हेटौंडा, अशोज १० गते । बागमती प्रदेशका कृषि तथा पशुपन्छी विकास मन्त्री मदूसुदन पौडेलले गत असोज २३ र २४ गतेका घटनालाई फरक स्वरूपको बताएका छन्। उनले २३ गतेको आन्दोलनलाई जिन–जि पुस्ताले गरेको अलग किसिमको आन्दोलन भने पनि २४ गते देखिएको देशव्यापी ताण्डवलाई आन्दोलन नभई आतंक भएको बताए।
रेडियो भरोसासँगको विशेष संवादमा मन्त्री पौडेलले भने, “२४ गतेको घटनामा आक्रोशको नाममा देशव्यापी विध्वंश मच्चाइयो। निर्दोष बालबालिकासहित युवाहरूले ज्यान गुमाउँदा पीडित छु। उनीहरूलाई हार्दिक श्रद्धाञ्जली अर्पण गर्दछु।”
उनका अनुसार मन्त्रालयसहित मातहतका विभिन्न निकायमा करिब ६ करोड ५१ लाख रुपैयाँ बराबरको भौतिक क्षति पुगेको छ। मन्त्रालयमै मात्र ३ करोड ४७ लाखभन्दा बढीको नोक्सानी भएको र १४ वटा सवारी साधनमा क्षति पुगेको उनले जानकारी दिए।
पौडेलले आन्दोलनको नाममा राष्ट्रिय सम्पदामाथि भएको आक्रमणलाई दुःखद बताउँदै भने, “जसरी विध्वंश भयो, त्यो जिन जि पुस्ताले मात्र गरेको होइन। त्यो सबै गर्ने भनेको विध्वंशकारी हुन् ।
मन्त्री पौडेलले दशैं उत्साहपूर्वक भन्दा पनि परम्परागत रीतिरिवाजका आधारमा मात्रै मनाउने तयारी गरेको बताए।
