हेटौडा, मंसिर २२ गते । यातायात व्यवस्था कार्यालय हेटौडामा इन्टरनेट सेवा अवरुद्ध भएपछि सवारी चालक अनुमतिपत्र (लाइसेन्स) सम्बन्धी सबै सेवा अनिश्चितकालका लागि बन्द गरिएको छ।
कार्यालयले जारी गरेको सूचनामा मंसिर २१ गतेदेखि इन्टरनेट सेवा नै रोकिएकोले लाइसेन्स सम्बन्धी कुनै पनि सेवा प्रवाह गर्न नसकिएको उल्लेख छ। समस्या समाधान नहुँदासम्म सेवाहरू बन्द रहने कार्यालयले जनाएको छ।
सेवा अवरुद्ध हुँदा दर्ता, लिखित तथा ट्रायल परीक्षा, स्मार्ट–कार्ड प्रिन्ट लगायतका सबै प्रक्रिया रोकिएका छन्। इन्टरनेट पुनः सुचारु भएपछि मात्र सेवा सञ्चालनमा आउने बताइएको छ।
कार्यालयले सेवाग्राहीमा परेको असुविधाप्रति क्षमायाचना गर्दै समस्या चाँडै समाधान गर्ने प्रतिबद्धता जनाएको छ।
प्रतिकृया दिनुहोस्
