हेटौंडा, भदौ २३ गते । हेटौडा उपमहानगरपालिकाकी मेयर मिनाकुमारी लामाले आजको नयाँ पुस्ताद्वारा गरिएको लक्षित आन्दोलनबारे राखेको अभिव्यक्तिप्रति मधेसी युवाहरूले गम्भीर आपत्ति जनाएका छन्।
मधेसी युवाहरू माथि राखिएको विभेदपूर्ण भनाइ अस्वीकार्य भएको भन्दै तत्काल फिर्ता लिन माग गरिएको छ। साथै, उक्त अभिव्यक्ति मार्फत मधेसी विद्यार्थीहरूको सम्मानमा आघात पुगेको भन्दै सार्वजनिक रूपमा माफी माग्न आग्रह गरिएको छ।
युवाहरूले भनेका छन्, “स्थानीय तहका जनप्रतिनिधिबाट यस किसिमको विभेदपूर्ण र गैरजिम्मेवार अभिव्यक्ति आउनु दुखद र निन्दनीय छ। यो व्यवहारले सामाजिक सद्भाव र सहअस्तित्वमा ठेस पुर्याएको छ।”
साथै, उनीहरूले भविष्यमा कुनै पनि जिम्मेवार पदमा रहेका व्यक्तिहरूले विभेदकारी विचार प्रकट नगरी सहिष्णुता, समानता र सहअस्तित्वलाई मजबुत पार्ने अभिव्यक्ति दिनुपर्नेमा जोड दिएका छन्।
