बुटवल। रुपन्देहीको तिलोत्तमा जानकीनगरस्थित एक घरबाट भएको सुन चोरीमा संलग्न भएको आरोपमा बुटवलका तीन युवालाई प्रहरीले पक्राउ गरेको छ। यही जेठ २५ गते ध्रुव भण्डारीको घरबाट गरगहना चोरी भएको घटनामा प्रहरीले चोरी भएको सुनका गहनासहित उनीहरूलाई नियन्त्रणमा लिएको हो।
पक्राउ पर्नेहरूमा बुटवल उपमहानगरपालिका वडा नं. ७ का २३ वर्षीय विष्णु थापा, वडा नं. १३ का २५ वर्षीय युसुफ गुरुङ, र वडा नं. ६ का २२ वर्षीय विशाल तामाङ रहेको जिल्ला प्रहरी कार्यालय रुपन्देहीका प्रहरी नायब उपरीक्षक (डीएसपी) सुरज कार्कीले जानकारी दिए।
प्रहरीले पक्राउ परेकाहरूको शरीर खानतलासी गर्दा कुच्चिएको अवस्थामा एक थान मंगलसूत्र बरामद गरेको जनाएको छ। उनीहरूमाथि चोरी कसुरमा इलाका प्रहरी कार्यालय बुटवल, रुपन्देहीबाट थप अनुसन्धान भइरहेको प्रहरीले जनाएको छ।
प्रतिकृया दिनुहोस्
