चितवन,बैशाख २४ गते । मुग्लिन–नारायणगढ सडक खण्ड अन्तर्गत तुईन खोला नजिकै माथिबाट ढुंगा खस्दा केही समय सडक एकतर्फी रूपमा सञ्चालन गरिएको थियो। सडकमा ढुंगा झरेपछि यात्रु तथा सवारी साधनको सुरक्षालाई मध्यनजर गर्दै अस्थायी रूपमा एकतर्फी यातायात सञ्चालन गरिएको थियो।
सडक डिभिजन भरतपुरका अनुसार सडकमा खसेका ढुंगा तथा अवरोध हटाउने कार्य सम्पन्न भएपछि अहिले उक्त सडक खण्ड पूर्ण रूपमा दुवैतर्फ सञ्चालनमा आएको छ।
सडक डिभिजनले यात्रु तथा चालकहरूलाई वर्षायाम नजिकिँदै गएको अवस्थामा पहिरो तथा ढुंगा झर्ने सम्भावित जोखिमप्रति सतर्क रहन आग्रह गरेको छ। साथै, यात्रा गर्दा सावधानी अपनाउन र सम्बन्धित निकायबाट प्राप्त सूचना पालना गर्न अनुरोध गरिएको छ।
प्रतिकृया दिनुहोस्
