मकवानपुर, कात्तिक १६ गते । नेपाल आयल निगम थानकोट डिपोका नाममा रहेको पेट्रोलियम पदार्थ अवैध रूपमा बिक्री गरिरहेको आरोपमा मकवानपुर प्रहरीले चार जना व्यक्तिलाई नियन्त्रणमा लिएको छ।
नेपाल आयल निगम, अम्लेखगंज डिपोबाट थानकोट तर्फ गइरहेको ना.४.ख ९३७७ नम्बरको पेट्रोल ट्याङ्करबाट पेट्रोल अवैध रूपमा झिकिरहेको अवस्थामा पक्राउ गरिएको हो।
जिल्ला प्रहरी कार्यालय मकवानपुरबाट खटिएको टोलीले मनहरी गाउँपालिका–८ स्थित जय शिव शरणम् फ्यूल सेन्टर प्रा.लि. मा पेट्रोल झिक्ने कार्य भइरहेको बेला चालकसहित चार जनालाई नियन्त्रणमा लिएको जनाएको छ।
प्रहरीका अनुसार, पक्राउ परेकामध्ये एक जना ट्याङ्कर चालक र तीन जना पेट्रोल पम्पका कर्मचारी हुन्। उनीहरू विरुद्ध आवश्यक अनुसन्धान प्रक्रिया अगाडि बढाइएको छ।
प्रहरीले घटनाबारे थप अनुसन्धान भइरहेको जनाएको छ।
प्रतिकृया दिनुहोस्
