काठमाडौं, भदौ २७ गते । गायक राजेश पायल राईले सामाजिक सञ्जालमार्फत आफू सञ्चार तथा विदेश मन्त्रालय सम्हाल्न तयार रहेको दाबी गरेका छन्। उनले प्रधानमन्त्री बन्ने माग नगरेको स्पष्ट गर्दै, तर सञ्चार, पर्यटन र विदेश मामिलामा नेतृत्व गर्न सक्ने आत्मविश्वास व्यक्त गरेका छन्।
राईले लेखेका छन्, “#GEN_Z भाइहरु, मलाई सञ्चार र विदेश मन्त्रालय सम्हाल्न दिनुस, प्रधानमन्त्री मागेको छैन। किनभने म सञ्चार र पर्यटन सम्हाल्न सक्छु। यदि म भन्दा बढी विदेश पुगेको प्रमाण कसैसँग छ भने पासपोर्ट हेरेर प्रमाणित गरौँ।”
उनले पर्यटन र संगीतको विकासमा विशेष ध्यान दिन सक्ने विश्वास पनि व्यक्त गरेका छन्। उनका अनुसार आँट गर्न सक्ने हो भने असम्भव केही हुँदैन।
यसअघि समेत उनी विभिन्न सामाजिक मुद्दामा धारणा राख्दै आएका छन्। हालै तीव्र गतिमा बढिरहेको GenZ अभियानप्रति ऐक्यबद्धता जनाउँदै उनले आफ्नो सक्रिय भूमिका खेल्न तयार रहेको संकेत दिएका हुन्।
