हेटौंडा, पुस १० गते । सधैं आफ्ना आफन्त, साथीभाइ, इष्टमित्र तथा समाजका विभिन्न विषयमा सूचना र आवाज उठाउँदै आएका सामाजिक प्रयोगकर्ता आश बहादुर भ्लोन आज व्यक्तिगत समस्याका कारण सामाजिक सञ्जालमार्फत सहयोगको अपेक्षामा देखिएका छन् ।
आफ्नो मोटरसाइकल हराएपछि सुरुमा सामाजिक सञ्जालमा पोस्ट गर्न नचाहेको बताउँदै भ्लोनले साथीभाइबाट फोन आउन थालेपछि बाध्य भएर फेसबुकमा सूचना सार्वजनिक गरेको हो । “सधैं अरूका लागि बोल्दै आएको मान्छे, आज आफ्नै बाइक हराएको सूचना हाल्नुपर्यो, पोस्ट हाल्न मन थिएन,” उनले फेसबुक स्टाटसमा उल्लेख गरेको छ ।
उनको स्टाटस सार्वजनिक भएपछि सामाजिक सञ्जाल प्रयोगकर्ताहरूले सहानुभूति व्यक्त गर्दै बाइक फेला पार्न सहयोगको प्रतिबद्धता जनाइरहेका छन् । स्थानीय स्तरमा सामाजिक सूचना प्रवाहमा सक्रिय भ्लोनको घटनाले सामाजिक सञ्जाल आपसी सहयोगको माध्यम बन्न सक्ने सन्देश पनि दिएको छ ।
बाइक फेला पार्न सहयोग गर्न सक्ने जो–कोहीलाई जानकारी दिन उनले अनुरोध गरेको छ ।
