रूपन्देही। रूपन्देही जिल्लाको प्रहरी चौकी हाटी बनगाई दुर्गौलियामा कार्यरत प्रहरी नायक निरीक्षक (सई) खिमबहादुर खड्का आर्थिक लेनदेन घुस सहित पक्राउ परेका छन्। उनलाई अख्तियार दुरुपयोग अनुसन्धान कार्यालय बुटवलले रकम ३० हजार लिइरहेको बेला रङ्गे हात पक्राउ गरिएको हो।
भारतबाट दुर्गौलिया नाका हुँदै अवैध रूपमा भन्सार छलेर भित्र्याएका सामानहरूलाई घरायसी प्रयोजनको लागि सामान ल्याउन सहजीकरण गरिदिने भन्दै सेवाग्राहीहरुबाट घुस लिएको उनीमाथि उजुरी परेको थियो।
उक्त सूचनाको आधारमा आज उनलाई अख्तियारको टोलीले मायादेवी गाउँपालिका ६ बाट नियन्त्रणमा लिए कारबाही गर्न अनुसन्धान प्रक्रिया अगाडि बढाएको प्रहरीले जानकारी दिएको छ।
प्रतिकृया दिनुहोस्
