काठमाडौं, अशोज २३ गते । प्रधानमन्त्री सुशीला कार्कीले आज राष्ट्रपति रामचन्द्र पौडेलसँग भेट गरेकी छन्। मन्त्रिपरिषद्को बैठक सम्पन्न भएपछि प्रधानमन्त्री कार्की राष्ट्रपति निवास शीतलनिवास पुगेर राष्ट्रपति पौडेलसँग भेटघाट गरेकी हुन्।
भेटका क्रममा मुलुकको पछिल्लो राजनीतिक अवस्थासँगै आगामी निर्वाचनका तयारी तथा अन्य समसामयिक विषयमा छलफल भएको सञ्चार तथा सूचना प्रविधिमन्त्री जगदीश खरेलले जानकारी दिए।
सरकारका हालका निर्णयहरू, निर्वाचन प्रक्रिया र राजनीतिक दलबीचको सहकार्यका विषयमा समेत छलफल केन्द्रित रहेको बताइएको छ। राष्ट्रपति र प्रधानमन्त्रीबीचको यो भेट मुलुकको वर्तमान राजनीतिक गतिशीलताको पृष्ठभूमिमा महत्वपूर्ण मानिएको छ।
प्रतिकृया दिनुहोस्
