हेटौंडा । हेटौंडा उपमहानगरपालिका वडा नम्बर १ राप्ती किनारामा अवस्थित सार्वजनिक जग्गा स्थानीय केही हुकुमबासीले अतिक्रमण गर्न थालेपछी नेकपाको नेतृत्वमा गठित संघर्ष समितिले उक्त जमिन संरक्षणका लागि ध्यानाकर्षण गराउँदा सम्बन्धित निकाय मौन रहेकोले उक्त जमिनमा सुकुम्बासी राख्ने कोसिस गरिरहेको छ ।
सुकुम्बासी बस्ती बसाउने उद्देश्य सहित नेकपाले आज सुकुम्बासी सहभागी गराइएको छ । भेलामा लगभग ७/८ सय जना भूमिहीन सुकुम्बासी उपस्थित भएका छन् । सार्वजनिक जमिन हुकुम्बासीलाई होइन सुकुम्बासीलाई दिनुपर्छ भन्दै उपस्थित जमातले नाराजुलुस गरेका छन् । साथै सार्वजनिक जमिन संरक्षणमा स्थानीय सरकार तथा जिल्ला प्रशासन उदासिन भएकोले तत्काल कदम चाल्न माग गरेका छन् ।
उपस्थित सुकुम्बासीले नाराजुलुस गर्न थालेपछी सिडिओ स्किम श्रेष्ठ समेत फिल्डमा उपस्थित भएका छन् । जिल्ला प्रशासन कार्यलय प्रमुख स्किमले सार्वजनिक सम्पत्ति संरक्षण गर्नु हामी सबैको कर्तव्य भएकोले यस कार्यमा तत्काल लाग्ने प्रतिबद्धता गरेका छन् ।
फिल्ड भिजिट पश्चात् सार्वजनिक जमिन हड्प्न खोज्ने स्थानिय सहित नेकपा र सार्वजनिक जमिन संरक्षण संघर्ष समितिका अभियन्ताहरुलाई सिडिओ कार्यलयमा बार्ताका लागि डाकेका थिए । बार्तामा सबैको कुरा सुनेपछी हेटौंडा-१ चौकिटोलमा मात्र नभै पालिकाका १९ वटै वडामा अतिक्रम गरेका सार्वजनिक जमिन संरक्षणका लागि पहल गर्ने बताएका छन् ।
