काठमाडौं,जेठ ७ गते। दुर्गा प्रसाईं सम्बन्धी बन्दीप्रत्यक्षीकरण निवेदनमा सर्वोच्च अदालतले सरकारका नाममा २४ घण्टाभित्र लिखित जवाफ पेश गर्न आदेश दिएको छ।
न्यायाधीश महेश शर्मा पौडेलको एकल इजलासले प्रसाईंलाई पक्राउ गर्नुको कारणसहितको विवरण महान्यायाधिवक्ता कार्यालय मार्फत अदालतमा पेश गर्न निर्देशन दिएको हो।
प्रसाईंको तर्फबाट अधिवक्ता आशिष लुइँटेलले बन्दीप्रत्यक्षीकरणको निवेदन दर्ता गराएका थिए। उक्त निवेदनमाथि प्रारम्भिक सुनुवाइ गर्दै अदालतले सम्बन्धित निकायसँग स्पष्टीकरण माग गरेको हो।
अदालतको आदेशसँगै अब सरकारी पक्षले प्रसाईंलाई पक्राउ गर्नुको कानुनी आधार र अवस्थाबारे विस्तृत जवाफ पेश गर्नुपर्ने भएको छ।
प्रतिकृया दिनुहोस्
