मकवानपुर, अशोज २३ गते । हर्क साम्पाङ र रेभुलेसन श्रम संस्कृतिलाई सहयोगी दाता किसोर राणाले आर्थिक सहयोग प्रदान गरेका छन्। संस्थापक सदस्य सुन्दर लामाका अनुसार उक्त सहयोग मकवानपुरमा जारी श्रम र माटोसँग जोडिएको अभियानलाई थप हौसला र प्रेरणा दिने उद्देश्यले गरिएको हो।
देशको विकास श्रम, इमान र माटोसँग जोडिनु पर्ने विचारका साथ हर्क साम्पाङ नेतृत्वको अभियानले पछिल्लो समयमा मकवानपुरमा विभिन्न श्रम–आधारित गतिविधिहरू अघि बढाइरहेको छ। यस क्रममा किसोर राणाको सहयोगले अभियानलाई थप गति प्रदान गर्ने विश्वास संस्थापक सदस्य लामाले व्यक्त गरेका छन्।
मकवानपुर जिल्ला प्रतिनिधित्व गर्दै अघि बढिरहेको रेभुलेसन श्रम संस्कृति पार्टीका कार्यकर्ताले पनि उक्त सहयोगलाई सकारात्मक रूपमा लिएका छन्। उनीहरूले यो सहयोगले स्थानीय तहमा श्रम र उत्पादनमुखी सोचलाई बल मिल्ने विश्वास व्यक्त गरेका छन्।
