हेटौंडा, मंसिर ५ गते । मकवानपुर जिल्लामा सामुदायिक प्रहरी साझेदारी कार्यक्रम अन्तर्गत लागू औषध दुरुपयोगबारे सचेतना प्रदान गर्ने उद्देश्यले हेटौंडा उपमहानगरपालिका–२ मा अवस्थित बाल जागृती माध्यमिक विद्यालयमा एकदिने प्रशिक्षण कार्यक्रम सम्पन्न भएको छ।
विद्यालयको सभाहलमा आयोजित उक्त कार्यक्रममा प्रहरि कार्यालयमा कार्यरत प्रहरी नायब निरीक्षक (प्र.स.नि.) संगिता लामाले कक्षा ५ देखि ९ मा अध्ययनरत विद्यार्थीहरूलाई लागू औषधको चिनारी, यसको दुष्परिणाम, कानूनले गर्ने व्यवस्था तथा रोकथामका उपायहरूबारे विस्तृत रूपमा प्रशिक्षण प्रदान गरेकी थिइन्।
कार्यक्रममार्फत विद्यार्थीहरूलाई सकारात्मक जीवनशैली अपनाउन, गलत साथ–संगतबाट जोगिन तथा लागू औषधका जोखिमहरूबारे सचेत रहन आग्रह गरिएको विद्यालयले जनाएको छ।
प्रतिकृया दिनुहोस्
