गोरखा। गोरखामा बसको ठक्करबाट एक चार वर्षीया बालिकाको घटनास्थलमै मृत्यु भएको छ भने उनकी आमा गम्भीर घाइते भएकी छिन्। प्रहरीका अनुसार, गोरखा नगरपालिका–४ फिनामकी चार वर्षीया सुविना सुर्खेतीको गोरखाबाट आरुघाटतर्फ गइरहेको ग२ख ९२५ नम्बरको बसको ठक्करबाट मृत्यु भएको हो।
आज दिउँसो बसबाट ओर्लिने क्रममा सोही बसले ठक्कर दिँदा बालिकाको घटनास्थलमै मृत्यु भएको प्रहरी नायब उपरीक्षक इन्द्रप्रसाद सुवेदीले जानकारी दिए। घटनामा बालिकाकी आमा २० वर्षीया विनिता सुर्खेती गम्भीर घाइते भएकी छिन्।
घाइते विनिताको प्रदेश अस्पताल गोरखामा उपचार भइरहेको गोरखा नगरपालिका–४ का कार्यवाहक वडाध्यक्ष निसा रोकाले बताउनु भएको छ।
प्रतिकृया दिनुहोस्
