र मर्माहित भएको जनाएको छ। मृतक आत्माको चिर शान्तिको कामना गर्दै भावपूर्ण श्रद्धाञ्जली अर्पण गरिएको छ। साथै जसपा नेपालका केन्द्रीय सचिव तथा बागमती प्रदेश संयोजक प्रमुख सुनी लामा, पूर्व सांसद नविना लामा र शोकसन्तप्त परिवारजनप्रति धैर्य, शक्ति र शान्तिको लागि समवेदना व्यक्त गरिएको छ।
बागमती प्रदेश अधिवेशन आयोजक समिति संयोजक जीवन लामा (जिमी)ले एक विज्ञप्ति जारी गर्दै दिवंगत नेता लामाको योगदानलाई स्मरण गर्दै गहिरो शोक व्यक्त गरेका छन्।
