काठमाडौं,बैशाख १९ गते । रामचन्द्र पौडेलले नेपालको संविधानको धारा ११४ को उपधारा (१) बमोजिम नेपाल सरकार मन्त्रिपरिषद्को सिफारिसमा तीन वटा अध्यादेश जारी गरेका छन्।
राष्ट्रपतिको कार्यालयद्वारा जारी विज्ञप्तिअनुसार स्वास्थ्य, विश्वविद्यालय तथा सार्वजनिक पदाधिकारीसँग सम्बन्धित विभिन्न कानुनी व्यवस्थालाई संशोधन गर्न अध्यादेशहरू ल्याइएको हो।
जारी गरिएका अध्यादेशमध्ये पहिलो ‘स्वास्थ्य विज्ञान प्रतिष्ठान सम्बन्धित केही नेपाल ऐनलाई संशोधन गर्ने अध्यादेश, २०८३’ हो, जुन २०८३ वैशाख १९ गते जारी गरिएको हो।
त्यसैगरी ‘सार्वजनिक पदाधिकारीको पद मुक्ति सम्बन्धी विशेष व्यवस्था अध्यादेश, २०८३’ पनि २०८३ वैशाख १९ गते नै जारी गरिएको छ। यस अध्यादेशले सार्वजनिक पदमा रहेका व्यक्तिहरूको पदमुक्ति सम्बन्धी व्यवस्था स्पष्ट पार्ने अपेक्षा गरिएको छ।
तेस्रो ‘विश्वविद्यालय सम्बन्धी केही नेपाल ऐनलाई संशोधन गर्ने अध्यादेश, २०८३’ २०८३ वैशाख १९ गते जारी गरिएको छ, जसले विश्वविद्यालयको व्यवस्थापन तथा सञ्चालनसँग सम्बन्धित कानुनी पक्षहरूमा सुधार ल्याउने उद्देश्य राखेको छ।
राष्ट्रपतिको कार्यालयका प्रवक्ता रितेश कुमार शाक्यले जारी गरेको विज्ञप्तिमा यी अध्यादेशहरू आवश्यक सुधार र व्यवस्थापन सुदृढीकरणका लागि ल्याइएको उल्लेख गरिएको छ।
