जाजरकोट। जाजरकोटमा पछिल्लो दिनहरूमा भूकम्पको धक्का पटकपटक गइरहेको छ। हिजो सोही अनुरूप राति ९:११ मिनेट जाँदा जाजरकोटको पैक भन्ने स्थानलाई मुख्य केन्द्रबिन्दु बनाएर ४.१ म्याग्निच्युडको भूकम्प गएको र फेरि पुनः ७ घण्टाको अन्तरालमा आज बिहान ४ बजेर ५३ जाँदा अर्को भूकम्पको धक्का गएको छ।
पटकपटक सात घण्टाको अन्तरालले गएको भूकम्प बिहान कुशे गाउँपालिकाको पैकलाई केन्द्रबिन्दु बनाएर ४ दशमलव ४ म्याग्निच्युडको भएको राष्ट्रिय भूकम्प मापन केन्द्र तथा अनुसन्धान केन्द्रले जानकारी दिएको छ।
यस अघि पनि गत चैत्र २१ गते साँझ ८ बजेर ७ मिनेट र ८ बजेर १० मिनेट जाँदा सोही स्थानलाई केन्द्रबिन्दु बनाएर दुईपटकसम्म भूकम्प गएको थियो। गएको पहिलो भूकम्प भने ५ दशमलव २ र दोस्रो भूकम्प भने ५.५ म्याग्निच्युडको भएको थियो। त्यसबेलाको भूकम्पले गर्दा केही मानवीय संरचनामा क्षति भन्ने पुर्याएको थियो।
पछिल्लो समयहरूमा पश्चिम नेपाललाई नै केन्द्रबिन्दु बनाएर सानाठुला भूकम्पका धक्काहरू गइरहेको देखिन्छ। गत २० गते दार्चुलाले पनि केन्द्रबिन्दु बनाएर ४ म्याग्निच्युडको भूकम्प गएको थियो। यसैगरी चैत्र १२ गते पनि हुम्ला जिल्लालाई केन्द्रबिन्दु बनाएर ४ दशमलव ५ म्याग्निच्युडको भूकम्प गएको राष्ट्रिय भूकम्प मा पनि केन्द्रले जानकारी दिएको छ।
तर हिजो र आज बिहान गएको भूकम्पको धक्काले भौतिक संरचनामा भने के कति क्षति भयो बन्ने विस्तृत विवरण आउन बाँकी रहेको छ।
