हेटौँडा असोज २१ गते । हेटौँडा उपमहानगरपालिका वडा नम्बर १३, पदमपोखरीले आर्थिक वर्ष २०८३/८४ को प्रथम त्रैमासिकअन्तर्गतको सामाजिक सुरक्षा भत्ता वितरणको मिति तय गरेको छ।
वडा कार्यालयका अनुसार सामाजिक सुरक्षा भत्ताको रकम सम्बन्धित लाभग्राहीको खातामा जम्मा भइसकेको छ। लाभग्राहीले तोकिएको मिति र समयमा प्रोग्रेसिभ फाइनान्स लिमिटेड, पदमपोखरी शाखामा उपस्थित भई आफ्नो भत्ताको रकम बुझिलिनुपर्नेछ।
वडा कार्यालयले लाभग्राहीलाई चेक, नागरिकता र सामाजिक सुरक्षा भत्ता परिचयपत्र साथमा लिएर उपस्थित हुन अनुरोध गरेको छ।
वडा कार्यालयले टोल विकास संस्थाअनुसार भत्ता बुझ्ने मिति र समय समेत निर्धारण गरेको छ।
असोज २२ गते बिहान ९ बजेदेखि दिउँसो ३ बजेसम्म सिर्जनशील, समृद्धि सिमपानी, मुस्कान सिरानटोल, समाजसेवी सिमपानी, शान्ति टुटेपानी, गौरव टुटेपानी र पवित्र टोल विकास संस्थाका लाभग्राहीले भत्ता बुझ्न सक्नेछन्।
त्यस्तै, असोज २३ गते बिहान ९ बजेदेखि दिउँसो ३ बजेसम्म म्हेन्दोलिङ, नमो बुद्ध, सक्रिय, को को म्हेन्दो, रमनथली, वनस्पति, साहारा, नमुना र पिपल बोट टोल विकास संस्थाका लाभग्राहीका लागि भत्ता वितरण गरिनेछ।
यसैगरी, असोज २६ गते बिहान ९ बजेदेखि दिउँसो ३ बजेसम्म हरियाली, सुन्दर बस्ती, हिमचुली, जडीबुटी, बिन्दवासिनी, तिनकुने, आधा मार, पद्म सम्भव र पद्म विनायक टोल विकास संस्थाका लाभग्राहीले भत्ता बुझ्न सक्ने वडा कार्यालयले जनाएको छ।
वडा कार्यालयले निर्धारित मिति र समयमा आवश्यक कागजातसहित सम्बन्धित लाभग्राहीलाई फाइनान्स शाखामा उपस्थित हुन अनुरोध गरेको छ।
