चितवन, अशोज १४ गते । मुग्लिन–नारायणगढ सडक खण्ड अन्तर्गत तुईन खोला पुल नजिक पहिरो खसेपछि साँझ केही समयका लागि सडक अवरुद्ध भएको छ।
आज साँझ करिब ८:३० बजे वर्षातका कारण माथिबाट लेदो खस्दा सडक अवरुद्ध भएको सडक डिभिजन भरतपुरले जनाएको छ। डिभिजनका मेशिन परिचालन गरी पहिरो पन्छाएपछि सडकमा यातायात आवागमन पुनः सुरु गरिएको डिभिजनले जानकारी दिएको छ।
सडक सुचारु भए पनि अझै सतर्क रहन आग्रह गरिएको छ। साथै, डिभिजनले चालक तथा यात्रीलाई लेन अनुशासन पालना गर्न अनुरोध गरेको छ।
प्रतिकृया दिनुहोस्
