हेटौंडा। नेपाल कम्युनिस्ट पार्टी मकवानपुरले बिनाकारण हिरासतमा राखिएका अभियन्ताहरुलाई यथाशीघ्र रिहाइ गर्न माग गरेको छ । नेकपा मकवानपुरका जिल्ला सेक्रेटरी पेमा सीले प्रेस विज्ञप्ति जारी गर्दै अभियन्ताहरुलाई तत्काल रिहाइ गर्न माग गरेका हुन् ।
हेटौँडा अस्पताल बचाउ तथा सुधार अभियानको आयोजनामा मदन भण्डारी स्वास्थ्य विज्ञान प्रतिष्ठानले सरकारी अस्पतालमाथी गरेको हस्तक्षेपका विरुद्धमा मिति २०८१/१२/३१ गते प्रतिष्ठानको बोर्ड भएको ठाउँमा हेटौँडा अस्पतालको बोर्ड राखिएको थियो । प्रतिष्ठानको दबावमा सिडियो र प्रहरी एसपिले उक्त बोर्ड राख्ने कार्यमा संलग्न अभियन्ताहरुलाई मिति २०८२/०१/४ गते छलफल र बार्ता गर्ने बहानामा जिल्ला प्रहरी कार्यलयमा बोलाएर ५ दिनको म्याद थप गरि हिरासतमै राखिएको थियो । जसमा हेटौँडा अस्पताल बचाउ तथा सुधार अभियानका संयोजक विशालराज महत, सुनिल गिरि, सफल अधिकारी, राजकुमार घिमिरे, समुन्द्र दाहाल र अस्मित अधिकारी रहेका छन् ।
सार्वजनिक सम्पत्ति संरक्षणमा लागेका अभियन्ताहरुलाई सम्मान गर्नुपर्ने ठाउँमा कुनै निश्चित व्यक्ति, संस्था वा पार्टीको दबाबमा परि अभद्र व्यवहारको मुद्दा लगाइ नियन्त्रणमा लिई हिरासतमा राख्नु निन्दनीय भएको कुरा विज्ञप्तिमा उल्लेख गरिएको छ । छलफलका लागि भन्ने बहानामा थानामा बोलाई पाखण्डिपना तरिकाले नियन्त्रण गरि हिरासतमा राखिएका अभियानका संयोजक विशालराज महत सहित ६ जना अभियन्ताहरुलाई यथाशिघ्र रिहाइ गर्न प्रेस विज्ञप्ति मार्फत माग गरेको छ ।
अभियान समितिको हेटौंडा अस्पताल बचाउ आन्दोलनप्रति ऐक्यवद्धता जनाउँदै नागरिकको आवाजलाई साथ दिने जस्तो सुकै कठिन यात्राको आन्दोलनमा पनि नेकपाको सहभागिता रहने प्रतिबद्धता विज्ञप्ति मार्फत गरेको छ । साथै विज्ञप्ति मार्फत हिरासतमा राखिएका अभियन्ताहरुको रिहाइ गर्न माग गर्दै मिति २०८२/०१/४ गते बेलुका ६ बजे देखि ७ बजे सम्मको १ घन्टे चक्काजाम सहितको विरोध प्रदर्शनमा उपस्थित नेकपा सहित सक्रिय राजनीतिक दलहरु नेकपा एकीकृत समाजवादी, रास्वपा, नेपाली काँग्रेस, नेकपा (माओवादी केन्द्र) र आम सचेत नागरिकहरुप्रती हार्दिक आभार र धन्यवाद प्रकट गरेको छ ।
प्रेस विज्ञप्ति :त्यस्तै मिति २०८२/०१/५ गते, विहान १०:३० बजे मानसचोकमा जम्मा भइ जिल्ला प्रशासन कार्यलय घेराउ गर्ने कार्यक्रममा नेकपाको सहभागी र साथ रहने विज्ञप्तिमा उल्लेख गरिएको छ । साथै विज्ञप्ति मार्फत उक्त कार्यक्रममा सहभागी भइ हेटौंडा अस्पताल बचाउ आन्दोलनको समर्थन गर्नुहुन सम्पूर्ण हेटौंडा बासी नागरिक र राजनीतिकदलहरु प्रति विनम्र अनुरोध गरेको छ ।
प्रेस विज्ञप्ति :-
