हेटौँडा, चैत १४ गते । नेकपा एमाले, जिल्ला कमिटी मकवानपुरले अध्यक्ष तथा पूर्वप्रधानमन्त्री केपी शर्मा ओली र नेपाली काँग्रेसका नेता तथा पूर्वगृहमन्त्री रमेश लेखकको पक्राउको कडा विरोध जनाएको छ। पार्टीका अनुसार गत भाद्र २३ र २४ गते जेञ्जी आन्दोलनका घटनाहरूको छानबिन अघि नै विवादित कार्की आयोगको प्रतिवेदन सार्वजनिक नहुँदै गरिएको पक्राउ राजनीतिक प्रतिशोध र पूर्वाग्रहबाट प्रेरित रहेको छ।
एमाले मकवानपुरले गैरकानुनी रूपमा जारी गरिएको पूर्जीमार्फत पक्राउ गर्नु नेपालका कानुनी राज्यको उपहास भएको उल्लेख गर्दै तत्काल रिहाइको माग गरेको छ। पार्टीका अध्यक्ष हिदम लामाले यस घटनाले मुलुकलाई अन्त्यहीन द्वन्दमा फसाउने खतरा रहेको बताए।
नेकपा एमाले जिल्ला कमिटी मकवानपुरले पक्राउ गैरसंवैधानिक, गैरराजनीतिक र प्रतिशोधपूर्ण भएको ठहर गर्दै दुवै नेता तुरुन्त रिहा गर्न सरकारसँग माग गरेको छ।
समाचार स्रोत: नेकपा एमाले, जिल्ला कमिटी मकवानपुर
