मकवानपुर, भदौ ८ गते । मकवानपुर प्रहरीले लागुऔषधसहित दुई भारतीय नागरिकलाई पक्राउ गरेको छ। रक्सौलबाट काठमाडौं जाँदै गरेको भारतीय नम्बर प्लेटको सुमो (BR 01 PB 1802) बाट लागूऔषध बरामद गरिएको हो।
प्रहरीका अनुसार सवारी साधनको तलासी लिँदा ३९ पोका भित्र लुकाई छिपाई राखिएको फेनेर्गान, नुफिन, डाइजेपाम गरी जम्मा ५,८५० एम्पुल र ट्रामाडोल २४० क्याप्सुल फेला परेको छ।
लागुऔषध ओसारपसारमा संलग्न आशंकामा दुई भारतीय नागरिकलाई नियन्त्रणमा लिई थप अनुसन्धान अघि बढाइएको प्रहरीले जानकारी दिएको छ।
शंकास्पद सुमो गाडीलाई मकवानपुरको एक स्थानबाट नियन्त्रणमा लिइएको हो। पक्राउ परेका व्यक्तिहरूको नाम र ठेगाना सार्वजनिक गरिएको छैन।
यस घटनाले भारत–नेपाल सीमावर्ती क्षेत्र हुँदै हुँदै लागुऔषध तस्करीको समस्या पुनः सतहमा ल्याएको छ।
प्रतिकृया दिनुहोस्
