नवलपरासी। नवलपरासीको रामग्राम नगरपालिका-१ स्थित सुनवल-परासी सडक खण्डमा मंगलबार राति मोटरसाइकलको ठक्करबाट एक साइकल चालकको मृत्यु भएको छ।
जिल्ला प्रहरी कार्यालय नवलपरासीका प्रहरी नायव उपरीक्षक वीरदत्त पन्तका अनुसार, सुनवलबाट परासीतर्फ आउँदै गरेको लु १८ प २९४५ नम्बरको मोटरसाइकलले सोही दिशातर्फ गइरहेको साइकललाई ठक्कर दिँदा रामग्राम नगरपालिका-१ का ५० वर्षीय लवकुश चौधरी गम्भीर घाइते भएका थिए। उनको उपचारको क्रममा जिल्ला अस्पताल परासीमा मृत्यु भएको हो।
दुर्घटनामा मोटरसाइकल चालक सुनवल नगरपालिका-३ का ३० वर्षीय लक्ष्मण सापकोटा र मोटरसाइकलको पछाडि बसेका सोही ठाउँका २६ वर्षीय अमृत भुजेल पनि घाइते भएका छन्। सापकोटाको टाउको र नाकमा चोट लागेकोले उनको मेडिकल कलेज भैरहवामा उपचार भइरहेको छ भने भुजेल सामान्य उपचारपछि डिस्चार्ज भएका छन्।
प्रतिकृया दिनुहोस्
