हेटौडा,जेठ ३ गते । आज हेटौंडा उपमहानगरपालिका वडा नं. १२ मा उज्यालो नेपाल पार्टी मकवानपुरको आयोजनामा ११ सदस्यीय स्थायी वडा समिति गठन कार्यक्रम सम्पन्न भएको छ।
अगम सिंह रुम्बाको अध्यक्षतामा गठित उक्त वडा समिति विशेष कार्यक्रमका बीच घोषणा गरिएको हो। कार्यक्रममा पार्टीका मकवानपुर संरक्षक ओम घलानको प्रमुख आतिथ्यता रहेको थियो भने जिल्ला तथा नगर तहका विभिन्न पदाधिकारीहरूको समेत उल्लेखनीय उपस्थिति रहेको थियो।
कार्यक्रममा बोल्दै वक्ताहरूले स्थानीय तहमा पार्टी संगठनलाई थप सुदृढ बनाउँदै जनताका समस्या समाधान र विकास निर्माणका कार्यमा सक्रिय रूपमा लाग्नुपर्ने धारणा व्यक्त गरेका थिए। साथै नवगठित समितिले वडा स्तरमा संगठन विस्तार तथा जनसेवालाई प्रभावकारी बनाउने विश्वास व्यक्त गरिएको थियो।
नवगठित समितिका सम्पूर्ण पदाधिकारी तथा सदस्यहरूलाई बधाई दिँदै सफल कार्यकालको शुभकामना व्यक्त गरिएको छ। कार्यक्रममा सहभागी नेता, कार्यकर्ता तथा शुभेच्छुक महानुभावहरूप्रति आयोजकले आभारसमेत व्यक्त गरेको छ।
