फेरि राजा चाइयो रे

दमन कम भयो
दमन चाइयो हामीलाई ।
एक लौटे  शासन थियो
जनवादी राज्य सत्ता आयो
अब हामीलाई फेरि राजा चाइयो रे ।

राजाका नातेदारले जे गर्दा नि
बोल्न, लेख्न मिल्दैनथ्यो ।
अहिले जे पनि बोल्न मिल्छ
जनताको श्रम शोषण गरिन्थ्यो
नाङ्गो नाच हेर्न, मोजमस्ती गर्न
लाखौं खर्च गरिन्थ्यो
अहिले पाइला पाइलामा सचेत हुनुपर्छ
त्यसैले हामिलाई फेरि राजा चाइयो रे ।

राजखान्दानले अपराध गरे कानुन लाग्दैनथ्यो
अहिले जोकोहिलाई पनि लाग्न सक्छ
राजतन्त्रमा जनताले आवाज उठाउन
पाउँदैनथ्यो गणतन्त्रमा पाइन्छ
त्यसैले हामिलाई फेरि राजा चाइयो रे ।

जनताका छोराछोरीले
राम्रो पढे जिब्रो काटिन्थ्यो
राम्रो लेखे औंला काटिन्थ्यो ।
तल्लो वर्गका श्रीमती, छोरी
राम्रो देखे बलात्कार गरिन्थ्यो ।
त्यो निरंकुश शासन हट्यो
अब हामीलाई फेरि राजा चाइयो रे ।

राजाको पालामा हजुरबुबाले
जुत्ता, चप्पल देख्नु भएन
राम्रो कपडा, बजार देख्न पाएन
अहिले गाउँघर बजारीकरण भयो
रमाइलो के हो थाहा भएन
मासुभात खान दशै तिहार कुर्नु पर्थ्यो
अहिले इच्छा अनुसार सबैथोक पाइन्छ
त्यसैले हामीलाई फेरि राजा चाइयो रे ।

बिरामी हुँदा हस्पिटल थिएन
सिटामोल के हो थाहा थिएन
गाडीघोडाका के कुरा गर्ने
नामनिशाना नै थिएन ।
राजाले प्रयोग गर्न चाहे भने
काठमाडौंका नेवार र
मकवानपुरका तामाङले
भरिया भएर बेहुली झैँ
दरवार पुर्‍याउनु पर्थ्यो
त्यसैले फेरि राजा चाइयो रे ।

दमन कम भयो
अत्याचार कम भयो
शोषण कम भयो
हामीलाई फेरि राजा चाइयो रे ।

                    लेखक : विवेक सी
     युवा संगठन नेपाल गण्डकी प्रदेश इन्चार्ज